ਸਮਾਲਸਰ, 28 ਮਈ (ਗੁਰਜੰਟ ਕਲਸੀ ਲੰਡੇ)-ਅੱਜ ਲੰਡੇ ਦੀ ਨੂਰੀ ਮਸਜਿਦ ਲੰਡੇ ਵਿਚ ਈਦ ਦਾ ਤਿਉਹਾਰ ਬੜੇ ਉਤਸ਼ਾਹ ਨਾਲ ਮਨਾਇਆ ਗਿਆ | ਇਸ ਮੌਕੇ ਤਰਸੇਮ ਖਾਨ ਅਸ਼ਰਫ਼ੀ ਨੇ ਬਕਰੀਦ ਦੀ ਨਮਾਜ਼ ਪੜ੍ਹਾਈ | ਇਸ ਮੌਕੇ ਨਵੇਂ ਬੱਚੇ ਜੋ ਕਿ ਮੌਲਾਨਾ ਤਰਸੇਮ ਖਾਨ ਅਸ਼ਰਫ਼ੀ ਕੌਲੋਂ ਕੁਰਾਨ ਸ਼ਰੀਫ਼ ਦੀ ਸਿੱਖਿਆ ਲੈ ਰਹੇ ਹਨ ਉਨ੍ਹਾਂ ਨੂੰ ਨੂਰੀ ਮਸਜਿਦ ਲੰਡੇ ਦੀ ਕਮੇਟੀ ਵਲੋਂ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਕਮੇਟੀ ਦੇ ਪ੍ਰਧਾਨ ਰਮਜ਼ਾਨ ਅਸ਼ਰਫ਼ੀ ਵਲੋਂ ਸਾਰੇ ਭਾਈਚਾਰੇ ਨੂੰ ਮੁਬਾਰਕਬਾਦ ਦਿੱਤੀ ਗਈ ਅਤੇ ਮੌਲਾਨਾ ਸਾਹਿਬ ਵਲੋਂ ਮੁਲਕ ਵਿਚ ਅਮਨ ਤੇ ਸ਼ਾਂਤੀ ਦੀ ਦੁਆ ਕੀਤੀ ਗਈ |
