ਬਿਜਲੀ ਪੂਰੀ ਦੇਣ ’ਚ ਨਾਕਾਮ ਸਰਕਾਰ ਕਿਸਾਨਾਂ ਨੂੰ ਰਾਹਤ ਦੇਣ ਲਈ ਡੀਜ਼ਲ ਮੁਫ਼ਤ ਦੇਵੇ-ਦਵਿੰਦਰ ਸਿੰਘ ਮਾਜਰੀ
ਅਜੀਤ ਡੈਸਕ
29-06-2026
ਅੱਤ ਦੀ ਪੈ ਰਹੀ ਤਪਸ਼ ਅਤੇ ਹੁੰਮ੍ਹਸ ਨੇ ਲੋਕਾਂ ਨੂੰ ਹਾਲ ਬੇਹਾਲ ਕਰ ਦਿੱਤਾ ਹੈ । ਜਦੋਂਕਿ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਸੱਥਾਂ ਵਿਚ ਲੋਕਾਂ ਨੂੰ ਚੁਟਕਲੇ ਸੁਣਾ ਅਸਲ ਮੁੱਦੇ ਤੋ ਭਟਕਾ ਰਹੇ ਹਨ। ਉਨ੍ਹਾਂ ਕਿਸਾਨਾਂ ਅਤੇ ਖਪਤਕਾਰਾਂ ਨੂੰ ਅਪੀਲ ਕੀਤੀ ਕਿ ਉਹ ਮੁੱਖ ਮੰਤਰੀ ਦੇ ਸਮਾਗਮਾਂ ਵਿਚ ਆਪਣੀ ਸਮੱਸਿਆ ਨੂੰ ਰੱਖਣ ਨਾ ਕੇ ਚੁਟਕਲਿਆਂ ’ਤੇ ਤਾੜੀਆਂ ਮਾਰ ਕੇ ਹੱਸਣ। ਉਨ੍ਹਾਂ ਕਿਹਾ ਕੇ ਆਉਣ ਵਾਲੇ ਦਿਨਾਂ ਵਿਚ ਜਿਸ ਕਦਰ ਮੌਸਮ ਲੱਗ ਰਿਹਾ ਹੈ ਮੀਂਹ ਨਾ ਪੈਣ ਕਾਰਨ ਗਰਮੀ ਤੋਂ ਰਾਹਤ ਨਾ ਮਿਲਣ ਦੀ ਕੋਈ ਆਸ ਨਹੀਂ ਜਾਪਦੀ। ਜਿਸ ਕਰਕੇ ਇਹ ਸਮੱਸਿਆ ਵੱਧਣ ਦਾ ਖ਼ਦਸ਼ਾ ਹੈ। ਜਿਸ ਕਰਕੇ ਕਿਸਾਨਾਂ ਨੂੰ ਝੋਨੇ ਦੀ ਬਿਜਾਈ ਜਾਰੀ ਰੱਖਣ ਦੀ ਸਮੱਸਿਆ ਪੈਦਾ ਹੋ ਸਕਦੀ ਹੈ। ਇਸ ਲਈ ਉਹ ਪੰਜਾਬ ਸਰਕਾਰ ਨੂੰ ਧਿਆਨ ਵਿਚ ਲਿਆਉਂਦੇ ਹੋਏ ਕਿ ਉਹ ਜੇਕਰ ਬਿਜਲੀ ਸਪਲਾਈ ਦੇਣ ਵਿਚ ਨਾਕਾਮ ਹਨ ਤਾਂ ਬਦਲ ਵਜੋਂ ਡੀਜ਼ਲ ਮੁਫ਼ਤ ਦੇ ਦਿਓ ਕਿਸਾਨਾਂ ਆਪਣਾ ਕੋਈ ਬਦਲ ਲੱਭ ਕੇ ਝੋਨੇ ਦੀ ਬਿਜਾਈ ਕਰ ਸਕਣ ਤਾਂ ਜੋ ਬਿਜਾਈ ਪਛੇਤੀ ਨਾ ਹੋ ਸਕੇ। ਉਨ੍ਹਾਂ ਕਿਹਾ ਕੇ ਜੇਕਰ ਅਜਿਹਾ ਨਹੀਂ ਹੁੰਦਾ ਕਿਸਾਨਾਂ ਦੀ ਪਨੀਰੀ ਦੀ ਮਿਆਦ ਵੀ ਪੱਕ ਰਹੀ ਹੈ ਅਤੇ ਪਛੇਤੀ ਬਿਜਾਈ ਨਾਲ ਕਿਸਾਨਾਂ ਨੂੰ ਝੋਨਾ ਕੱਟਣ ਵੇਲੇ ਵੀ ਮੁਸ਼ਕਿਲ ਆਉਣੀ ਯਕੀਨੀ ਹੈ। ਜਿਸ ਨਾਲ ਝੋਨੇ ਦੀ ਖ਼ਰੀਦ ਵੇਲੇ ਵੀ ਮੁਸ਼ਕਿਲ ਖੜ੍ਹੀ ਹੋ ਜਾਵੇਗੀ। ਇਸ ਲਈ ਸਰਕਾਰ ਨੂੰ ਤੁਰੰਤ ਉਕਤ ਰਾਹਤ ਦੇਣ ਦਾ ਐਲਾਨ ਕਰਨਾ ਚਾਹੀਦਾ ਹੈ।
