ਜਲੰਧਰ

ਲਿੰਕ ਰੋਡ ’ਤੇ ਗੈਰ-ਕਾਨੂੰਨੀ ਥੜ੍ਹੀਆਂ ਤੇ ਘੇਰਾਬੰਦੀ ਨਾਲ ਸੜਕ ਦੀ ਚੌੜਾਈ ਘਟਣ ਬਾਰੇ ਨਿਗਮ ਨੂੰ ਕੀਤੀ ਸ਼ਿਕਾਇਤ

ਅ

ਅਜੀਤ ਡੈਸਕ 24-09-2026

ਜਲੰਧਰ, 23 ਸਤੰਬਰ (ਸ਼ਿਵ)- ਇੰਜੀ. ਪ੍ਰਦੀਪ ਕੁਮਾਰ ਨੇ ਆਪਣੇ ਇਕ ਜਾਰੀ ਬਿਆਨ ਵਿਚ ਕਿਹਾ ਹੈ ਕਿ ਸ੍ਰੀ ਗੁਰੂ ਰਵਿਦਾਸ ਨਗਰ ਖੇਤਰ ਦੇ ਗਲੀ ਨੰਬਰ 2 ਵਿਚ ਰਤਨ ਕਲੀਨਿਕ ਤੋਂ ਥੋੜ੍ਹਾ ਅੱਗੇ ਖੱਬੇ ਪਾਸੇ ਲਿੰਕ ਰੋਡ ਉੱਤੇ ਘਰਾਂ ਦੇ ਵਸਨੀਕਾਂ ਵਲੋਂ ਉਸਾਰੀਆਂ ਗਈਆਂ ਉੱਚੀਆਂ ਥੜੀਆਂ ਤੇ ਰੋਡ ਘੇਰਣ ਕਾਰਨ ਸੜਕ ਦੀ ਅਸਲੀ ਚੌੜਾਈ ਬਹੁਤ ਘੱਟ ਗਈ ਹੈ। ਇਸ ਨਾਲ ਰਾਤ ਦੇ ਹਨੇਰੇ ਵਿਚ ਵਾਹਨਾਂ ਨਾਲ ਟੱਕਰ ਹੋਣ ਤੇ ਰਹਿਣ ਵਾਲਿਆਂ ਲਈ ਰੋਜ਼ਾਨਾ ਤਕਲੀਫ਼ ਦਾ ਖ਼ਤਰਾ ਵਧ ਗਿਆ ਹੈ। ਉਨ੍ਹਾਂ ਵਲੋਂ ਨਗਰ ਨਿਗਮ ਜਲੰਧਰ ਦੇ ਬਿਲਡਿੰਗ ਇੰਸਪੈਕਟਰ ਨੂੰ ਦਿੱਤੀ ਗਈ ਸ਼ਿਕਾਇਤ ਮੁਤਾਬਕ ਇਸ ਲਿੰਕ ਰੋਡ ਉੱਤੇ ਘਰਾਂ ਵੱਲੋਂ ਲਗਭਗ ਚਾਰ ਫੁੱਟ ਉੱਚੀਆਂ ਵੱਡੀਆਂ ਥੜੀਆਂ ਬਣਾ ਲਈਆਂ ਗਈਆਂ ਹਨ। ਕੁਝ ਘਰਾਂ ਨੇ ਸੀਵਰ ਪਾਈਪਾਂ ਦੀਆਂ ਥੜੀਆਂ ਵੀ ਉੱਚੀਆਂ ਕਰ ਲਈਆਂ ਹਨ ਤੇ ਚਾਰ ਦੀਵਾਰੀਆਂ ਨੂੰ ਸੜਕ ਵੱਲ ਵਧਾ ਕੇ ਰੋਡ ਘੇਰ ਲਿਆ ਗਿਆ ਹੈ। ਸ਼ਿਕਾਇਤ ’ਚ ਦੱਸਿਆ ਗਿਆ ਹੈ ਕਿ ਇਸ ਗਲੀ, ਸੜਕ ਦੀ ਅਸਲੀ ਚੌੜਾਈ ਸਿਰਫ਼ 11 ਫੁੱਟ 6 ਇੰਚ ਹੈ, ਪਰ ਥੜੀਆਂ ਤੇ ਘੇਰਾਬੰਦੀ ਕਾਰਨ ਇਹ ਘਟ ਕੇ ਮਹਿਜ਼ 7 ਫੁੱਟ ਰਹਿ ਗਈ ਹੈ। ਇਸ ਕਰਕੇ ਰਾਤ ਵੇਲੇ ਕਿਸੇ ਵੀ ਵਾਹਨ ਨਾਲ ਉੱਚੀਆਂ ਥੜੀਆਂ ਨਾਲ ਟੱਕਰ ਹੋਣ ਦਾ ਖ਼ਤਰਾ ਬਣਿਆ ਰਹਿੰਦਾ ਹੈ।

ਪਿਛਲੀ ਖ਼ਬਰ ਫੋਰਟਿਸ ਹਸਪਤਾਲ ਜਲੰਧਰ ਨੇ 111 ਸਫ਼ਲ ਸਟੇਮੀ ਇੰਟਰਵੈਂਸ਼ਨਾਂ ਦੇ ਨਾਲ ਹਾਸਿਲ ਕੀਤੀ ਇਕ ਵੱਡੀ ਉਪਲਬਧੀ ਅਗਲੀ ਖ਼ਬਰ ਬਾਬਾ ਸੋਢਲ ਮੇਲਾ ਭਲਕੇ-ਨਿਗਰਾਨੀ ਲਈ ਨਗਰ ਨਿਗਮ , ਟਰੱਸਟ ਨੇ ਵੀ ਬਣਾਇਆ ਕੰਟਰੋਲ ਰੂਮ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਲਿੰਕ ਰੋਡ ’ਤੇ ਗੈਰ-ਕਾਨੂੰਨੀ ਥੜ੍ਹੀਆਂ ਤੇ ਘੇਰਾਬੰਦੀ ਨਾਲ ਸੜਕ ਦੀ ਚੌੜਾਈ ਘਟਣ ਬਾਰੇ ਨਿਗਮ ਨੂੰ ਕੀਤੀ ਸ਼ਿਕਾਇਤ

Subscribers Only Story

ਸੰਬੰਧਿਤ ਖ਼ਬਰਾਂ