ਮਾਨਸਾ

ਸਾਉਣ ਮਹੀਨੇ ਦੇ ਅਖੀਰ ਵਿਚ ਲੱਗੀ ਝੜੀ, ਪੂਰਾ ਦਿਨ ਹੁੰਦੀ ਰਹੀ ਕਿਣ-ਮਿਣ ਕਣੀ

ਅ

ਅਜੀਤ ਡੈਸਕ 09-08-2026

ਸੰਗਤ ਮੰਡੀ, 8 ਅਗਸਤ (ਸੁਖਤੇਜ ਧਾਲੀਵਾਲ)- ਸਾਉਣ ਮਹੀਨੇ ਦੀ ਲੱਗੀ ਲੰਮੀ ਔੜ ਤੋਂ ਬਾਅਦ ਸੰਗਤ ਇਲਾਕੇ ਦੇ ਪਿੰਡਾਂ ਵਿਚ ਅੱਜ ਸਵੇਰੇ ਤੋਂ ਰੁਕ-ਰੁਕ ਪੈ ਰਹੇ ਮੀਂਹ ਨਾਲ, ਪਿਛਲੇ ਕਈ ਦਿਨਾਂ ਤੋਂ ਪੈ ਰਹੀ ਹੁੰਮਸ ਭਰੀ ਗਰਮੀ ਤੋਂ ਲੋਕਾਂ ਨੂੰ ਕਾਫ਼ੀ ਰਾਹਤ ਮਹਿਸੂਸ ਹੋਈ ਹੈ। ਉਥੇ ਕਿਸਾਨਾਂ ਦੀਆਂ ਫ਼ਸਲਾਂ ਲਈ ਇਹ ਮੀਹ ਕਾਫੀ ਵਰਦਾਨ ਸਾਬਿਤ ਹੋਵੇਗਾ। ਸਵੇਰ ਵੇਲੇ ਅਚਾਨਕ ਮੌਸਮ ਨੇ ਕਰਵਟ ਲਈ ਅਤੇ ਹਲਕੀ ਕਿਣ-ਮਿਣ ਕਣੀ ਪੈਣ ਨਾਲ ਮੌਸਮ ਇਕਦਮ ਸੁਹਾਵਣਾ ਹੋ ਗਿਆ। ਮੀਂਹ ਪੈਣ ਤੋਂ ਬਾਅਦ ਤਾਪਮਾਨ ਵਿਚ ਵੀ ਭਾਰੀ ਗਿਰਾਵਟ ਦਰਜ਼ ਕੀਤੀ ਗਈ, ਜਿਸ ਕਾਰਨ ਲੋਕਾਂ ਨੇ ਸੁੱਖ ਦਾ ਸਾਹ ਲਿਆ। ਕਿਸਾਨਾਂ ਨੇ ਵੀ ਇਸ ਹਲਕੇ ਮੀਂਹ ਨੂੰ ਝੋਨੇ ਸਮੇਤ ਸਾਉਣੀ ਦੀਆਂ ਹੋਰਨਾਂ ਫ਼ਸਲਾਂ ਲਈ ਕਾਫੀ ਲਾਭਕਾਰੀ ਦੱਸਿਆ। ਹਾਲਾਂਕਿ ਕਈ ਥਾਵਾਂ ‘ਤੇ ਮੀਂਹ ਘੱਟ ਪੈਣ ਦੀਆਂ ਖ਼ਬਰਾਂ ਹਨ, ਪਰ ਇਸ ਨਾਲ ਮੌਸਮ ਵਿਚ ਆਈ ਤਾਜ਼ਗੀ ਨੇ ਲੋਕਾਂ ਦੇ ਚਿਹਰਿਆਂ ‘ਤੇ ਮੁਸਕਾਨ ਲਿਆ ਦਿੱਤੀ। ਮੌਸਮ ਵਿਭਾਗ ਵਲੋਂ ਆਉਣ ਵਾਲੇ ਦਿਨਾਂ ਵਿਚ ਵੀ ਕੁਝ ਥਾਵਾਂ ‘ਤੇ ਲਗਾਤਾਰ ਹਲਕੀ ਤੋਂ ਦਰਮਿਆਨੀ ਵਰਖਾ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ ਜੋ ਸਾਉਣੀ ਦੀ ਫ਼ਸਲ ਲਈ ਕਾਫੀ ਲਾਹੇਵੰਦ ਸਾਬਤ ਹੋਵੇਗੀ। ਕਿਸਾਨਾਂ ਦਾ ਕਹਿਣਾ ਹੈ ਕਿ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਵਾਰ ਸਾਉਣ ਮਹੀਨੇ ਅੰਦਰ ਕਾਫੀ ਘੱਟ ਮੀਂਹ ਪਿਆ ਹੈ। ਜਿਸ ਕਰਕੇ ਉਨ੍ਹਾਂ ਨੂੰ ਲਗਾਤਾਰ ਟਿਊਬਵੈੱਲਾਂ ਦੇ ਸਹਾਰੇ ਧਰਤੀ ਹੇਠਲੇ ਪਾਣੀ ਨਾਲ ਫ਼ਸਲਾਂ ਨੂੰ ਪਾਲਿਆ ਜਾ ਰਿਹਾ ਸੀ। ਜੋ ਇਸ ਮੀਂਹ ਨਾਲ ਟਿਊਬਵੈੱਲਾਂ ਦਾ ਪਾਣੀ ਦੇਣ ਦੀ ਜ਼ਰੂਰਤ ਘਟ ਜਾਵੇਗੀ।

ਪਿਛਲੀ ਖ਼ਬਰ ਸੇਂਟ ਜੇਵੀਅਰਜ਼ ਕਾਨਵੈਂਟ ਸਕੂਲ ਜੱਜਲ ਵਿਖੇ ਉਤਸ਼ਾਹ ਨਾਲ ਮਨਾਇਆ ਤੀਆਂ ਦਾ ਤਿਉਹਾਰ ਅਗਲੀ ਖ਼ਬਰ ਡਬਲ ਇੰਜਣ ਸਰਕਾਰ ਬਣਾਉਣ ਦੇ ਦਾਅਵੇ, ਪਰ ਇੰਜਣ ਮਜ਼ਬੂਤ ਨਹੀਂ-ਰੁਚਿਕਾ ਗੋਇਲ ਭਾਜਪਾ ਆਗੂਆਂ ਵਲੋਂ ਗੱਠਜੋੜ ਅਤੇ ਇਕੱਲੇ ਚੋਣ...