ਗੋਲੂ ਕਾ ਮੋੜ, 27 ਜੁਲਾਈ (ਸੁਰਿੰਦਰ ਸਿੰਘ ਪੁਪਨੇਜਾ)-ਧੰਨ-ਧੰਨ ਬਾਬਾ ਰਾਮ ਥੰਮ੍ਹਣ ਦਰਬਾਰ ਬਾਬਾ ਦੇਵੀ ਦਿਆਲ ਆਸ਼ਰਮ ਬਾਜੇ ਕੇ ਵਿਖ਼ੇ ਕੱਲ 29 ਜੁਲਾਈ ਦਿਨ ਬੁੱਧਵਾਰ ਗੁਰ ਪੁੰਨਿਆ ਰੂਹਾਨੀ ਸਤਿਸੰਗ ਕਰਵਾਇਆ ਜਾ ਰਿਹਾ ਹੈ। ਇਹ ਜਾਣਕਾਰੀ ਦਿੰਦੇ ਹੋਏ ਬਾਬਾ ਰਾਧੇ ਸ਼ਾਮ ਨੇ ਦੱਸਿਆ ਕਿ ਡੇਰਾ ਬਾਬਾ ਰਾਮ ਥੰਮ੍ਹਣ ਬਾਜੇ ਕੇ ਵਿਖੇ ਕੱਲ੍ਹ 29 ਜੁਲਾਈ ਦਿਨ ਬੁਧਵਾਰ ਗੁਰ ਪੁੰਨਿਆ ਦਾ ਰੂਹਾਨੀ ਸਤਿਸੰਗ ਹੋ ਰਿਹਾ ਹੈ। ਜਿਸ ਵਿਚ ਸਵੇਰੇ 9 ਵਜੇ ਹਵਨ ਪੂਜਾ ਤੋਂ ਬਾਅਦ ਬਾਬਾ ਹਰਮੇਸ਼ ਦਾਸ ਜੀ ਵਲੋਂ ਸੰਗਤਾਂ ਨੂੰ ਪ੍ਰਵਚਨ ਸੁਣਾ ਕੇ ਨਿਹਾਲ ਕੀਤਾ ਜਾਵੇਗਾ। ਇਸ ਤੋਂ ਉਪਰੰਤ ਭਜਨ ਮੰਡਲੀ ਵਲੋਂ 10 ਵਜੇ ਤੋਂ 1 ਵਜੇ ਤੱਕ ਸਤਿਸੰਗ ਕੀਤਾ ਜਾਵੇਗਾ। ਇਸ ਦੌਰਾਨ ਗੁਰੂ ਕੇ ਲੰਗਰ ਸੰਗਤਾਂ ਵਿਚ ਅਤੁਟ ਵਰਤਾਏ ਜਾਣਗੇ। ਇਲਾਕੇ ਦੀਆਂ ਸਮੂਹ ਸੰਗਤਾਂ ਨੂੰ ਬੇਨਤੀ ਹੈ ਇਸ ਰੂਹਾਨੀ ਸਤਸੰਗ ਵਿਚ ਪਹੁੰਚ ਕੇ ਗੁਰੂ ਘਰ ਦੀਆਂ ਖੁਸ਼ੀਆਂ ਪ੍ਰਾਪਤ ਕਰੋ।
