ਵਿਧਾਇਕ , ਮੇਅਰ ਅਤੇ ਹੋਰ ਭਾਜਪਾ ਅਧਿਕਾਰੀਆਂ ਨੇ ਕਲਸ਼ ਵੰਡਣ ਦੇ ਨਾਲ - ਨਾਲ ਹਵਨ ਯੱਗ ਅਤੇ ਪੂਜਾ ਕੀਤੀ
ਯਮੁਨਾਨਗਰ, 13 ਅਗਸਤ (ਗੁਰਦਿਆਲ ਸਿੰਘ ਨਿਮਰ)-ਵੀਰਵਾਰ ਨੂੰ ਸ੍ਰੀ ਗੁਰੂ ਰਵਿਦਾਸ ਜੀ ਦੇ ਜਨਮ ਸਥਾਨ ਕਾਸ਼ੀ (ਵਾਰਾਣਸੀ) ਦੇ ਸੀਰ ਗੋਵਰਧਨਪੁਰ ਤੋਂ ਲਿਆਂਦੀਆਂ ਗਈਆਂ ਪਵਿੱਤਰ ਮਿੱਟੀ ਦੇ 35 ਘੜੇ ਸਰੋਜਨੀ ਕਾਲੋਨੀ ਦੇ ਹਨੂੰਮਾਨ ਮੰਦਰ ਵਿਖੇ ਰਸਮਾਂ ਕਰਨ ਤੋਂ ਬਾਅਦ ਭਾਜਪਾ ਵਰਕਸ਼ਾਪ ਮੰਡਲ ਵਲੋਂ ਵੰਡੇ ਗਏ। ਇਸ ਪ੍ਰੋਗਰਾਮ ’ਚ ਵਿਧਾਇਕ ਘਣਸ਼ਿਆਮ ਦਾਸ ਅਰੋੜਾ, ਮੇਅਰ ਸੁਮਨ ਬਾਹਮਣੀ, ਭਾਜਪਾ ਦੇ ਸੂਬਾ ਸਕੱਤਰ ਮਦਨ ਚੌਹਾਨ, ਯਮੁਨਾਨਗਰ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਰਾਕੇਸ਼ ਤਿਆਗੀ ਅਤੇ ਵੱਖ-ਵੱਖ ਭਾਜਪਾ ਅਧਿਕਾਰੀਆਂ ਨੇ ਹਵਨ ’ਚ ਭੇਟ ਚੜ੍ਹਾਈ ਅਤੇ ਪਵਿੱਤਰ ਮਿੱਟੀ ਨਾਲ ਭਰੇ ਘੜਿਆਂ ਦੀ ਪੂਜਾ ਕੀਤੀ।
ਯਮੁਨਾਨਗਰ, 13 ਅਗਸਤ (ਗੁਰਦਿਆਲ ਸਿੰਘ ਨਿਮਰ)-ਵੀਰਵਾਰ ਨੂੰ ਸ੍ਰੀ ਗੁਰੂ ਰਵਿਦਾਸ ਜੀ ਦੇ ਜਨਮ ਸਥਾਨ ਕਾਸ਼ੀ (ਵਾਰਾਣਸੀ) ਦੇ ਸੀਰ ਗੋਵਰਧਨਪੁਰ ਤੋਂ ਲਿਆਂਦੀਆਂ ਗਈਆਂ ਪਵਿੱਤਰ ਮਿੱਟੀ ਦੇ 35 ਘੜੇ ਸਰੋਜਨੀ ਕਾਲੋਨੀ ਦੇ ਹਨੂੰਮਾਨ ਮੰਦਰ ਵਿਖੇ ਰਸਮਾਂ ਕਰਨ ਤੋਂ ਬਾਅਦ ਭਾਜਪਾ ਵਰਕਸ਼ਾਪ ਮੰਡਲ ਵਲੋਂ ਵੰਡੇ ਗਏ। ਇਸ ਪ੍ਰੋਗਰਾਮ ’ਚ ਵਿਧਾਇਕ ਘਣਸ਼ਿਆਮ ਦਾਸ ਅਰੋੜਾ, ਮੇਅਰ ਸੁਮਨ ਬਾਹਮਣੀ, ਭਾਜਪਾ ਦੇ ਸੂਬਾ ਸਕੱਤਰ ਮਦਨ ਚੌਹਾਨ, ਯਮੁਨਾਨਗਰ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਰਾਕੇਸ਼ ਤਿਆਗੀ ਅਤੇ ਵੱਖ-ਵੱਖ ਭਾਜਪਾ ਅਧਿਕਾਰੀਆਂ ਨੇ ਹਵਨ ’ਚ ਭੇਟ ਚੜ੍ਹਾਈ ਅਤੇ ਪਵਿੱਤਰ ਮਿੱਟੀ ਨਾਲ ਭਰੇ ਘੜਿਆਂ ਦੀ ਪੂਜਾ ਕੀਤੀ। ਇਸ ਤੋਂ ਬਾਅਦ ਸਾਰੇ 35 ਘੜੇ ਜਗਾਧਰੀ ਵਰਕਸ਼ਾਪ ਰੋਡ ਸਥਿਤ ਵੱਖ-ਵੱਖ ਮੰਦਰਾਂ ’ਚ ਸਥਾਪਿਤ ਕਰਨ ਲਈ ਭੇਜ ਦਿੱਤੇ ਗਏ। ਇਸ ਮੌਕੇ ਵਿਧਾਇਕ ਘਣਸ਼ਿਆਮ ਦਾਸ ਅਰੋੜਾ ਨੇ ਕਿਹਾ ਕਿ ਸ੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ ਨੇ ਸਮਾਜ ਨੂੰ ਸਮਾਨਤਾ, ਭਾਈਚਾਰੇ ਅਤੇ ਮਾਨਵਤਾ ਦਾ ਸੰਦੇਸ਼ ਦਿੱਤਾ। ਉਨ੍ਹਾਂ ਦੇ ਜਨਮ ਸਥਾਨ ਤੋਂ ਲਿਆਂਦੀ ਗਈ ਪਵਿੱਤਰ ਮਿੱਟੀ ਨੂੰ ਮੰਦਰਾਂ ’ਚ ਸਥਾਪਿਤ ਕਰਨਾ ਸ਼ਰਧਾ ਅਤੇ ਵਿਸ਼ਵਾਸ ਦਾ ਵਿਸ਼ਾ ਹੈ। ਇਸ ਨਾਲ ਸਮਾਜ ਦੇ ਲੋਕਾਂ ਨੂੰ ਗੁਰੂ ਰਵਿਦਾਸ ਜੀ ਦੇ ਵਿਚਾਰਾਂ ਅਤੇ ਆਦਰਸ਼ਾਂ ਨਾਲ ਜੁੜਨ ਲਈ ਪ੍ਰੇਰਿਤ ਕੀਤਾ ਜਾਵੇਗਾ। ਮੇਅਰ ਸੁਮਨ ਬਾਹਮਣੀ ਨੇ ਦੱਸਿਆ ਕਿ ਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਜਨਮ ਸਥਾਨ ਕਾਸ਼ੀ ਦੇ ਸੀਰ ਗੋਵਰਧਨਪੁਰ ਤੋਂ ਲਿਆਂਦੀ ਗਈ ਪਵਿੱਤਰ ਮਿੱਟੀ ਨੂੰ ਜ਼ਿਲ੍ਹੇ ਦੇ ਸਾਰੇ 16 ਭਾਜਪਾ ਮੰਡਲਾਂ ਦੇ ਮੰਦਰਾਂ ’ਚ ਸਥਾਪਿਤ ਕੀਤਾ ਜਾ ਰਿਹਾ ਹੈ। ਇਹ ਪਵਿੱਤਰ ਮਿੱਟੀ ਕੁਝ ਦਿਨ ਪਹਿਲਾਂ ਯਮੁਨਾਨਗਰ ਲਿਆਂਦੀ ਗਈ ਸੀ ਅਤੇ ਮਾਡਲ ਟਾਊਨ ਦੇ ਸਨਾਤਨ ਧਰਮ ਮੰਦਰ ਤੋਂ ਸਾਰੇ 16 ਮੰਡਲਾਂ ਨੂੰ ਭੇਜੀ ਗਈ ਸੀ। ਇਸ ਮੌਕੇ ਰਾਮ ਨਿਵਾਸ ਗਰਗ, ਮੰਡਲ ਪ੍ਰਧਾਨ ਸ਼ੁਭਮ ਰਾਣਾ, ਕੌਂਸਲਰ ਵਿਕਰਮ ਰਾਣਾ, ਸੰਦੀਪ ਧੀਮਾਨ, ਦੀਕਸ਼ਿਤ ਧੀਮਾਨ, ਰੁਚੀ ਸ਼ਰਮਾ, ਅੰਕਿਤ ਕਪਿਲ, ਸਾਬਕਾ ਡਿਪਟੀ ਮੇਅਰ ਰਾਣੀ ਕਾਲੜਾ, ਜਗਦੀਸ਼ ਬੱਬਰ, ਵਿਭਾ ਗੁਪਤਾ, ਉਮਾ ਸ਼ਰਮਾ, ਪ੍ਰਦੀਪ ਪੰਚਾਲ, ਲਾਡੀ, ਵਿਪਿਨ ਸਾਹਨੀ ਅਤੇ ਹੋਰ ਹਾਜ਼ਰ ਸਨ।
