ਭੇਦਭਰੇ ਹਾਲਾਤਾਂ ’ਚ ਨੌਜਵਾਨ ਲੜਕੀ ਦੀ ਮੌਤ ਦਾ ਮਾਮਲਾ ਅਜੇ ਵੀ ਬਰਕਰਾਰ, ਪਿਤਾ ਨੇ ਇਨਸਾਫ ਦੀ ਮੰਗ ਦੁਹਰਾਈ
ਅਜੀਤ ਡੈਸਕ
22-07-2026
ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਵਲੋਂ ਲੜਕੀ ਨੂੰ ਚੁੱਕਣ ਵਾਲਾ ਮਾਮਲਾ ਵੀ ਬਣਿਆ ਪਹੇਲੀ
ਜ਼ਿਕਰਯੋਗ ਹੈ ਕਿ ਜਿਸ ਦਿਨ ਲੜਕੀ ਦੀ ਮੌਤ ਹੁੰਦੀ ਹੈ ਉਸੇ ਦਿਨ ਕੁੱਝ ਮੋਟਰਸਾਈਕਲ ’ਤੇ ਸਵਾਰ ਨੌਜਵਾਨ ਇੱਕ ਲੜਕੀ ਨੂੰ ਅੰਬੇਡਕਰ ਚੋਂਕ ਤੋਂ ਚੁੱਕ ਕੇ ਲੈ ਜਾਂਦੇ ਹਨ ਜਿਸ ਦਾ ਖੁਲਾਸਾ ਸ਼ਹਿਰ ਦੇ ਟੈਕਸੀ ਯੂਨੀਅਨ ਦੇ ਡਰਾਈਵਰਾਂ ਨੇ ਕੀਤਾ ਇੱਥੋ ਤੱਕ ਕੀ ਉਨਾਂ ਇਸ ਗੱਲ ’ਤੇ ਮੋਹਰ ਵੀ ਲਗਾਈ ਕਿ ਜਿਸ ਲੜਕੀ ਦੀ ਭੇਦ ਭਰੇ ਹਾਲਾਤ ‘ਚ ਮੌਤ ਹੋਈ ਹੈ ਉਸੇ ਲੜਕੀ ਨੂੰ ਹੀ ਚੁੱਕਿਆ ਗਿਆ ਸੀ ਜਦ ਕੀ ਹੱਲੇ ਤੱਕ ਇਸ ਤਰਾਂ ਦੀ ਕੋਈ ਪ੍ਰਸ਼ਾਸਨ ਵਲੋਂ ਪੁਸ਼ਟੀ ਜਾ ਸੀਸੀਟੀਵੀ ਫੁਟੇਜ਼ ਸਾਹਮਣੇ ਨਹੀ ਆਈ। ਰੇਲਵੇ ਮੁਲਾਜ਼ਮਾਂ ਮੁਤਾਬਿਕ ਲੜਕੀ ਵਲੋਂ ਖੁਦ ਗੱਡੀ ਥੱਲੇ ਆ ਕੇ ਆਪਣੀ ਜਾਨ ਦਿੱਤੀ ਗਈ ਪਰ ਲਾਈਨਾਂ ਕੋਲੋ ਉਸ ਦੇ ਪੁੱਟੇ ਸਿਰ ਦੇ ਵਾਲਾਂ ਦਾ ਗੁੱਛਾ ਸਵਾਲ ਖੜੇ ਕਰ ਰਿਹਾ ਹੈ ਜਿਸ ਦਾ ਖੁਲਾਸਾ ਪਰਿਵਾਰ ਨੇ ਕੀਤਾ ਹੈ।
