ਜੰਙਘਰ ਮਖਦੂਮਪੁਰਾ ਦਾ ਸੀਵਰੇਜ ਬੰਦ ਹੋਣ ਕਾਰਨ ਲੋਕ ਪੇ੍ਰਸ਼ਾਨ
ਅਜੀਤ ਡੈਸਕ
07-03-2026
6 ਮਹੀਨੇ ਤੋਂ ਬੰਦ ਹੈ ਬਚਿੰਤ ਨਗਰ ਦੇ ਇਲਾਕੇ ਵਿਚ ਸੀਵਰ
ਵਾਰਡ ਨੰਬਰ 2 ਪਰਸਰਾਮ ਨਗਰ ਬਚਿੰਤ ਨਗਰ ਦਾ ਇਲਾਕਾ ਪਿਛਲੇ 6 ਮਹੀਨਿਆਂ ਤੋਂ ਗੰਦੇ ਪਾਣੀ ਵਿਚ ਡੁਬਿਆ ਪਿਆ ਹੈ | ਸੀਵਰੇਜ ਦੇ ਖੜੇ੍ਹ ਪਾਣੀ ਨਾਲ ਲੋਕਾਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਵਾਰਡ ਦੇ ਕੌਂਸਲਰ ਹਰਪ੍ਰੀਤ ਵਾਲੀਆ ਨੇ ਕਿਹਾ ਹੈ ਕਿ ਕਦੀ ਮੇਅਰ ਤੇ ਕਦੀ ਕਮਿਸ਼ਨਰ ਕੋਲ ਇਹ ਮਸਲਾ ਉਠਾਉਂਦੇ ਰਹੇ ਹਾਂ ਪਰ ਸੁਣਵਾਈ ਨਹੀਂ ਹੋ ਰਹੀ | ਹਰਪ੍ਰੀਤ ਵਾਲਿਆ ਨੇ ਕਿਹਾ ਕਿ ਇਸ ਜਗ੍ਹਾ 'ਤੇ ਸੰਘਣੀ ਆਬਾਦੀ ਹੈ | ਲੋਕਾਂ ਦਾ ਲੰਘਣਾ ਤਾਂ ਔਖਾ ਹੋ ਰਿਹਾ ਸਗੋਂ ਬੱਚੇ ਵੀ ਕਾਫੀ ਸਮੇਂ ਤੋਂ ਇਸ ਇਲਾਕੇ ਵਿਚ ਖੇਡਣ ਤੋਂ ਵਾਂਝੇ ਹੋਏ ਪਏ ਹਨ | ਲੋਕਾਂ ਦਾ ਕਹਿਣਾ ਹੈ ਕਿ ਕਾਫੀ ਸਮੇਂ ਤੋਂ ਗੰਦਾ ਪਾਣੀ ਖੜ੍ਹਾ ਹੋਣ ਕਰਕੇ ਮੱਛਰਾਂ ਦੀ ਭਰਮਾਰ ਹੈ ਤੇ ਬਦਬੂ ਉਠਦੀ ਰਹਿੰਦੀ ਹੈ | ਉਹ ਨਗਰ ਨਿਗਮ ਦਫਤਰ ਵਿਚ ਜਾ ਕੇ ਜਦੋਂ ਅਧਿਕਾਰੀਆਂ ਕੋਲ ਸ਼ਿਕਾਇਤ ਲਗਾਉਂਦੇ ਹਨ ਤਾਂ ਉਨ੍ਹਾਂ ਨੂੰ ਸਿਰਫ ਦਿਲਾਸਾ ਹੀ ਮਿਲਦਾ ਹੈ | ਲੋਕਾਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੀ ਸਮੱਸਿਆ ਨੂੰ ਹੱਲ ਕਰਕੇ ਰਾਹਤ ਦਿੱਤੀ ਜਾਵੇ |
