ਖੁਈਆਂ ਮਲਕਾਣਾ ਦੇ ਸਰਕਾਰੀ ਸਕੂਲ ਵਿਚ ਵਣ ਮਹਾ ਉਤਸਵ ਮੌਕੇ ਵਿਦਿਆਰਥੀਆਂ ਨੂੰ ਪੌਦੇ ਵੰਡਦੇ ਵਰਚਿਊਸ ਕਲੱਬ ਦੇ ਅਹੁਦੇਦਾਰ। ਵਰਚਿਊਸ ਕਲੱਬ ਨੇ 130 ਪੌਦੇ ਵੰਡ ਕੇ ਵਾਤਾਵਰਨ ਸੰਭਾਲ ਦਾ ਦਿੱਤਾ ਸੁਨੇਹਾ

ਡੱਬਵਾਲੀ, 1 ਅਗਸਤ (ਇਕਬਾਲ ਸਿੰਘ ਸ਼ਾਂਤ)-ਪਿੰਡ ਖੁਈਆਂ ਮਲਕਾਣਾ ਦੇ ਸਰਕਾਰੀ ਸਕੂਲ ਵਿਚ ਵਰਚਿਊਸ ਕਲੱਬ (ਇੰਡੀਆ) ਨੇ ਆਪਣੇ ‘ਪੇੜ-ਪੌਦਾ ਬੈਂਕ’ ਪ੍ਰਾਜੈਕਟ ਦੇ ਤੀਜੇ ਪੜਾਅ ਤਹਿਤ ਵਣ ਮਹਾਂਉਤਸਵ ਮਨਾਇਆ। ਵਿਦਿਆਰਥੀਆਂ ਨੂੰ ਜੜ੍ਹੀ-ਬੂਟੀ, ਫਲਦਾਰ ਤੇ ਫੁੱਲਦਾਰ ਕਿਸਮਾਂ ਦੇ 130 ਪੌਦੇ ਵੰਡੇ ਗਏ ਅਤੇ ਉਨ੍ਹਾਂ ਨੂੰ ‘ ਪੇੜ ਮਿੱਤਰ’ ਬਣਾ ਕੇ ਸੰਭਾਲਣ ਦੀ ਸਹੁੰ ਦਿਵਾਈ ਗਈ।