ਓਠੀਆਂ, 8 ਮਈ (ਗੁਰਵਿੰਦਰ ਸਿੰਘ ਛੀਨਾ)ਵਿਧਾਨ ਸਭਾ ਹਲਕਾ ਰਾਜਾਸਾਂਸੀ ਦੇ ਅਧੀਨ ਪੈਂਦੇ ਪਿੰਡ ਛੀਨਾ ਕਰਮ ਸਿੰਘ ਵਿਖੇ ਪਿਛਲੇ ਕੋਈ 20 ਸਾਲਾਂ ਤੋਂ ਟੁੱਟੀ ਗਲੀ ਨੂੰ ਅੱਜ ਆਮ ਆਦਮੀ ਪਾਰਟੀ ਦੀ ਪੰਚਾਇਤ ਵਲੋਂ ਗਲੀ ਨੂੰ ਬਣਾਇਆ ਗਿਆ | ਇਸ ਸੰਬੰਧੀ ਆਮ ਆਦਮੀ ਪਾਰਟੀ ਦੇ ਸਰਪੰਚ ਮਨਜਿੰਦਰ ਕੌਰ ਦੇ ਪਤੀ ਸਾਹਿਬ ਸਿੰਘ ਨੇ ਦੱਸਿਆ ਕਿ ਪਿੰਡ ਵਿਚ ਧੜੇਬੰਦੀ ਕਾਰਨ ਇਸ ਗਲੀ ਟੁੱਟੀ ਨੂੰ ਕੋਈ 20 ਸਾਲ ਹੋ ਗਏ ਸਨ ਅਤੇ ਧੜੇਬੰਦੀ ਕਾਰਨ ਇਸ ਗਲੀ ਨੂੰ ਬਣਾਉਣ ਲਈ ਕਿਸੇ ਵੀ ਸਿਆਸੀ ਪਾਰਟੀ ਨੇ ਪਹਿਲਕਦਮੀ ਨਹੀਂ ਕੀਤੀ ਸੀ ਜਿਸ ਕਾਰਨ ਗਲੀ ਦਾ ਬਹੁਤ ਮੰਦਾ ਹਾਲ ਸੀ ਇਸ ਗਲੀ ਤੋਂ ਲੰਘਣ ਵਾਲਿਆਂ ਨੂੰ ਬਹੁਤ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਸੀ | ਗਲੀ ਵਾਸੀਆਂ ਨੇ ਇਸ ਸਬੰਧੀ ਕਈ ਪੰਚਾਇਤਾਂ ਦੇ ਤਰਲੇ ਕੱਢੇ ਪਰ ਉਨਾਂ ਦੀ ਕਿਸੇ ਨੇ ਇਕ ਨਹੀਂ ਮੰਨੀ | ਪੰਜਾਬ ਵਿਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਨ ਤੇ ਗਲੀ ਵਾਸੀਆਂ ਨੂੰ ਕੁਝ ਰਾਹਤ ਮਹਿਸੂਸ ਹੋਈ ਕਿ ਹੁਣ ਸਾਡੀ ਗਲੀ ਦੀ ਸੁਣੀ ਜਾਉ ਕਿਉਂਕਿ ਪੰਜਾਬ ਵਿਚ ਬਣੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਤੋਂ ਸਾਨੂੰ ਆਸਾਂ ਸਨ, ਗਲੀ ਬਨਣ ਤੇ ਅਸੀਂ ਆਮ ਆਦਮੀ ਪਾਰਟੀ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਪੰਚਾਇਤ ਦਾ ਧੰਨਵਾਦ ਕਰਦੇ ਹਨ ਜਿਨ੍ਹਾਂ ਨੇ ਇਸ ਨੂੰ ਪਹਿਲ ਦੇ ਅਧਾਰ ਬਣਾਇਆ | ਇਸ ਮੌਕੇ ਤੇ ਗੁਰਸਾਹਿਬ ਸਿੰਘ, ਬਚਿੱਤਰ ਸਿੰਘ, ਧਨਜੀਤ ਸਿੰਘ, ਰਾਣਾ ਮਹਿੰਦਰ ਸਿੰਘ, ਵਰਿੰਦਰ ਸਿੰਘ ਲੱਡੂ ਆਦਿ ਹਾਜ਼ਰ ਸਨ |
