ਅਬੋਹਰ, 31 ਦਸੰਬਰ (ਸੁਖਜੀਤ ਸਿੰਘ ਬਰਾੜ)-ਸਤਿਅਮ ਕੰਨਿਆ ਕਾਲਜ ਪਿੰਡ ਸੈਦਾਂ ਵਾਲੀ ਦੀ ਐਨ.ਸੀ.ਸੀ.ਕੈਡਟ ਪੂਨਮ ਦੀ 26 ਜਨਵਰੀ ਨੂੰ ਗਣਤੰਤਰ ਦਿਵਸ ਮੌਕੇ ਦਿੱਲੀ ਵਿਖੇ ਹੋਣ ਵਾਲੀ ਪਰੇਡ ਲਈ ਚੋਣ ਹੋਈ ਹੈ | ਇਸ ਜਾਣਕਾਰੀ ਦਿੰਦਿਆਂ ਐਨ.ਸੀ.ਸੀ.ਸੀਨੀਅਰ ਅੰਡਰ ਆਫ਼ੀਸਰ ਅਨੀਤਾ ਰਾਣੀ ਨੇ ਦੱਸਿਆ ਕਿ ਕਾਲਜ ਦੀ ਐਨ.ਸੀ.ਸੀ.ਕੈਡਟ ਪੂਨਮ ਦੀ ਗਣਤੰਤਰ ਦਿਵਸ ਮੌਕੇ ਦਿੱਲੀ ਵਿਖੇ ਹੋਣ ਵਾਲੀ ਪਰੇਡ 'ਚ ਪ੍ਰਧਾਨ ਮੰਤਰੀ ਰੈਲੀ ਕੈਂਪ ਵਿਚ ਚੋਣ ਹੋਈ ਹੈ ਜੋ ਕਿ ਕਾਲਜ ਲਈ ਬਹੁਤ ਹੀ ਮਾਣ ਵਾਲੀ ਗੱਲ ਹੈ | ਕਾਲਜ ਦੇ ਪਿ੍ੰਸੀਪਲ ਹੈਪੀ ਰਾਏ ਖੱਤਰੀ ਨੇ ਕਾਲਜ ਦੀ ਕੈਡਟ ਪੂਨਮ ਦੀ ਇਸ ਚੋਣ 'ਤੇ ਵਧਾਈ ਦਿੰਦਿਆਂ ਕਿਹਾ ਕਿ ਇਹ ਕਾਲਜ 'ਤੇ ਜ਼ਿਲ੍ਹਾ ਫ਼ਾਜ਼ਿਲਕਾ ਲਈ ਬਹੁਤ ਮਾਣ ਦੀ ਗੱਲ ਹੈ |
