ਬਾਬਾ ਬਕਾਲਾ ਸਾਹਿਬ, 22 ਜੁਲਾਈ (ਸ਼ੇਲਿੰਦਰਜੀਤ ਸਿੰਘ ਰਾਜਨ)- ਨਜ਼ਦੀਕੀ ਪਿੰਡ ਵਡਾਲਾ ਖੁਰਦ ਵਿਖੇ ਆ ਰਹੀ ਝੋਨੇ ਦੀ ਫ਼ਸਲ ਵਿਚ ਆਉਣ ਵਾਲੀਆਂ ਬਿਮਾਰੀਆਂ ਅਤੇ ਉਸ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਸਿੰਜੈਂਟਾ ਕੰਪਨੀ ਵਲੋਂ ਇਕ ਕਿਸਾਨ ਜਾਗਰੂਕ ਕੈਂਪ ਲਾਇਆ ਗਿਆ, ਜਿਸ ਵਿਚ 300 ਦੇ ਕਰੀਬ ਅਗਾਂਹ ਵਧੂ ਕਿਸਾਨ ਸ਼ਾਮਿਲ ਹੋਏ । ਜਿਨ੍ਹਾਂ ਨੂੰ ਝੋਨੇ ’ਚ ਆਉਣ ਵਾਲੀਆਂ ਬੀਮਾਰੀਆਂ ਬਾਰੇ ਦੱਸਿਆ ਗਿਆ ਅਤੇ ਉਨ੍ਹਾਂ ਦੇ ਹੱਲ ਦੱਸੇ ਗਏ। ਕੰਪਨੀ ਵਲੋਂ ਡਵੀਜ਼ਨ ਮੈਨੇਜਰ ਸੰਜੀਵ ਸਹਿਗਲ, ਆਰ.ਐੱਮ. ਹਿਮਾਂਸ਼ੂ ਸਿੰਘ, ਟੀ.ਐੱਮ ਜ਼ਉਲ ਹੱਸਨ, ਐੱਫ.ਐੱਮ.ਐੱਮ. ਰਮਨ ਕੁਮਾਰ ਨੇ ਵੀ ਸੰਬੋਧਨ ਕੀਤਾ ਅਤੇ ਆਏ ਕਿਸਾਨਾਂ ਦਾ ਧੰਨਵਾਦ ਕੀਤਾ। ਇਨ੍ਹਾਂ ਨਾਲ ਮਾਰਕੀਟਿੰਗ ਦੇ ਅਧਿਕਾਰੀ ਅਮਨਦੀਪ ਸਿੰਘ ਅਤੇ ਪਵਨਦੀਪ ਸਿੰਘ ਭਲਾਈਪੁਰ ਵੀ ਹਾਜ਼ਰ ਸਨ।
