ਭਾਰਤ ਵਿਕਾਸ ਪਰਿਸ਼ਦ ਭਾਖੜਾ ਨੰਗਲ ਸ਼ਾਖਾ ਵਲੋਂ ਭਜਨ ਸੰਧਿਆ ਦਾ ਆਯੋਜਨ
ਨੰਗਲ, 23 ਸਤੰਬਰ (ਪ੍ਰੀਤਮ ਸਿੰਘ ਬਰਾਰੀ)- ਭਾਰਤ ਵਿਕਾਸ ਪਰਿਸ਼ਦ ਭਾਖੜਾ ਨੰਗਲ ਸ਼ਾਖਾ ਵਲੋਂ ਸ਼ਾਸਤਰੀ ਮਾਰਕੀਟ, ਅਜੌਲੀ ਮੋੜ ਵਿਖੇ ਸਥਾਪਿਤ ਗਣਪਤੀ ਜੀ ਦੇ ਪੰਡਾਲ ਵਿਚ ‘ਗਣਪਤੀ ਬੱਪਾ ਮੋਰਿਆ’ ਦੀ ਸਤੁਤੀ ਅਤੇ ਭਜਨ ਸੰਧਿਆ ਦਾ ਆਯੋਜਨ ਕੀਤਾ ਗਿਆ। ਸ਼ਾਖਾ ਪ੍ਰਧਾਨ ਜਗਮੋਹਨ ਸਿੰਘ ਵਾਲੀਆ ਅਤੇ ਸਕੱਤਰ ਰਾਜਨ ਸੋਨੀ ਦੀ ਅਗਵਾਈ ਹੇਠ ਪਰਿਸ਼ਦ ਦੇ ਮੈਂਬਰਾਂ ਨੇ ਗਣਪਤੀ ਜੀ ਦੀ ਆਰਤੀ ਵਿਚ ਸ਼ਰਧਾਪੂਰਵਕ ਭਾਗ ਲਿਆ ਅਤੇ ਭਜਨ ਸੰਧਿਆ ਵਿਚ ਸ਼ਾਮਲ ਹੋਏ।
ਨੰਗਲ, 23 ਸਤੰਬਰ (ਪ੍ਰੀਤਮ ਸਿੰਘ ਬਰਾਰੀ)- ਭਾਰਤ ਵਿਕਾਸ ਪਰਿਸ਼ਦ ਭਾਖੜਾ ਨੰਗਲ ਸ਼ਾਖਾ ਵਲੋਂ ਸ਼ਾਸਤਰੀ ਮਾਰਕੀਟ, ਅਜੌਲੀ ਮੋੜ ਵਿਖੇ ਸਥਾਪਿਤ ਗਣਪਤੀ ਜੀ ਦੇ ਪੰਡਾਲ ਵਿਚ ‘ਗਣਪਤੀ ਬੱਪਾ ਮੋਰਿਆ’ ਦੀ ਸਤੁਤੀ ਅਤੇ ਭਜਨ ਸੰਧਿਆ ਦਾ ਆਯੋਜਨ ਕੀਤਾ ਗਿਆ। ਸ਼ਾਖਾ ਪ੍ਰਧਾਨ ਜਗਮੋਹਨ ਸਿੰਘ ਵਾਲੀਆ ਅਤੇ ਸਕੱਤਰ ਰਾਜਨ ਸੋਨੀ ਦੀ ਅਗਵਾਈ ਹੇਠ ਪਰਿਸ਼ਦ ਦੇ ਮੈਂਬਰਾਂ ਨੇ ਗਣਪਤੀ ਜੀ ਦੀ ਆਰਤੀ ਵਿਚ ਸ਼ਰਧਾਪੂਰਵਕ ਭਾਗ ਲਿਆ ਅਤੇ ਭਜਨ ਸੰਧਿਆ ਵਿਚ ਸ਼ਾਮਲ ਹੋਏ। ਇਸ ਮੌਕੇ ਵਾਲੀਆ ਨੇ ਸ਼ਾਸਤਰੀ ਮਾਰਕੀਟ ਦੇ ਲੋਕਪ੍ਰਿਯ ਸਮਾਜ ਸੇਵਕ ਸਵਰਗਵਾਸੀ ਪਰਵੀਨ ਦਿਵੇਦੀ ਨੂੰ ਭਾਰਤ ਵਿਕਾਸ ਪਰਿਸ਼ਦ ਵਲੋਂ ਸ਼ਰਧਾਂਜਲੀ ਭੇਟ ਕੀਤੀ। ਉਨ੍ਹਾਂ ਨੇ ਦਿਵੇਦੀ ਵਲੋਂ ਸਮਾਜ ਸੇਵਾ ਲਈ ਕੀਤੇ ਕਾਰਜਾਂ ਨੂੰ ਯਾਦ ਕਰਦਿਆਂ ਉਨ੍ਹਾਂ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ ਅਤੇ ਪਰਿਵਾਰਕ ਮੈਂਬਰਾਂ ਨੂੰ ਸਨਮਾਨਿਤ ਕੀਤਾ। ਵਾਲੀਆ ਨੇ ਸੰਸਥਾਪਕ ਡਾਇਰੈਕਟਰ ਐਡਵੋਕੇਟ ਅਸ਼ੋਕ ਮਨੋਚਾ ਦੇ ਮਾਰਗਦਰਸ਼ਨ ਹੇਠ ਪਰਿਸ਼ਦ ਵਲੋਂ ਚਲਾਈਆਂ ਜਾ ਰਹੀਆਂ ਲੋਕ ਭਲਾਈ ਯੋਜਨਾਵਾਂ ਅਤੇ ਸਮਾਜ ਸੇਵੀ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਲੋਕਾਂ ਨੂੰ ਪਰਿਸ਼ਦ ਨਾਲ ਜੁੜ ਕੇ ਸਮਾਜ ਸੇਵਾ ਵਿਚ ਯੋਗਦਾਨ ਪਾਉਣ ਦਾ ਸੱਦਾ ਦਿੱਤਾ। ਇਸ ਮੌਕੇ ਬਲਰਾਮ ਪਰਾਸ਼ਰ, ਡਾ. ਰਾਕੇਸ਼ ਸੰਦਲ, ਸੁਭਾਸ਼ ਪੁਰੀ, ਅਰਵਿੰਦ ਜੋਸ਼ੀ, ਸਾਹਿਲ ਪੁਰੀ, ਰਾਕੇਸ਼, ਪਵਨ ਗੌਤਮ ਸਮੇਤ ਹੋਰ ਮੈਂਬਰ ਤੇ ਪਤਵੰਤੇ ਹਾਜ਼ਰ ਸਨ।
