ਸੰਤ ਰਜਿੰਦਰ ਸਿੰਘ 9 ਨੂੰ ਮੋਗਾ ਵਿਖੇ ਸੰਗਤਾਂ ਨਾਲ ਕਰਨਗੇ ਪ੍ਰਵਚਨ

ਮੋਗਾ, 7 ਅਕਤੂਬਰ (ਸੁਰਿੰਦਰਪਾਲ ਸਿੰਘ, ਗੁਰਤੇਜ ਸਿੰਘ ਬੱਬੀ)-ਵਿਸ਼ਵ ਪ੍ਰਸਿੱਧ ਅਧਿਆਤਮਕ ਗੁਰੂ ਅਤੇ ਸਾਵਣ ਕ੍ਰਿਪਾਲ ਰੂਹਾਨੀ ਮਿਸ਼ਨ ਦੇ ਮੁਖੀ ਸੰਤ ਰਜਿੰਦਰ ਸਿੰਘ 9 ਅਕਤੂਬਰ ਦਿਨ ਐਤਵਾਰ ਨੂੰ ਮੋਗਾ ਵਿਖੇ ਸਥਾਨਕ ਸ਼ਹਿਰ ਦੇ ਬੁੱਘੀਪੁਰਾ ਚੌਂਕ ਮੋਗਾ ਜਲੰਧਰ ਹਾਈਵੇ ਮਾਰਗ, ਕੈਪੀਟਲ ਹਸਪਤਾਲ ਦੇ ਸਾਹਮਣੇ ਸ਼ਾਮ 7 ਵਜੇ ਤੋਂ 9 ਵਜੇ ਤੱਕ ਸੰਗਤਾਂ ਨੂੰ ਪ੍ਰਵਚਨ ਦੇਣ ਦੇ ਨਾਲ ਅਧਿਆਤਮਕ ਰੰਗ ਵਿਚ ਰੰਗਣਗੇ ਅਤੇ ਪ੍ਰਵਚਨਾਂ ਤੋਂ ਬਾਅਦ ਕਰੀਬ 9 ਵਜੇ ਆਪਣੇ ਜਿਗਿਆਸੂਆਂ ਨੂੰ ਨਾਮ ਦਾਨ ਦੀਕਸ਼ਾ ਦੇਣਗੇ। ਜ਼ਿਕਰਯੋਗ ਹੈ ਕਿ ਸੰਤ ਰਜਿੰਦਰ ਸਿੰਘ ਕਰੀਬ 26 ਸਾਲ ਬਾਅਦ ਮੋਗਾ ਦੀ ਧਰਤੀ ‘ਤੇ ਆ ਰਹੇ ਹਨ ਤੇ ਉਨ੍ਹਾਂ ਦੀ ਮੋਗਾ ਆਮਦ ‘ਤੇ ਸੰਗਤਾਂ ਵਿਚ ਵੱਡਾ ਉਤਸ਼ਾਹ ਪਾਇਆ ਜਾ ਰਿਹਾ ਹੈ।