ਤਪਾ ਮੰਡੀ, 26 ਮਾਰਚ (ਵਿਜੇ ਸ਼ਰਮਾ)-ਤਪਾ ਖੇਤਰ ਅੰਦਰ ਚੇਤ ਮਹੀਨੇ ਦੇ ਨਵਰਾਤਿਆਂ ਦੇ ਅਖੀਰਲੇ ਦਿਨ ਅਸ਼ਟਮੀ ਦਾ ਤਿਉਹਾਰ ਕੰਜਕਾਂ ਪੂਜ ਕੇ ਮਨਾਇਆ ਗਿਆ | ਇਸ ਮੌਕੇ ਮੰਦਰਾਂ ਵਿਚ ਭਗਤਾਂ ਦੀ ਭੀੜ ਵੇਖਣ ਨੂੰ ਮਿਲੀ ਉੱਥੇ ਘਰਾਂ ਵਿਚ ਮਾਤਾ ਦੀ ਪੂਜਾ ਅਰਾਧਨਾ ਕਰ ਕੇ ਕੰਜਕਾਂ ਨੂੰ ਪ੍ਰਸ਼ਾਦ ਦਾ ਭੋਗ ਲਵਾਇਆ ਗਿਆ ਅਤੇ ਪਰਿਵਾਰਾਂ ਵਲੋਂ ਕੰਜਕਾਂ ਨੂੰ ਮੱਥਾ ਟੇਕ ਕੇ ਤੋਹਫ਼ੇ ਦਿੱਤੇ ਗਏ | ਜ਼ਿਕਰਯੋਗ ਹੈ ਕਿ ਚੇਤ ਮਹੀਨੇ ਦੇ ਨਵਰਾਤਿਆਂ ਨੂੰ ਲੈ ਕੇ ਮੰਦਰਾਂ ਵਿਚ ਮਹਾਮਾਈ ਦਾ ਗੁਣਗਾਨ ਕੀਤਾ ਗਿਆ ਅਤੇ ਸ਼ਰਧਾਲੂਆਂ ਵਲੋਂ ਆਪਣੇ ਘਰਾਂ ਦੇ ਵਿਚ ਮਾਤਾ ਦੀ ਅਖੰਡ ਜੋਤ ਪ੍ਰਕਾਸ਼ ਕੀਤੀ ਗਈ ਅਤੇ ਅਸ਼ਟਮੀ ਦੇ ਤਿਉਹਾਰ ਮੌਕੇ ਮੱਥਾ ਟੇਕ ਕੇ ਮੁਬਾਰਕਾਂ ਦਿੱਤੀਆਂ ਗਈਆਂ |