ਜਲੰਧਰ, 16 ਜੁਲਾਈ (ਐੱਮ. ਐੱਸ. ਲੋਹੀਆ) - ਸਥਾਨਕ ਬੱਸ ਅੱਡੇ ਨੇੜੇ ਮੋਤਾ ਸਿੰਘ ਨਗਰ ਵਿਖੇ ਚੱਲ ਰਹੇ ਵਰਦਾਨ ਆਈ.ਵੀ.ਐਫ਼. ਸੈਂਟਰ ਵਿਖੇ 19 ਜੁਲਾਈ ਤੋਂ 26 ਜੁਲਾਈ ਤੱਕ ਆਈ.ਵੀ.ਐਫ਼. ਕੈਂਪ ਲਗਾਇਆ ਜਾ ਰਿਹਾ ਹੈ। ਹਸਪਤਾਲ ਦੇ ਪ੍ਰਬੰਧਕ ਡਾ. ਵਰੀਸ਼ ਕੁਮਾਰ ਨੇ ਜਾਣਕਾਰੀ ਦਿੱਤੀ ਕਿ 25 ਜੁਲਾਈ ਨੂੰ ਵਿਸ਼ਵ ਆਈ.ਵੀ.ਐਫ਼. ਦਿਵਸ ਨੂੰ ਸਮਰਪਿਤ ਇਸ ਕੈਂਪ ਦੌਰਾਨ ਰਜਿਸਟ੍ਰੇਸ਼ਨ ਹੋਣ ਵਾਲੇ ਜੋੜਿਆਂ ਨੂੰ ਆਈ.ਵੀ.ਐਫ਼. ਦੀ ਫ਼ੀਸ ਤੋਂ ਛੋਟ ਹੋਵੇਗੀ। ਡਾ. ਵਰੀਸ਼ ਕੁਮਾਰ ਨੇ ਦੱਸਿਆ ਕਿ ਅਜਿਹਾ ਕੈਂਪ ਵਰਦਾਨ ਵਿਖੇ ਪਹਿਲੀ ਵਾਰ ਲਗਾਇਆ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਜਿਹੜੇ ਜੋੜੇ ਵਿਆਹਕ ਜੀਵਨ ਦੇ ਬਾਵਜੂਦ ਔਲਾਦ ਦਾ ਸੁੱਖ ਨਹੀਂ ਹਾਸਲ ਕਰ ਸਕੇ, ਉਹ ਇਸ ਕੈਂਪ ਦਾ ਲਾਭ ਲੈ ਕੇ ਆਪਣੀ ਜਾਂਚ ਅਤੇ ਇਲਾਜ ਉਪਰੰਤ ਔਲਾਦ ਪ੍ਰਾਪਤੀ ਕਰ ਸਕਦੇ ਹਨ।
