ਦਿੱਲੀ 'ਚ ਆਈ. ਪੀ. ਐਲ. ਟਿਕਟਾਂ ਦੀ ਹੋ ਰਹੀ ਕਾਲਾਬਾਜ਼ਾਰੀ

ਨਵੀਂ ਦਿੱਲੀ, 9 ਅਪ੍ਰੈਲ (ਪੀਟੀਆਈ)-ਦਿੱਲੀ ਤੇ ਜ਼ਿਲ੍ਹਾ ਕ੍ਰਿਕਟ ਐਸੋਸੀਏਸ਼ਨ (ਡੀ.ਡੀ.ਸੀ.ਏ.) ਦੇ ਡਾਇਰੈਕਟਰ ਆਨੰਦ ਵਰਮਾ ਨੇ ਦੋਸ਼ ਲਗਾਇਆ ਹੈ ਕਿ 'ਅਣਅਧਿਕਾਰਤ ਵਿਅਕਤੀ' ਜਿਨ੍ਹਾਂ ਨੇ ਧੋਖਾਧੜੀ ਨਾਲ ਨਕਲੀ ਟਿਕਟਾਂ ਖਰੀਦੀਆਂ ਹਨ, ਆਈ.ਪੀ.ਐਲ. ਮੈਚਾਂ ਦੌਰਾਨ ਵੈਧ ਟਿਕਟ ਧਾਰਕਾਂ ਨੂੰ ਅਰੁਣ ਜੇਤਲੀ ਸਟੇਡੀਅਮ 'ਚ ਦਾਖਲ ਹੋਣ ਤੋਂ ਰੋਕ ਰਹੇ ਹਨ | ਹਾਲਾਂਕਿ, ਡੀ.ਡੀ.ਸੀ.ਏ. ਦੇ ਉੱਚ ਅਧਿਕਾਰੀਆਂ ਨੇ ਇਸ ਦੋਸ਼ ਦਾ ਖੰਡਨ ਕੀਤਾ ਹੈ | ਡਿਪਟੀ ਕਮਿਸ਼ਨਰ ਆਫ਼ ਪੁਲਿਸ (ਸੈਂਟਰਲ ਡਿਸਟਿ੍ਕਟ) ਕੋਲ ਦਰਜ ਕੀਤੀ ਗਈ ਇਕ ਸ਼ਿਕਾਇਤ 'ਚ, ਵਰਮਾ ਨੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਤੇ ਉਨ੍ਹਾਂ ਦੇ ਮਹਿਮਾਨਾਂ ਨੂੰ 4 ਅਪ੍ਰੈਲ ਨੂੰ ਇਕ ਮੈਚ ਦÏਰਾਨ ਵੈਧ ਟਿਕਟਾਂ ਹੋਣ ਦੇ ਬਾਵਜੂਦ ਸਟੇਡੀਅਮ ਦੇ ਮਹਿਮਾਨ ਨਿਵਾਜ਼ੀ ਭਾਗ 'ਚ ਦਾਖਲ ਹੋਣ ਤੋਂ ਰੋਕਿਆ ਗਿਆ ਸੀ | ਦਾਅਵਾ ਕੀਤਾ ਗਿਆ ਕਿ ਉਸਨੂੰ ਜਾਰੀ ਕੀਤੀ ਗਈ ਟਿਕਟ ਪਹਿਲਾਂ ਹੀ 'ਅਣਅਧਿਕਾਰਤ ਵਿਅਕਤੀਆਂ' ਵਲੋਂ ਵਰਤੀ ਜਾ ਚੁੱਕੀ ਹੈ | ਡੀ.ਡੀ.ਸੀ.ਏ. ਦੇ ਸਕੱਤਰ ਅਸ਼ੋਕ ਸ਼ਰਮਾ ਨੇ ਇਸਨੂੰ ਇਕ ਤਕਨੀਕੀ ਖ਼ਰਾਬੀ ਦੱਸਿਆ |