ਚਵਿੰਡਾ ਛਿੰਝ ਮੇਲੇ ’ਚ ਪਿੰਡ ਮਾਨ ਦੀ ਸਮੂਹ ਪੰਚਾਇਤ ਨੇ ਪਹਿਲਵਾਨ ਰਾਜਾ ਮਾਨ ਨੂੰ 1 ਟੀਨ ਘਿਓ ਤੇ 21 ਹਜ਼ਾਰ ਰੁਪਏ ਨਾਲ ਕੀਤਾ ਸਨਮਾਨਿਤ

ਚਵਿੰਡਾ ਦੇਵੀ, 31 ਅਕਤੂਬਰ (ਸਤਪਾਲ ਸਿੰਘ ਢੱਡੇ)-ਕਸਬਾ ਚਵਿੰਡਾ ਦੇਵੀ ਵਿਖੇ ਬਾਬਾ ਦਲ ਜੀ ਰੰਧਾਵਾ ਦੀ ਯਾਦ ’ਚ ਦੋ ਰੋਜ਼ਾ ਸਲਾਨਾ ਕੌਮਾਂਤਰੀ ਪੱਧਰ ਦਾ ਛਿੰਝ ਮੇਲਾ ਪੜੇਵੀ ਵਾਲਾ ਖੇਡ ਸਟੇਡੀਅਮ ਵਿਚ ਪਿੰਡ ਚਵਿੰਡਾ ਦੇਵੀ ਅਤੇ ਚੌਗਾਵਾਂ-ਰੂਪੋਵਾਲੀ ਨਾਲ ਲੱਗਦੇ 22 ਪਿੰਡਾਂ ਦੇ ਸਹਿਯੋਗ ਨਾਲ ਪਹਿਲਵਾਨਾਂ ਨਾਲ ਮਹਾਸੰਗਰਾਮ ਦੌਰਾਨ ਪਿੰਡ ਮਾਨ ਦੇ ਸਰਪੰਚ ਹਰਗੁਰਿੰਦਰ ਸਿੰਘ ਮਾਨ ’ਤੇ ਸਮੂਹ ਪੰਚਾਇਤ ਵਲੋਂ ਆਪਣੇ ਹੀ ਪਿੰਡ ਦੇ ਉਘੇ ਪਹਿਲਵਾਨ ਰਾਜਾ ਮਾਨ ਦਾ ਮਾਣ ਸਤਿਕਾਰ ਕਰਦਿਆਂ ਇਕ ਟੀਨ ਦੇਸ਼ੀ ਘਿਉ ਅਤੇ 21 ਹਜ਼ਾਰ ਰੁਪਏ ਦੇ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਸਰਪੰਚ ਹਰਗੁਰਿੰਦਰ ਸਿੰਘ ਮਾਨ ਨੇ ਕਿਹਾ ਕਿ ਜਿਹੜੇ ਨੌਜਵਾਨ ਖੇਡਾਂ ਵਿਚ ਮੱਲ੍ਹਾਂ ਮਾਰ ਰਹੇ ਹਨ ਉਨ੍ਹਾਂ ਦਾ ਸਮੇਂ ਸਮੇਂ ਸਿਰ ਮਾਣ ਸਤਿਕਾਰ ਕਰਨਾ ਇਕ ਵੱਡਾ ਉਪਰਾਲਾ ਹੈ ।