ਜਲੰਧਰ, 28 ਜੁਲਾਈ (ਸ਼ਿਵ)- ਨਗਰ ਨਿਗਮ ਕਮਿਸ਼ਨਰ ਨਿਕਾਸ ਕੁਮਾਰ ਨੇ ਅੱਜ ਬਰਸਾਤਾਂ ਨੂੰ ਦੇਖਦੇ ਹੋਏ ਪਾਣੀ ਨਿਕਾਸੀ ਸੰਭਵ ਬਣਾਉਣ ਲਈ ਵਾਰਡ ਨੰਬਰ 73 ਦੇ ਗਾਂਧੀ ਨਗਰ ਡਿਸਪੋਜ਼ਲ ਅਤੇ ਕਿਸ਼ਨ ਪੁਰਾ ਡਿਸਪੋਜ਼ਲ ਦਾ ਮੌਕਾ ਦੇਖਿਆ ਤੇ ਉਨਾਂ ਨੇ ਕਈ ਹਦਾਇਤਾਂ ਦਿੱਤੀਆਂ। ਉਨਾਂ ਨੇ ਇਸ ਮੌਕੇ ਸਾਰੀਆਂ ਮੋਟਰਾਂ ਚੱਲਦੀਆਂ ਰੱਖਣ ਤੇ ਜੈੱਨਰੇਟਰਾਂ ਨੂੰ ਬਿਹਤਰ ਤਰੀਕੇ ਨਾਲ ਸੰਭਾਲ ਕਰਨ ਤੋਂ ਇਲਾਵਾ ਤੇਲ ਦਾ ਸਟਾਕ ਰੱਖਣ ਦੀ ਵੀ ਹਦਾਇਤ ਦਿੱਤੀ। ਉਨਾਂ ਦੇ ਨਾਲ ਐੱਸ. ਡੀ. ਓ. ਗਗਨ ਲੂਥਰਾ ਸਮੇਤ ਹੋਰ ਵੀ ਅਫ਼ਸਰ ਮੌਜੂਦ ਸਨ। ਇਸ ਤੋਂ ਇਲਾਵਾ ਉਨਾਂ ਨੇ ਦਮੋਰੀਆ ਪੁਲ ’ਤੇ ਨਵੇਂ ਬਣ ਰਹੇ ਰੇਣ ਵਾਟਰ ਹਾਰਵੈਸਟਿੰਗ ਦੇ ਚੱਲ ਰਹੇ ਕੰਮ ਬਾਰੇ ਵੀ ਜਾਣਕਾਰੀ ਲਈ।
