ਪਿਤਾ ਦੀ ਯਾਦ ’ਚ ਵਿਨੋਦ ਛਾਬੜਾ ਨੇ ਸ਼ਿਵ ਪੁਰੀ ਆਸ਼ਰਮ ਮੋਗਾ ਨੂੰ 100 ਡੱਬੇ ਪਾਣੀ ਦੇ ਦਿੱਤੇ

ਮੋਗਾ, 19 ਜੂਨ (ਅਸ਼ੋਕ ਬਾਂਸਲ)-ਆਪਣੇ ਪਿਤਾ ਸਵ: ਕਸ਼ਮੀਰੀ ਲਾਲ ਛਾਬੜਾ ਦੀ ਬਰਸੀ ਮੌਕੇ ਸਮਾਜ ਸੇਵਕ ਵਿਨੋਦ ਕੁਮਾਰ ਛਾਬੜਾ ਨੇ ਸ਼ਿਵ ਪੁਰੀ ਆਸ਼ਰਮ ਵਿਖੇ ਚੱਲ ਰਹੀ ਜਲ ਸੇਵਾ ਲਈ 100 ਪਾਣੀ ਦੇ ਡੱਬੇ ਦਾਨ ਕੀਤੇ। ਇਸ ਮੌਕੇ ਵਿਨੋਦ ਛਾਬੜਾ ਨੇ ਕਿਹਾ ਕਿ ਜਦੋਂ ਵੀ ਭਾਈਚਾਰੇ ਨੂੰ ਕੋਈ ਜਿੰਮੇਵਾਰੀ ਦਿੱਤੀ ਜਾਂਦੀ ਹੈ ਤਾਂ ਉਹ ਹਮੇਸ਼ਾ ਇਸ ਦੇ ਨਾਲ ਖੜ੍ਹੇ ਰਹਿੰਦੇ ਹਨ। ਉਨ੍ਹਾਂ ਨੇ ਪਿਛਲੇ ਸੱਤ ਮਹੀਨਿਆਂ ਤੋਂ ਸ਼ਿਵ ਪੁਰੀ ਆਸ਼ਰਮ ਵਿਖੇ ਨਿਰੰਤਰ ਜਲ ਸੇਵਾ ਨੂੰ ਯਕੀਨੀ ਬਣਾਉਣ ਲਈ ਅਰੋੜਾ ਬਰਾਦਰੀ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਸਾਬਕਾ ਡਿਪਟੀ ਮੇਅਰ ਅਸ਼ੋਕ ਧਮੀਜਾ, ਸੁਭਾਸ਼ ਗਰੋਵਰ, ਭਾਨੂ ਪ੍ਰਤਾਪ, ਰਾਜਿੰਦਰ ਛਾਬੜਾ, ਆਰ. ਕੇ., ਰੋਮੀ ਗਰੋਵਰ, ਵਿਨੋਦ ਛਾਬੜਾ, ਹਰਪਾਲ ਬੱਤਰਾ, ਸੰਜੀਵ ਅਰੋੜਾ, ਕੇਵਲ ਕ੍ਰਿਸ਼ਨ ਅਤੇ ਹੋਰ ਪਤਵੰਤੇ ਇਸ ਸਮਾਗਮ ਵਿਚ ਮੌਜੂਦ ਸਨ।