ਜਲੰਧਰ, 29 ਮਾਰਚ (ਡਾ.ਜਤਿੰਦਰ ਸਾਬੀ)-ਅਥਲੈਟਿਕ ਫੈਡਰੇਸ਼ਨ ਆਫ ਇੰਡੀਆ ਵਲੋਂ ਤੀਜੇ ਇੰਟਰਨੈਸ਼ਨਲ ਰਿਲਅ ਕਾਰਨੀਵਾਲ ਵਿਚ ਜਲੰਧਰ ਦੇ ਅਥਲੀਟਾਂ ਨੇ ਵੱਖ- ਵੱਖ ਈਵੈਂਟਾ ਵਿਚ ਤਗਮੇ ਜਿੱਤ ਕੇ ਪੰਜਾਬ ਦਾ ਨਾਂਅ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਉੱਚਾ ਕੀਤਾ | ਇਸ ਅੰਤਰਰਾਸ਼ਟਰੀ ਮੁਕਾਬਲੇ ਵਿਚ ਵੱਖ-ਵੱਖ ਰਾਜਾਂ, ਸੰਸਥਾਵਾਂ ਦੇ ਨਾਲ-ਨਾਲ ਵੱਖ-ਵੱਖ ਦੇਸ਼ਾਂ ਦੇ ਕਈ ਅਥਲੀਟਾਂ ਨੇ ਭਾਗ ਲਿਆ | ਜਾਣਕਾਰੀ ਅਨੁਸਾਰ ਇਸ ਮੁਕਾਬਲੇ ਨੂੰ ਚੰਡੀਗੜ੍ਹ ਵਿਖੇ ਸ਼ਾਨਦਾਰ ਤਰੀਕੇ ਨਾਲ ਆਯੋਜਿਤ ਕੀਤਾ | ਜਲੰਧਰ ਪੀ. ਆਈ. ਐਸ. ਕੋਚਾਂ ਨੇ ਦੱਸਿਆ ਕਿ ਜਲੰਧਰ ਦੀ ਪੀ. ਆਈ. ਐਸ. ਟੀਮ ਨੇ ਵੱਖ-ਵੱਖ ਈਵੈਂਟਸ 'ਚ ਤਗਮੇ ਜਿੱਤੇ, ਜਿਸ 'ਚ ਅੰਡਰ 20 ਸਾਲ ਕੁੜੀਆ ਦੀ 4*400 ਮੀਟਰ ਮਿਕਸ ਰਿਲੇਅ 'ਚ ਮਾਇਆ ਨੇ ਚਾਂਦੀ ਦਾ ਤਗਮਾ, ਮਰਦਾਂ ਦੀ 4*400 ਮੀਟਰ ਰਿਲੇਅ 'ਚ ਜਗਮੀਤ ਸਿੰਘ, ਜਸ਼ਨਪ੍ਰੀਤ ਸਿੰਘ, ਕੁਲਵੀਰ ਰਾਮ ਤੇ ਅੰਮਿ੍ਤਪਾਲ ਨੇ ਚਾਂਦੀ ਦਾ ਤਗਮ | ਇਸੇ ਤਰ੍ਹਾਂ ਅੰਡਰ 20 ਸਾਲ ਮੁੰਡਿਆ ਦੀ 4*100 ਮੀਟਰ ਰਿਲੇਅ ਵਿਚ ਪਰਤਾਪ ਸਿੰਘ ਤੇ ਸੁਖਵੀਰ ਕੌਰ ਨੇ ਵੀ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਜਲੰਧਰ ਕੋਚਾਂ ਦੀ ਟੀਮ ਸੀਨਿਅਰ ਕੋਚ ਸਰਬਜੀਤ ਸਿੰਘ ਹੈਪੀ, ਗੁਲਸ਼ਨ ਕੁਮਾਰ, ਟਵਿੰਕਲ ਚੌਧਰੀ ਨੇ ਇਸ ਪ੍ਰਾਪਤੀ ਲਈ ਪੰਜਾਬ ਖੇਡ ਵਿਭਾਗ ਪੀ. ਆਈ. ਐਸ. ਦਾ ਧੰਨਵਾਦ ਕੀਤਾ | ਇਸ ਮੌਕੇ ਜ਼ਿਲ੍ਹਾ ਖੇਡ ਅਫਸਰ ਗੁਰਪ੍ਰੀਤ ਸਿੰਘ ਬਾਜਵਾ ਨੇ ਖਿਡਾਰੀਆਂ ਤੇ ਕੋਚਾਂ ਨੂੰ ਮੁਬਾਰਕਬਾਦ ਤੇ ਸ਼ੁੱਭਇਛਾਵਾਂ ਦਿੱਤੀਆਂ |
