ਕਾਲਾਂਵਾਲੀ/ਸਿਰਸਾ, 11 ਜੁਲਾਈ (ਭੁਪਿੰਦਰ ਪੰਨੀਵਾਲੀਆ)- ਸਥਾਨਕ ਤਖ਼ਤਮਲ ਰੋਡ ’ਤੇ ਸਥਿਤ ਲਿਟਲ ਏਂਜਲ ਐਜੂਕੇਸ਼ਨ ਟਰੱਸਟ ਨੇ ਦਵਾਰਕਾ ਏਕਾਦਸ਼ੀ ਦੇ ਮੌਕੇ ’ਤੇ ਸਕੂਲ ਦੇ ਸਾਹਮਣੇ ਮਿੱਠੇ ਜਲ ਦੀ ਛਬੀਲ ਲਾ ਕੇ ਰਾਹਗੀਰਾਂ ਨੂੰ ਗਰਮੀ ਤੋਂ ਰਾਹਤ ਪ੍ਰਦਾਨ ਕੀਤੀ। ਟਰੱਸਟ ਦੇ ਮੁਖੀ ਰਾਕੇਸ਼ ਗੋਇਲ ਅਤੇ ਪ੍ਰਦੀਪ ਸਿੰਘ ਦੀ ਨਿਗਰਾਨੀ ਹੇਠ ਲਾਈ ਗਈ ਇਸ ਛਬੀਲ ਨੂੰ ਲਾਉਣ ਦੇ ਕੰਮ ਵਿੱਚ ਸਕੂਲ ਸਟਾਫ਼, ਜਿਸ ਵਿੱਚ ਸਕੂਲ ਬੱਸ ਡਰਾਈਵਰ ਅਤੇ ਹੋਰ ਸਟਾਫ਼ ਮੈਂਬਰ ਸ਼ਾਮਲ ਸਨ, ਨੇ ਪੂਰਾ ਸਹਿਯੋਗ ਦਿੱਤਾ। ਉਨ੍ਹਾਂ ਕਿਹਾ ਕਿ ਸਮਾਜ ਸੇਵਕ ਅਤੇ ਸੰਸਥਾਵਾਂ ਆਪਣੇ ਮਾਪਿਆਂ ਦੀ ਯਾਦ ਵਿੱਚ ਭੋਜਨ ਵੰਡਣ ਅਤੇ ਹੋਰ ਦਾਨ ਦੇਣ ਦਾ ਪ੍ਰਬੰਧ ਕਰਦੀਆਂ ਹਨ, ਪਰ ਪਿਆਸੇ ਨੂੰ ਪਾਣੀ ਦੇਣਾ ਸਭ ਤੋਂ ਵੱਡੀ ਸੇਵਾ ਮੰਨਿਆ ਜਾਂਦਾ ਹੈ।
