ਸ੍ਰੀ ਚਮਕੌਰ ਸਾਹਿਬ,16 ਅਪ੍ਰੈਲ (ਜਗਮੋਹਣ ਸਿੰਘ ਨਾਰੰਗ)-ਸ੍ਰੀ ਚਮਕੌਰ ਸਾਹਿਬ ਵਿਖੇ ਨਿਜੀ ਵਾਹਨਾਂ ਤੇ ਲੱਗੇ ਹੂਟਰਾਂ ਕਾਰਨ ਲੋਕਾਂ ਨੂੰ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਜਦੋਂ ਬਾਜਰਾਂ ਵਿਚੋਂ ਅਜਿਹੇ ਵਾਹਨ ਲੰਘਦੇ ਹਨ ਤਾਂ ਲੋਕ ਘਬਰਾ ਇੱਕ ਦਮ ਪਿੱਛੇ ਹਟਦੇ ਹਨ, ਜਦੋ ਵਾਹਨ ਲੰਘ ਜਾਂਦੇ ਹਨ ਤਾਂ ਵਾਹਨ ਚਾਲਕਾਂ ਨੂੰ ਕੋਸਦੇ ਵੇਖੇ ਜਾ ਸਕਦੇ ਹਨ, ਕਿਉਂਕਿ ਅੱਜ ਹਰ ਬੰਦ ਵੀ.ਆਈ.ਪੀ. ਫੀਲਿੰਗ ਲੈ ਰਿਹਾ ਹੈ | ਇਹ ਹੂਟਰ ਟਰੈਕਟਰਾਂ ਤੇ ਵੀ ਲੱਗੇ ਵੇਖੇ ਜਾ ਸਕਦੇ ਹਨ | ਇਹ ਹੂਟਰ ਜਿਆਦਾਤਰ ਯਾਤਰੂਆਂ ਦੀ ਗੱਡੀਆਂ/ਟਰੈਕਟਰਾਂ ਤੇ ਵੇਖੇ ਜਾ ਸਕਦੇ ਹਨ ਜੋ ਆਵਾਜਾਈ ਨਿਯਮਾਂ ਦੀਆਂ ਸ਼ਰੇਆਮ ਧੱਜੀਆਂ ਉਡਾ ਹਨ | ਆਵਾਜਾਈ ਪੁਲਿਸ ਦੀਆਂ ਇਥੇ ਘੱਟ ਸੇਵਾਵਾਂ ਵੇਖਣ ਨੂੰ ਮਿਲਦੀਆਂ ਹਨ,ਜਿਸ ਕਾਰਨ ਆਵਾਜਾਈ ਦੇ ਨਿਯਮਾਂ ਨੂੰ ਸ਼ਰੇਆਮ ਪਰੋਖੇ ਕੀਤਾ ਆਮ ਵੇਖਿਆ ਜਾ ਸਕਦਾ ਹੈ | ਇਸ ਸਬੰਧੀ ਜਦੋਂ ਟਰੈਫਿਕ ਪੁਲਿਸ ਦੇ ਇੰਚਾਰਜ ਏ ਐਸ ਆਈ ਕੁਲਵਿੰਦਰ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀਆਂ ਡਿਊਟੀਆਂ ਦੂਜੇ ਸ਼ਹਿਰਾਂ ਵਿਚ ਵੀ ਲਗਾਤਾਰ ਲੱਗਦੀਆਂ ਰਹਿੰਦੀਆਂ ਹਨ, ਜਿਸ ਕਾਰਨ ਅਜਿਹੇ ਅਨਸਰ ਆਵਾਜਾਈ ਦੇ ਨਿਯਮਾਂ ਦੀਆਂ ਉਲੰਘਣਾਂ ਕਰਦੇ ਹਨ | ਉਨ੍ਹਾਂ ਦੱਸਿਆ ਕਿ ਹੁਣ ਵੱਖ-ਵੱਖ ਥਾਵਾਂ 'ਤੇ ਨਾਕੇ ਲਗਾ ਕੇ ਆਵਾਜਾਈ ਨਿਯਮਾਂ ਦੀ ਉਲੰਘਣਾਂ ਕਰਨ ਵਾਲਿਆਂ 'ਤੇ ਸਖਤੀ ਵਰਤੀ ਜਾਵੇਗੀ |
