ਹੂਤੀ ਬਾਗ਼ੀਆਂ ਵਲੋਂ ਜਹਾਜ਼ ’ ਤੇ ਮਿਜ਼ਾਈਲ ਹਮਲਾ , 6 ਮੌਤਾਂ

ਅ

ਅਜੀਤ ਡੈਸਕ 13-08-2026

ਸਨਾ, 12 ਅਗਸਤ (ਏਜੰਸੀ)-ਮੱਧ ਪੂਰਬ ’ਚ ਤਣਾਅ ਲਗਾਤਾਰ ਵਧ ਰਿਹਾ ਹੈ। ਇਕ ਪਾਸੇ ਯਮਨ ਦੇ ਈਰਾਨ ਦਾ ਸਮਰਥਨ ਪ੍ਰਾਪਤ ਹੂਤੀ ਬਾਗੀਆਂ ਨੇ ਲਾਲ ਸਾਗਰ ਅਤੇ ਅਰਬ ਸਾਗਰ ਨੂੰ ਜੋੜਨ ਵਾਲੇ ਮਹੱਤਵਪੂਰਨ ਸਮੁੰਦਰੀ ਮਾਰਗ ਬਾਬ-ਅਲ-ਮੰਦੇਬ ’ਚ ਇਕ ਵਪਾਰਕ ਜਹਾਜ਼ ’ਤੇ ਬੈਲਿਸਟਿਕ ਮਿਜ਼ਾਈਲ ਨਾਲ ਹਮਲਾ ਕੀਤਾ, ਜਿਸ ’ਚ 6 ਵਿਅਕਤੀਆਂ ਦੀ ਮੌਤ ਹੋ ਗਈ। ਉਥੇ ਦੂਸਰੇ ਪਾਸੇ ਅਮਰੀਕੀ ਫ਼ੌਜ ਨੇ ਓਮਾਨ ਦੀ ਖਾੜੀ ’ਚ ਈਰਾਨ ’ਤੇ ਕੀਤੀ ਸਮੁੰਦਰੀ ਨਾਕਾਬੰਦੀ ਨੂੰ ਤੋੜਨ ਦੀ ਕੋਸ਼ਿਸ਼ ਕਰ ਰਹੇ ਪਨਾਮਾ ਦੇ ਝੰਡੇ ਵਾਲੇ ਇਕ ਜਹਾਜ਼ ’ਤੇ ਮਿਜ਼ਾਈਲ ਹਮਲਾ ਕਰਕੇ ਉਸ ਨੂੰ ਰੋਕ ਦਿੱਤਾ। ਯਮਨ ਦੇ ਤੱਟ ਨੇੜੇ ਵਪਾਰਕ ਜਹਾਜ਼ ’ਤੇ ਹੂਤੀ ਬਾਗੀਆਂ ਨੇ 3 ਬੈਲਿਸਟਿਕ ਮਿਜ਼ਾਈਲਾਂ ਦਾਗੀਆਂ। ਮ੍ਰਿਤਕਾਂ ’ਚ ਚਾਰ ਚਾਲਕ ਦਲ ਦੇ ਮੈਂਬਰ ਅਤੇ 2 ਯਮਨ ਸਰਕਾਰ ਦੇ ਸੁਰੱਖਿਆ ਬਲ ਦੇ ਦੋ ਜਵਾਨ ਸ਼ਾਮਿਲ ਹਨ। ਅਮਰੀਕੀ ਸੈਂਟਰਲ ਕਮਾਂਡ ਨੇ ਓਮਾਨ ਦੀ ਖਾੜੀ ’ਚ ਪਨਾਮਾ ਦੇ ਝੰਡੇ ਵਾਲੇ ਜਹਾਜ਼ ਦੇ ਇੰਜਣ ਵਾਲੇ ਕੈਬਿਨ ’ਤੇ ਹੈਲੀਕਾਪਟਰ ਨਾਲ ਮਿਜ਼ਾਈਲਾਂ ਦਾਗੀਆਂ, ਕਿਉਕਿ ਜਹਾਜ਼ ਅਮਰੀਕੀ ਨਾਕਾਬੰਦੀ ਦੀਆਂ ਚਿਤਾਵਨੀਆਂ ਨੂੰ ਨਜ਼ਰ ਅੰਦਾਜ਼ ਕਰਕੇ ਅੱਗੇ ਜਾ ਰਿਹਾ ਸੀ।

ਪਿਛਲੀ ਖ਼ਬਰ ਅਕਾਲੀ ਦਲ (ਬ) ਵਲੋਂ ਰਾਜਸੀ ਮਾਮਲਿਆਂ ਬਾਰੇ ਕਮੇਟੀ (ਪੀ.ਏ.ਸੀ.) ’ਚ ਵੱਡਾ ਵਿਸਥਾਰ ਅਗਲੀ ਖ਼ਬਰ ਕੌਮੀ ਸ਼ਾਹ-ਮਾਰਗਾਂ ’ਤੇ ਹੁਣ ਚੌੜੇ ਹੋਣਗੇ ‘ਸ਼ੋਲਡਰ’, ਹਾਦਸਿਆਂ ’ਤੇ ਲੱਗੇਗੀ ਰੋਕ