ਨੂਰਮਹਿਲ, 21 ਜੁਲਾਈ (ਤਜਿੰਦਰ ਕੁਮਾਰ )-ਪਿੰਡ ਸੁੰਨੜ ਕਲਾਂ ਵਿਖੇ ਨਵੇਂ ਬਣੇ ਦਰਬਾਰ ਬਾਬਾ ਸਿੱਧ ਬਲੀ ਵਿਖੇ ਬਾਬਾ ਸਿੱਧ ਬਲੀ ਦੀ ਮੂਰਤੀ ਦੀ ਸਥਾਪਨਾ ਧਾਰਮਿਕ ਸ਼ਰਧਾ ਅਤੇ ਉਤਸ਼ਾਹ ਨਾਲ ਕੀਤੀ ਗਈ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਸੰਗਤ ਨੇ ਹਾਜ਼ਰੀ ਭਰ ਕੇ ਮੱਥਾ ਟੇਕਿਆ । ਸਮਾਗਮ ਦੌਰਾਨ ਦਰਬਾਰ ਦੇ ਸੇਵਾਦਾਰ ਅਵਤਾਰ ਚੰਦ ਨੇ ਇਸ ਪਵਿੱਤਰ ਕਾਰਜ ਨੂੰ ਨੇਪਰੇ ਚਾੜ੍ਹਨ ਲਈ ਸਹਿਯੋਗ ਦੇਣ ਵਾਲੀ ਗ੍ਰੀਨ ਐਂਡ ਕਲੀਨ ਸੰਸਥਾ, ਸੁਲਿੰਦਰ ਸਿੰਘ ਲੱਖੋ, ਅਮਰੀਕ ਸਿੰਘ ਮੀਕਾ, ਅਮਰਜੀਤ ਸਿੰਘ ਘੁੱਗ, ਨਵਨੀਤ ਪ੍ਰਸਾਦ, ਅਮਰਜੀਤ ਸਿੰਘ ਅੰਬੂ, ਮੱਗੂ ਫਰੀਦ, ਸਮੂਹ ਐਨਆਰਆਈ ਭਾਈਚਾਰੇ ਅਤੇ ਸਮੂਹ ਪਿੰਡ ਵਾਸੀਆਂ ਦਾ ਦਿਲੋਂ ਧੰਨਵਾਦ ਕੀਤਾ। ਅਵਤਾਰ ਚੰਦ ਨੇ ਕਿਹਾ ਕੀ ਪਿੰਡ ਸੁੰਨੜ ਕਲਾਂ ਵਿਖੇ ਨਵਾਂ ਬਣਿਆ ਦਰਬਾਰ ਬਾਬਾ ਸਿੱਧ ਬਲੀ ਇਲਾਕੇ ਦੀ ਸੰਗਤ ਲਈ ਆਸਥਾ ਅਤੇ ਸ਼ਰਧਾ ਦਾ ਮਹੱਤਵਪੂਰਨ ਕੇਂਦਰ ਬਣ ਕੇ ਉਭਰਿਆ ਹੈ। ਇਸ ਪਵਿੱਤਰ ਅਸਥਾਨ ਦੇ ਨਿਰਮਾਣ ਨਾਲ ਪਿੰਡ ਵਾਸੀਆਂ ਅਤੇ ਐਨਆਰਆਈ ਭਾਈਚਾਰੇ ਦੀ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਇੱਛਾ ਪੂਰੀ ਹੋਈ ਹੈ। ਇਸ ਮੌਕੇ ਭਗਤ ਹਰੀਸ਼ ਤਲਵਣ, ਮੱਖਣ ਚੰਦ, ਸੋਮ ਲਾਲ, ਕੁਲਵਿੰਦਰ ਚੰਦ, ਅਮਰਜੀਤ ਸਿੰਘ ਲੰਬੜਦਾਰ, ਪ੍ਰਧਾਨ ਕੁਲਵਿੰਦਰ ਸਿੰਘ, ਹਰਜੀਤ ਸਿੰਘ ਗਹੀਰ, ਓਮ ਪ੍ਰਕਾਸ਼, ਬਾਰੂ, ਹੈਪੀ, ਗੁਰਨਾਮ ਪ੍ਰਧਾਨ, ਪਾਲੀ, ਤੋਤੀ, ਮਹਿੰਦਰ ਸਮੇਤ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਅਤੇ ਪਿੰਡ ਵਾਸੀ ਹਾਜ਼ਰ ਸਨ।
