ਟੱਲੇਵਾਲ, 18 ਅਪੈ੍ਰਲ (ਸੋਨੀ ਚੀਮਾ)-ਪਿੰਡ ਚੀਮਾ ਵਿਖੇ ਬੀਤੀ ਦੇਰ ਸਾਮ ਖੇਤ ਵਿਚ ਲੱਗੇ ਟਰਾਂਸਫ਼ਾਰਮਰ ਤੋਂ ਨਿਕਲੀ ਚੰਗਿਆੜੀ ਨੇ ਤਿੰਨ ਕਿਸਾਨਾਂ ਦਾ ਭਾਰੀ ਆਰਥਿਕ ਨੁਕਸਾਨ ਕਰ ਦਿੱਤਾ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਬਲਵਿੰਦਰ ਸਿੰਘ ਥਿੰਦ ਸਾਬਕਾ ਸਰਪੰਚ ਨੇ ਦੱਸਿਆ ਕਿ ਬੀਤੇ ਸ਼ਾਮ 6 ਵਜੇ ਦੇ ਕਰੀਬ ਜਦ 24 ਘੰਟੇ ਸ਼ਹਿਰੀ ਸਪਲਾਈ ਸਬੰਧੀ ਲਾਈਟ ਦੀ ਸਪਲਾਈ ਆਈ ਤਾਂ ਖੇਤ ਵਿਚ ਲੱਗੇ ਟਰਾਂਸਫ਼ਾਰਮਰ ਤੋਂ ਸਪਾਰਕ ਹੋ ਗਿਆ ਅਤੇ ਟਰਾਂਸਫ਼ਾਰਮਰ ਨਜ਼ਦੀਕ ਜਸਵਿੰਦਰ ਸਿੰਘ ਪੱੁਤਰ ਮੁਖਤਿਆਰ ਸਿੰਘ ਦੀ ਪੰਜ ਏਕੜ ਕਣਕ ਤੋਂ ਇਲਾਵਾ ਭਿੰਦਰ ਸਿੰਘ ਥਿੰਦ ਅਤੇ ਸਿਕੰਦਰ ਸਿੰਘ ਨੰਬਰਦਾਰ ਸਮੇਤ ਕਿਸਾਨਾਂ ਦਾ 5 ਏਕੜ ਤੋਂ ਵੱਧ ਕਣਕ ਦੀ ਨਾੜ ਅੱਗ ਨਾਲ ਰਾਖ ਬਣ ਗਈ | ਬਲਵਿੰਦਰ ਸਿੰਘ ਥਿੰਦ ਨੇ ਦੱਸਿਆ ਕਿ ਪਿੰਡ ਚੀਮਾ, ਨਾਈਵਾਲਾ ਅਤੇ ਕੈਰੇ ਵਾਸੀਆਂ ਵਲੋਂ ਆ ਕੇ ਜਿੱਥੇ ਅੱਗ ਤੇ ਕਾਬੂ ਪਾਉਣ ਵਿਚ ਮਦਦ ਕੀਤੀ, ੳੱੁਥੇ ਬਰਨਾਲਾ ਫਾਇਰ ਬਿ੍ਗੇਡ ਦੀ ਗੱਡੀ ਆਉਣ ਕਾਰਨ ਵੱਡੀ ਪੱਧਰ 'ਤੇ ਕਣਕ ਦਾ ਨੁਕਸਾਨ ਹੋਣ ਤੋਂ ਬਚਾਅ ਹੋ ਗਿਆ |
