ਨੰਗਲ, 4 ਅਪੈ੍ਰਲ (ਗੁਰਪ੍ਰੀਤ ਸਿੰਘ ਗਰੇਵਾਲ)-ਸਹੇਲੀ ਫਾਊਾਡੇਸ਼ਨ ਸਰੀ (ਵੈਨਕੂਵਰ- ਕੈਨੇਡਾ) ਵਲੋਂ ਅੱਜ ਸਰਕਾਰੀ ਪ੍ਰਾਇਮਰੀ ਸਕੂਲ ਪਿੰਡ ਤਲਵਾੜਾ 'ਚ ਕਰਵਾਏ ਇੱਕ ਸਮਾਗਮ ਦੌਰਾਨ ਨੱਬੇ ਵਿਦਿਆਰਥੀਆਂ ਨੂੰ ਸਕੂਲ ਬੈਗ ਅਤੇ ਸਟੇਸ਼ਨਰੀ ਭੇਟ ਕੀਤੀ ਗਈ | 15 ਲੋੜਵੰਦ ਵਿਦਿਆਰਥੀਆਂ ਨੂੰ ਰਾਸ਼ਨ ਵੀ ਦਿੱਤਾ ਗਿਆ | ਚੇਤੇ ਰਹੇ ਕਿ ਸਹੇਲੀ ਫਾਊਾਡੇਸ਼ਨ ਨੇ ਸਰਕਾਰੀ ਪ੍ਰਾ. ਸਕੂਲ ਪਿੰਡ ਤਲਵਾੜਾ ਨੂੰ ਗੋਦ ਲਿਆ ਹੈ | ਹਰ ਵਰ੍ਹੇ ਅਕਤੂਬਰ - ਨਵੰਬਰ 'ਚ ਸਾਰੇ ਬੱਚਿਆਂ ਨੂੰ ਜਰਸੀਆਂ ਅਤੇ ਬੂਟ ਦਿੱਤੇ ਜਾਂਦੇ ਹਨ ਅਤੇ ਅਪੈ੍ਰਲ 'ਚ ਸਕੂਲ ਬੈਗ ਤੇ ਸਟੇਸ਼ਨਰੀ ਦਿੱਤੀ ਜਾਂਦੀ ਹੈ | ਇਸ ਮੌਕੇ ਉਚੇਚੇ ਤੌਰ 'ਤੇ ਪਹੁੰਚੇ ਚੇਅਰਮੈਨ ਸ੍ਰੀ ਗੁਰੂ ਰਵਿਦਾਸ ਆਯੁਰਵੈਦਿਕ ਯੂਨੀਵਰਸਿਟੀ ਹੁਸ਼ਿਆਰਪੁਰ ਡਾ. ਸੰਜੀਵ ਗੌਤਮ ਨੇ ਸਹੇਲੀ ਫਾਊਾਡੇਸ਼ਨ ਦੀ ਸ਼ਲਾਘਾ ਕੀਤੀ ਜਿਹੜੀ ਇਸ ਸਕੂਲ ਤੋਂ ਇਲਾਵਾ ਹੋਰਨਾਂ ਸਕੂਲਾਂ 'ਚ ਵੀ ਕੰਮ ਕਰ ਰਹੀ ਹੈ | ਇਸ ਮੋਕੇ ਸਕੂਲ ਮੁਖੀ ਸ਼ਾਮ ਸੁੰਦਰ, ਮੈਡਮ ਪਰਮਜੀਤ ਕੌਰ ਕਲਸੀ, ਸੁਨੀਲ ਕੁਮਾਰ, ਚੇਅਰਮੈਨ ਆਈ.ਐਮ.ਏ. ਡਾ. ਅਸ਼ੌਕ ਸ਼ਰਮਾ, ਆਰ.ਟੀ.ਆਈ. ਕਾਰਕੁੰਨ ਯੋਗੇਸ਼ ਸੱਚਦੇਵਾ, ਡਾ. ਨਿਓਮੀ, ਸੁਮਿਤ ਅਗਨੀਸੰਦਲ ਆਦਿ ਹਾਜ਼ਰ ਸਨ |
