ਜਲੰਧਰ, 16 ਜੁਲਾਈ (ਐੱਮ.ਐੱਸ. ਲੋਹੀਆ) - ਪੰਜਾਬੀ ਲਿਖਾਰੀ ਸਭਾ ਵਲੋਂ ਕਵੀ ਦਰਬਾਰ ਤੇ ਮਹੀਨਾਵਾਰੀ ਸਮਾਗਮ ਸਭਾ ਦੇ ਸਰਪ੍ਰਸਤ ਬੇਅੰਤ ਸਿੰਘ ਸਰਹੱਦੀ ਦੀ ਅਗਵਾਈ ਹੇਠ ਕਰਵਾਇਆ, ਜਿਸ ’ਚ ਡਾ. ਸਾਧੂ ਰਾਮ ਲੰਗੇਆਣਾ (ਪ੍ਰਸਿੱਧ ਲੇਖਕ, ਕਵੀ) ਨੇ ਬਤੌਰ ਮੁੱਖ ਮਹਿਮਾਨ, ਗੁਰਜੰਟ ਸਿੰਘ ਕਲਸੀ (ਪ੍ਰਸਿੱਧ ਲੇਖਕ, ਕਵੀ) ਅਤੇ ਗੁਰਿੰਦਰ ਸਿੰਘ ਸੈਣੀ ਨੇ ਬਤੌਰ ਵਿਸ਼ੇਸ਼ ਮਹਿਮਾਨ ਸ਼ਿਰਕਤ ਕੀਤੀ, ਜਿਨ੍ਹਾਂ ਦਾ ਪ੍ਰਿੰਸੀਪਲ ਸੁਰਿੰਦਰ ਮੋਹਣ, ਬਲਦੇਵ ਸਿੰਘ ਬੱਦਨ ਅਤੇ ਜਰਨੈਲ ਸਿੰਘ ਸਾਖੀ ਨੇ ਸਨਮਾਨਿਤ ਕੀਤਾ। ਇਸ ਤੋਂ ਇਲਾਵਾ ਜਸਵੀਰ ਸ਼ਰਮਾ, ਰਜਿੰਦਰ ਕੌਰ, ਕਰਮਵੀਰ ਸਿੰਘ, ਗੁਰਵਿੰਦਰ ਸਿੰਘ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਸਭਾ ਦੇ ਪ੍ਰਧਾਨ ਹਰਭਜਨ ਸਿੰਘ ਨਾਹਲ ਨੇ ਸਮਾਗਮ ਦੀ ਰਸਮੀ ਤੌਰ ‘ਤੇ ਸ਼ੁਰੂਆਤ ਕਰਦੇ ਹੋਏ ਪ੍ਰਧਾਨਗੀ ਮੰਡਲ ‘ਚ ਬੈਠੇ ਹੋਏ ਸਾਰੇ ਮਹਿਮਾਨਾਂ ਤੇ ਪਹੁੰਚੇ ਹੋਏ ਕਵੀਆਂ/ਲੇਖਕਾਂ ਅਤੇ ਸਰੋਤਿਆਂ ਦਾ ਸਵਾਗਤ ਕੀਤਾ। ਜਨਰਲ ਸਕੱਤਰ ਮਹਿੰਦਰ ਸਿੰਘ ਅਨੇਜਾ ਨੇ ਆਪਣੀ ਕਵਿਤਾ ਨਾਲ ਕਵੀ ਦਰਬਾਰ ਦੀ ਅਰੰਭਤਾ ਕੀਤੀ ਅਤੇ ਫਿਰ ਮੰਚ ਸੰਚਾਲਨ ਸੰਭਾਲਿਆ। ਸ਼ਹੀਦ ਊਧਮ ਸਿੰਘ ਨੂੰ ਸਮਰਪਿਤ ਇਸ ਸਮਾਗਮ ’ਚ ਡਾ. ਹਰਪ੍ਰੀਤ ਸਿੰਘ ਰਾਣਾ, ਹਰਜਿੰਦਰ ਸਿੰਘ ਜਿੰਦੀ, ਐਸ.ਐਸ.ਸੰਧੂ, ਵੀ.ਕੇ. ਦਿਆਲਪੁਰੀ, ਜਸਵੀਰ ਸ਼ਰਮਾ, ਸੋਢੀ ਸੱਤੋਵਾਲੀ, ਹਰਬੰਸ ਸਿੰਘ ਕਲਸੀ, ਪ੍ਰਿੰਸੀਪਲ ਭਗਵੰਤ ਸਿੰਘ, ਸੁਖਦੇਵ ਸਿੰਘ ਗੰਢਵਾਂ, ਵਰਿੰਦਰ ਲਾਲੀ, ਪਰਮਜੀਤ, ਮਿੱਤਰ ਮਨਜੀਤ, ਨਾਨਕ ਚੰਦ ਵਸਿਸ਼ਟ, ਅਸ਼ੋਕ ਟਾਂਡੀ, ਇੰਦਰਜੀਤ ਸਿੰਘ ਸਪੋਕਮੇਨੀ, ਹੀਰਾ ਲਾਲ ਮਲਹੋਤਰਾ, ਗੁਰਜੰਟ ਸਿੰਘ ਕਲਸੀ, ਤਰਸੇਮ ਜਲੰਧਰੀ, ਸੋਢੀ ਸੱਤੋਵਾਲੀ, ਰਜਿੰਦਰ ਕੌਰ, ਕਰਮਵੀਰ ਸਿੰਘ, ਗੁਰਵਿੰਦਰ ਸਿੰਘ, ਉਰਮਲਜੀਤ ਸਿੰਘ ਵਾਲੀਆ, ਇੰਦਰ ਸਿੰਘ ਮਿਸ਼ਰੀ, ਪ੍ਰਿੰਸੀਪਲ ਸੁਰਿੰਦਰ ਮੋਹਣ, ਕੀਮਤੀ ਕੇਸਰ, ਅਮਨਦੀਪ ਕੌਰ, ਬਲਜੀਤ ਕੌਰ ਅਤੇ ਸਾਹਿਬਾ ਜੀਟਨ ਕੌਰ ਹਾਜ਼ਰ ਸਨ। ਸ੍ਰੀਮਤੀ ਪਰਵੀਨ ਅਬਰੋਲ ਨੇ ਆਪਣੇ ਪਿਤਾ ਨਾਲ ਬਚਪਨ ਦੀ ਇਕ ਯਾਦ ਸਾਂਝੇ ਕਰਦਿਆਂ ਨੇਕ ਕਰਮ ਕਰਨ ਬਾਰੇ ਆਪਣੇ ਨੇਕ ਵਿਚਾਰ ਸਾਂਝੇ ਕੀਤੇ।
