ਦਿੱਲੀ / ਹਰਿਆਣਾ

ਦਿੱਲੀ ’ਚ ਬਿਨਾਂ ਸੁਰੱਖਿਆ ਦੇ ਚਲ ਰਹੇ ਨੇ ਚਾਰਜਿੰਗ ਪੁਆਇੰਟ

ਨਵੀਂ ਦਿੱਲੀ, 16 ਅਗਸਤ ( ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਦੇ ਵਿਚ ਇਲੈਕਟਿ੍ਕ ਗੱਡੀਆਂ ਦੇ ਵਾਧੇ ਦੇ ਨਾਲ ਕਈ ਗ਼ਲਤ ਢੰਗ ਦੇ ਨਾਲ ਈ-ਚਾਰਜਿੰਗ ਸਟੇਸ਼ਨਾਂ ਦੀ ਗਿਣਤੀ ਵੀ ਵਧੀ ਹੈ।

ਅ

ਅਜੀਤ ਡੈਸਕ 17-08-2026

ਨਵੀਂ ਦਿੱਲੀ, 16 ਅਗਸਤ ( ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਦੇ ਵਿਚ ਇਲੈਕਟਿ੍ਕ ਗੱਡੀਆਂ ਦੇ ਵਾਧੇ ਦੇ ਨਾਲ ਕਈ ਗ਼ਲਤ ਢੰਗ ਦੇ ਨਾਲ ਈ-ਚਾਰਜਿੰਗ ਸਟੇਸ਼ਨਾਂ ਦੀ ਗਿਣਤੀ ਵੀ ਵਧੀ ਹੈ। ਬੀਤੇ ਦਿਨੀਂ ਦਿੱਲੀ ਦੇ ਸੋਨੀਆ ਵਿਹਾਰ ਵਿਖੇ ਚਾਰਜਿੰਗ ਦੇ ਦੌਰਾਨ ਇਕ ਗੱਡੀ ਨੂੰ ਅੱਗ ਲੱਗ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਦੇ ਬਾਵਜੂਦ ਵੀ ਦਿੱਲੀ ਦੇ ਅਨੇਕਾਂ ਇਲਾਕਿਆਂ ਵਿਚ ਬਿਨਾਂ ਕਿਸੇ ਸੁਰੱਖਿਆ ਦੇ ਖੁੱਲ੍ਹੇਆਮ ਚਾਰਜਿੰਗ ਪੁਆਇੰਟ ਬਣੇ ਹੋਏ ਹਨ ਅਤੇ ਲੋਕ ਵੀ ਆਪਣੀਆਂ ਇਲੈਕਟ੍ਰਿਕ ਗੱਡੀਆਂਚਾਰਜ ਕਰ ਰਹੇ ਹਨ। ਖਾਸ ਕਰਕੇ ਈ-ਰਿਕਸ਼ਾ ਅਜਿਹੇ ਹੀ ਚਾਰਜਿੰਗ ਪੁਆਇੰਟ ’ਤੇ ਚਾਰਜ ਹੋ ਰਹੇ ਹਨ, ਜਿਨ੍ਹਾਂ ਦਾ ਬਿਜਲੀ ਦਾ ਕੁਨੈਕਸ਼ਨ ਆਮ ਘਰਾਂ ਤੋਂ ਲਿਆ ਜਾ ਰਿਹਾ ਹੈ ਜੋ ਕਿ ਬਿਲਕੁਲ ਗ਼ਲਤ ਤੇ ਨਾਜਾਇਜ਼ ਹੈ। ਅਜਿਹੇ ਚਾਰਜਿੰਗ ਪੁਆਇੰਟ ਦਿੱਲੀ ਦੇ ਹਰ ਇਲਾਕੇ ਵਿਚ ਚਲਾ ਕੇ ਲੋਕ ਖੂਬ ਪੈਸਾ ਕਮਾ ਰਹੇ ਹਨ। ਇਨ੍ਹਾਂ ਲੋਕਾਂ ਦੇ ਕੋਲ ਕਿਸੇ ਵੀ ਕਿਸਮ ਦੀ ਆਗਿਆ ਨਹੀਂ ਹੈ ਅਤੇ ਨਾ ਹੀ ਇਨ੍ਹਾਂ ਨੂੰ ਕੋਈ ਰੋਕ-ਟੋਕ ਹੈ। ਲੋਕਾਂ ਦੇ ਘਰਾਂ ਦੀਆਂ ਹੇਠਲੀਆਂ ਮੰਜ਼ਿਲਾਂ ਦੀਆਂ ਪਾਰਕਿੰਗਾਂ ਵਿਚ ਈ-ਰਿਕਸ਼ਾ ਚਾਰਜ ਦੇ ਚਾਰਜਿੰਗ ਪੁਆਇੰਟ ਅਨੇਕਾਂ ਹੀ ਖੁੱਲ੍ਹੇ ਹੋਏ ਹਨ, ਜਿਨ੍ਹਾਂ ਵਿਚ ਰਾਤ ਭਰ ਈ-ਰਿਕਸ਼ਾ ਚਾਰਜ ਹੋ ਰਹੇ ਹਨ।

ਪਿਛਲੀ ਖ਼ਬਰ ਦਿੱਲੀ ਯੂਨੀਵਰਸਿਟੀ ਦੇ ਕਾਲਜਾਂ ’ਚ ਰਾਜਾਂ ਦੇ ਵਿਦਿਆਰਥੀ ਹੋਸਟਲ ਨਾ ਮਿਲਣ ’ਤੇ ਹੋ ਰਹੀ ਹੈ ਪ੍ਰੇਸ਼ਾਨੀ ਅਗਲੀ ਖ਼ਬਰ ਜਲਦੀ ਹੀ ਤਿੰਨ ਹਸਪਤਾਲਾਂ ’ਚ ਮਿਲੇਗੀ ਕੈਂਸਰ ਡੇ ਕੇਅਰ ਸੈਂਟਰ ਦੀ ਸਹੂਲਤ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਦਿੱਲੀ ’ਚ ਬਿਨਾਂ ਸੁਰੱਖਿਆ ਦੇ ਚਲ ਰਹੇ ਨੇ ਚਾਰਜਿੰਗ ਪੁਆਇੰਟ

Subscribers Only Story

ਸੰਬੰਧਿਤ ਖ਼ਬਰਾਂ