ਮੇਅਰ ਦੇ ‘ਆਪ’ ਇੰਚਾਰਜ ਬਣਨ ਨਾਲ ਉੱਤਰੀ ਹਲਕੇ ਦੀਆਂ ਸਮੱਸਿਆਵਾਂ ਦੇ ਹੱਲ ਹੋਣ ਦੀ ਬੱਝੀ ਆਸ ਲੰਬੇ ਸਮੇਂ ਤੋਂ ਹਰਿਗੋਬਿੰਦ ਨਗਰ, ਟਰਾਂਸਪੋਰਟ ਨਗਰ, ਲੰਬਾ ਪਿੰਡ ਵਿਚ ਭਰਿਆ ਰਹਿੰਦਾ ਹੈ ਪਾਣੀ
ਅਜੀਤ ਡੈਸਕ
30-07-2026
ਸਮੱਸਿਆਵਾਂ ਹੱਲ ਕਰਵਾਉਣ ਲਈ ਕਮਿਸ਼ਨਰ ਨੂੰ ਮਿਲੇ ਬਾਵਾ ਹੈਨਰੀ
ਜਲੰਧਰ, ਉੱਤਰੀ ਹਲਕੇ ਦੇ ਕਾਂਗਰਸ ਦੇ ਵਿਧਾਇਕ ਬਾਵਾ ਹੈਨਰੀ ਨੇ ਅੱਜ ਕਮਿਸ਼ਨਰ ਨਿਕਾਸ ਕੁਮਾਰ ਨਾਲ ਮੁਲਾਕਾਤ ਕਰਕੇ ਆਪਣੇ ਹਲਕੇ ਦੀ ਮਾੜੀ ਸੀਵਰੇਜ ਵਿਵਸਥਾ ਨੂੰ ਹੱਲ ਕਰਵਾਉਣ ਦੀ ਮੰਗ ਕੀਤੀ ਹੈ। ਉਨਾਂ ਦੇ ਨਾਲ ਇਲਾਕਾ ਵਾਸੀ ਵੀ ਮੌਜੂਦ ਸਨ। ਬਾਵਾ ਹੈਨਰੀ ਨੇ ਨਿਗਮ ਕਮਿਸ਼ਨਰ ਨੂੰ ਦੱਸਿਆ ਕਿ ਉੱਤਰੀ ਹਲਕੇ ਵਿਚ ਰੰਧਾਵਾ ਮਸੰਦਾ ਦਾ ਸੀਵਰੇਜ ਦਾ ਪਾਈਪ ਜੋੜਿਆ ਜਾ ਰਿਹਾ ਹੈ ਜਦਕਿ ਰੰਧਾਵਾ ਮਸੰਦਾ ਹਲਕਾ ਵਿਧਾਨ ਸਭਾ ਕਰਤਾਰਪੁਰ ਵਿਖੇ ਪੈਂਦਾ ਹੈ । ਦਿਹਾਤੀ ਸੀਵਰੇਜ ਦਾ ਪਾਣੀ ਸ਼ਹਿਰ ਨਾਲ ਜੋੜਿਆ ਜਾ ਰਿਹਾ ਹੈ । ਬਾਵਾ ਹੈਨਰੀ ਨੇ ਦੱਸਿਆ ਕਿ ਉਨਾਂ ਦੇ ਕੌਂਸਲਰ ਦੇ ਵਾਰਡ ਨੰਬਰ ਦੋ ਦੇ ਹਰਪ੍ਰੀਤ ਵਾਲੀਆ ਦੇ ਵਾਰਡ ਦੇ ਸੀਵਰੇਜ ਨਾਲ ਇਹ ਸੀਵਰ ਪਾਈਪ ਜੋੜਿਆ ਜਾ ਰਿਹਾ ਹੈ। ਜਦਕਿ ਉੱਤਰੀ ਹਲਕੇ ਦੇ ਕਈ ਇਲਾਕੇ ਪਹਿਲਾਂ ਹੀ ਸੀਵਰੇਜ ਦੇ ਪਾਣੀ ਨਾਲ ਡੁੱਬੇ ਪਏ ਹਨ। ਲੋਕਾਂ ਦਾ ਰਹਿਣਾ ਵੀ ਔਖਾ ਹੋਇਆ ਹੈ। ਇਸ ਮੌਕੇ ਨਿਗਮ ਕਮਿਸ਼ਨਰ ਨਿਕਾਸ ਕੁਮਾਰ ਨੇ ਇਸ ਸਮੱਸਿਆ ਨੂੰ ਹੱਲ ਕਰਵਾਉਣ ਦਾ ਭਰੋਸਾ ਦਿੱਤਾ। ਇਸ ਮੌਕੇ ਕੌਂਸਲਰ ਹਰਪ੍ਰੀਤ ਵਾਲੀਆ ਤੇ ਰਾਜਾ ਗਾਰਡਨ ਗਦਈਪੁਰ ਦੇ ਲੋਕ ਵੀ ਮੌਜੂਦ ਸਨ।
