ਸੁਨਾਮ ਊਧਮ ਸਿੰਘ ਵਾਲਾ, 1 ਫਰਵਰੀ (ਭੁੱਲਰ, ਧਾਲੀਵਾਲ) - ਅੱਜ ਦੁਪਹਿਰ ਸਮੇਂ ਸਥਾਨਕ ਆਈ.ਟੀ.ਆਈ ਚੌਂਕ ਵਿਖੇ ਕਾਰ ਵਲੋਂ ਲਪੇਟ 'ਚ ਲੈਣ ਕਾਰਨ ਇਕ ਅÏਰਤ ਸਮੇਤ ਦੋ ਜਣਿਆਂ ਦੇ ਗੰਭੀਰ ਜ਼ਖਮੀ ਹੋਣ ਦੀ ਖਬਰ ਹੈ | ਸਥਾਨਕ ਸਿਵਲ ਹਸਪਤਾਲ ਵਿਖੇ ਜੇਰੇ ਇਲਾਜ ਪਟਿਆਲਾ ਜਿਲ੍ਹੇ ਦੇ ਸ਼ਾਹਪੁਰ ਪਿੰਡ ਤੋਂ ਸੁਨਾਮ ਆਪਣੇ ਸਹੁਰੇ ਘਰ ਜਾ ਰਹੇ ਸੁਖਰਾਜ ਸਿੰਘ ਨੇ ਦੱਸਿਆ ਕਿ ਸਥਾਨਕ ਆਈ.ਟੀ.ਆਈ ਚੌਂਕ 'ਚ ਦੁਪਹਿਰ ਕਰੀਬ ਦੋ ਕੁ ਵਜੇ ਉਹ ਰੇਹੜੀ ਤੋਂ ਫਲ ਲੈ ਰਿਹਾ ਸੀ | ਇਸ ਦੌਰਾਨ ਸ਼ਹਿਰ ਦੇ ਓਵਰ ਬਿ੍ਜ ਵਲੋਂ ਇਕਦਮ ਇਕ ਕਾਰ ਆਈ ਜੋ ਫੁੱਟ ਪਾਥ ਪਾਰ ਕਰਦੀ ਹੋਈ ਮੇਰੇ ਅਤੇ ਫਲ ਵੇਚ ਰਹੀ ਪ੍ਰਵਾਸੀ ਅÏਰਤ ਮੀਨਾ ਦੇਵੀ ਸਮੇਤ ਫਲਾਂ ਦੀ ਰੇਹੜੀ 'ਤੇ ਆ ਚੜ੍ਹੀ | ਜਿਸ ਕਾਰਨ ਅਸੀਂ ਦੋਵੇਂ ਗੰਭੀਰ ਜ਼ਖਮੀ ਹੋ ਗਏ ਜਦੋਂ ਕਿ ਫਲਾਂ ਦੀ ਰੇਹੜੀ ਵੀ ਪਲਟ ਗਈ | ਨੇੜਲੇ ਕੁਝ ਰੇਹੜੀ ਵਾਲਿਆਂ ਵਲੋਂ ਇਲਾਜ ਲਈ ਦੋਵਾਂ ਨੂੰ ਸਿਵਲ ਹਸਪਤਾਲ ਸੁਨਾਮ ਵਿਖੇ ਦਾਖਲ ਕਰਵਾਇਆ ਗਿਆ ਜਿੱਥੇ ਹੁਣ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ |
