ਮਾਨਸਾ, 15 ਜੂਨ (ਸ.ਰਿ.)- ਡੇਰਾ ਬਾਬਾ ਸ੍ਰੀ ਚੰਦ ਧੂਣਾ ਸਾਹਿਬ ਸੇਵਾਸਰ ਤਪ (ਅਸਥਾਨ) ਸਵਾਮੀ ਨਿਰੰਜਣ ਦੇਵ ਉਦਾਸਹੀਨ ਆਸ਼ਰਮ ਮਾਨਸਾ ਖ਼ੁਰਦ ਵਿਖੇ ਮੱਸਿਆ ਦੇ ਦਿਹਾੜੇ ਨੂੰ ਸਮਰਪਿਤ ਧਾਰਮਿਕ ਸਮਾਗਮ ਕਰਵਾਇਆ ਗਿਆ | ਇਸ ਦੌਰਾਨ 2 ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਉਣ ਉਪਰੰਤ ਰਾਮ ਸਿੰਘ ਭਾਵੇ ਵਾਲਿਆਂ ਦੇ ਕੀਰਤਨੀ ਜਥੇ ਨੇ ਰਸਭਿੰਨਾ ਕੀਰਤਨ ਕਰ ਕੇ ਸੰਗਤਾਂ ਨੂੰ ਨਿਹਾਲ ਕੀਤਾ | ਮਹੰਤ ਪ੍ਰਸ਼ੋਤਮ ਦਾਸ ਨੇ ਆਈਆਂ ਸੰਗਤਾਂ ਨੂੰ ਜੀ ਆਇਆਂ ਆਖਦਿਆਂ ਪ੍ਰਮਾਤਮਾ ਦੇ ਨਾਮ ਅਤੇ ਸੇਵਾ ਦੇ ਨਾਲ ਜੋੜਨ ਦੀ ਪ੍ਰੇਰਨਾ ਦਿੱਤੀ | ਇਸ ਮੌਕੇ ਜਸਕਰਨ ਸਿੰਘ, ਹਰਵਿੰਦਰ ਸਿੰਘ, ਸਤਨਾਮ ਸਿੰਘ, ਨਵਜੋਤ ਕੌਰ, ਐਸ.ਡੀ.ਐਮ. ਬਲਜੀਤ ਕੌਰ ਮਾਨਸਾ, ਕੁਲਦੀਪ ਸਿੰਘ ਤੋਂ ਇਲਾਵਾ ਝਲਬੂਟੀ, ਮਾਨਸਾ ਖ਼ੁਰਦ, ਮਾਨਸਾ ਸ਼ਹਿਰ, ਲੱਲੂਆਣਾ ਆਦਿ ਪਿੰਡਾਂ ਤੋਂ ਸੰਗਤਾਂ ਨਤਮਸਤਕ ਹੋਈਆਂ |
