ਗੁਰਾਇਆ, 9 ਅਪ੍ਰੈਲ (ਬਲਵਿੰਦਰ ਸਿੰਘ)-ਅੱਜ ਸੈਰ ਕਰ ਰਹੇ ਇਕ ਪਤੀ-ਪਤਨੀ ਨੂੰ ਲੁਟੇਰਿਆਂ ਨੇ ਨਿਸ਼ਾਨਾ ਬਣਾਉਂਦੇ ਹੋਏ ਪਤੀ ਤੋਂ ਮੋਬਾਈਲ ਖੋਹ ਲਿਆ ਤੇ ਔਰਤ ਦੀਆਂ ਸੋਨੇ ਦੀਆਂ ਵਾਲੀਆਂ ਝਪਟ ਲਈਆਂ | ਜਾਣਕਾਰੀ ਦਿੰਦੇ ਹੋਏ ਤੀਰਥ ਸਿੰਘ ਪੁੱਤਰ ਗੁਰਦੇਵ ਸਿੰਘ ਵਾਸੀ ਨਵਾਂ ਪਿੰਡ ਨੇ ਦੱਸਿਆ ਉਹ ਆਪਣੀ ਪਤਨੀ ਮਨਜੀਤ ਕੌਰ ਨਾਲ ਢੰਡਾਂ ਸੜਕ 'ਤੇ ਸੈਰ ਕਰ ਰਹੇ ਸਨ ਕਿ ਨਵਾਂ ਪਿੰਡ ਵਲੋਂ ਮੋਟਰਸਾਈਕਲ 'ਤੇ ਆਏ ਤਿੰਨ ਲੁਟੇਰਿਆਂ ਵਲੋਂ ਦਾਤ ਦੀ ਨੋਕ 'ਤੇ ਉਸ ਦੀ ਪਤਨੀ ਮਨਜੀਤ ਦੇ ਕੰਨਾਂ ਵਿਚ ਪਾਈਆਂ ਸੋਨੇ ਦੀ ਵਾਲੀਆਂ ਤੇ ਮੋਬਾਈਲ ਫ਼ੋਨ ਖੋਹ ਕੇ ਫ਼ਰਾਰ ਹੋ ਗਏ | ਉਸ ਦੱਸਿਆਂ ਕਿ ਮੋਬਾਈਲ ਦੀ ਕੀਮਤ ਇਕ ਲੱਖ 50 ਹਜ਼ਾਰ ਰੁਪਏ ਸੀ ਜਦਕਿ ਵਾਲੀਆਂ ਦੀ ਕੀਮਤ ਦੋ ਲੱਖ ਰੁਪਏ ਸੀ |
