ਕੋਟਕਪੂਰਾ, 22 ਮਈ (ਮੋਹਰ ਸਿੰਘ ਗਿੱਲ)-ਜੁਗਰਾਜ ਸਿੰਘ ਪੁੱਤਰ ਜੀਤਾ ਸਿੰਘ ਵਾਸੀ ਪਿੰਡ ਕੋਹਾਰਵਾਲਾ ਨੇ ਸ਼ਹਿਰੀ ਪੁਲਿਸ ਕੋਟਕਪੂਰਾ ਨੂੰ ਬਿਆਨ ਦੇ ਕੇ ਦੱਸਿਆ ਹੈ ਕਿ ਕੋਠੇ ਸੈਣੀਆਂ ਵਾਲਾ (ਕੋਟਕਪੂਰਾ) ਵਿਖੇ ਉਹ ਸਵਾ ਕਿੱਲਾ ਜ਼ਮੀਨ ਠੇਕੇ ਉਪਰ ਲੈ ਕੇ ਸਬਜ਼ੀ ਬੀਜ-ਵੇਚ ਕੇ ਗੁਜ਼ਾਰਾ ਕਰਦਾ ਹੈ | ਸ਼ਾਮ ਨੂੰ ਉਹ ਸਬਜ਼ੀ ਵਾਲੇ ਖੇਤ ਗੇੜਾ ਮਾਰਨ ਗਿਆ | ਉਸ ਦੇ ਨਾਲ ਉਸ ਦੀ ਪਤਨੀ ਬਿੰਦਰ ਕੌਰ ਅਤੇ ਬੇਟੀ ਉਮਰ ਕਰੀਬ 3 ਸਾਲ ਅਤੇ ਬੇਟਾ ਗੁਰਵੀਰ ਸਿੰਘ ਉਮਰ ਕਰੀਬ 1 ਸਾਲ 10 ਮਹੀਨੇ ਹੈ | ਇਸ ਦੌਰਾਨ ਖੇਤ ਦੇ ਕੋਲ ਸੜਕ ਕਿਨਾਰੇ ਉਹ ਸਬਜ਼ੀ ਦੀ ਦੇਖ ਭਾਲ ਕਰਨ ਲੱਗ ਗਏ | ਏਨੇ ਨੂੰ ਦੋ ਨੌਜਵਾਨ ਮੋਟਰਸਾਈਕਲ 'ਤੇ ਬਹੁਤ ਤੇਜ਼ ਰਫ਼ਤਾਰ ਨਾਲ ਹਰੀਨੌਂ ਵਾਲੇ ਪਾਸਿਓਾ ਆਏ ਅਤੇ ਲਾਪ੍ਰਵਾਹੀ ਨਾਲ ਮੋਟਰਸਾਈਕਲ ਲਿਆ ਕੇ ਉਨ੍ਹਾਂ ਬਿਆਨਕਰਤਾ ਦੇ ਬੇਟੇ ਗੁਰਵੀਰ ਸਿੰਘ ਵਿਚ ਮਾਰਿਆ | ਉਸ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਕੋਟਕਪੂਰਾ ਲਿਜਾਇਆ ਗਿਆ ਤਾਂ ਡਾਕਟਰਾਂ ਨੇ ਗੁਰਵੀਰ ਸਿੰਘ ਨੂੰ ਮਿ੍ਤਕ ਐਲਾਨ ਦਿੱਤਾ | ਇਸ ਸਬੰਧ 'ਚ ਸ਼ਹਿਰੀ ਪੁਲਿਸ ਕੋਟਕਪੂਰਾ ਨੇ ਦੋ ਨਾਮਾਲੂਮ ਵਿਅਕਤੀਆਂ ਵਿਰੁੱਧ ਮਾਮਲਾ ਦਰਜ ਕਰਕੇ ਪੜਤਾਲ ਆਰੰਭ ਕਰ ਦਿੱਤੀ ਹੈ |
