ਜਲੰਧਰ, 9 ਅਪ੍ਰੈਲ (ਸ਼ਿਵ)- ਸਮਾਜ ਸੇਵੀ ਜਥੇਬੰਦੀ ਏਕ ਆਸਰਾ ਦੀ ਪ੍ਰਧਾਨ ਜਸਪ੍ਰੀਤ ਕੌਰ ਦੀ ਅਗਵਾਈ ਵਿਚ ਇਕ ਵਫ਼ਦ ਨੇ ਪਾਵਰਕਾਮ ਦੇ ਉੱਤਰੀ ਜੋਨ ਦੇ ਉਪ ਮੁੱਖ ਇੰਜ. ਗੁਲਸ਼ਨ ਚੁਟਾਨੀ ਦਾ ਸਨਮਾਨ ਕੀਤਾ | ਕੁੱਝ ਦਿਨ ਪਹਿਲਾਂ ਬਿਜਲੀ ਦੀਆਂ ਤਾਰਾਂ ਵਿਚ ਇਕ ਪੰਛੀ ਫਸ ਗਿਆ ਸੀ ਜਿਸ ਨੂੰ ਬਚਾਉਣ ਵਿਚ ਪਾਵਰਕਾਮ ਦੇ ਮੁਲਾਜ਼ਮਾਂ ਨੇ ਸਹਿਯੋਗ ਕੀਤਾ ਸੀ | ਸਮਾਜ ਸੇਵੀ ਸੰਸਥਾ ਨੇ ਸ੍ਰੀ ਚੁਟਾਨੀ ਦਾ ਸਨਮਾਨ ਕਰਦਿਆਂ ਕਿਹਾ ਕਿ ਬਿਜਲੀ ਮੁਲਾਜ਼ਮਾਂ ਨੇ ਇਕ ਪੰਛੀ ਨੂੰ ਬਚਾਉਣ ਵਿਚ ਅਹਿਮ ਸਹਿਯੋਗ ਕੀਤਾ | ਇਸ ਮੌਕੇ ਪਟੇਲ ਚੌਕ ਦਫਤਰ ਦੇ ਤਕਨੀਕੀ ਯੂਨਿਟ 4 ਦੇ ਇੰਚਾਰਜ ਇੰਜ. ਰਵਿੰਦਰ ਪਾਲ, ਰਵੀ ਜੇ. ਈ. , ਏ. ਐਲ. ਐਮ. ਰਾਜਾ, ਸੀ. ਐੱਚ. ਬੀ. ਅਵਤਾਰ, ਵਿਕਰਮ, ਰਾਮ ਕੁਮਾਰ, ਐਲ. ਐਮ. ਰਤਨ ਲਾਲ ਤੇ ਹੋਰ ਹਾਜਰ ਸਨ |
