ਡੇਰਾਬੱਸੀ ’ਚ ਬੇਖੌਫ਼ ਚੋਰਾਂ ਵਲੋਂ ਇਕੋ ਰਾਤ ’ਚ ਚਾਰ ਗੱਡੀਆਂ ਦੀ ਬੈਟਰੀਆਂ ਚੋਰੀ

ਅ

ਅਜੀਤ ਡੈਸਕ 10-08-2026

ਡੇਰਾਬੱਸੀ , 9 ਅਗਸਤ ( ਗੁਰਮੀਤ ਸਿੰਘ )- ਡੇਰਾਬੱਸੀ ਸ਼ਹਿਰ ’ ਚ ਬੀਤੀ ਰਾਤ ਚੋਰਾਂ ਵਲੋਂ ਇਕੋ ਇਲਾਕੇ ’ ਚ ਖੜ੍ਹੀਆਂ ਚਾਰ ਗੱਡੀਆਂ ਨੂੰ ਨਿਸ਼ਾਨਾ ਬਣਾਉਂਦਿਆਂ ਉਨ੍ਹਾਂ ਦੀਆਂ ਬੈਟਰੀਆਂ ਚੋਰੀ ਕਰ ਲਈਆਂ ਗਈਆਂ । ਇਸ ਘਟਨਾ ਬਾਰੇ ਸਵੇਰੇ ਗੱਡੀਆਂ ਸਟਾਰਟ ਕਰਨ ਦੀ ਕੋਸ਼ਿਸ਼ ਕਰਨ ਸਮੇਂ ਵਾਹਨ ਮਾਲਕਾਂ ਨੂੰ ਦਾ ਪਤਾ ਲੱਗਾ । ਇਸ ਘਟਨਾ ਸੰਬੰਧੀ ਗੱਡੀ ਮਾਲਕ ਹਰਪ੍ਰੀਤ ਸਿੰਘ ਹੈਪੀ , ਸੋਨੂੰ ਅਤੇ ਰੋਹਿਤ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਰਾਤ ਸਮੇਂ ਆਪਣੀ ਆਲਟੋ ਗੱਡੀਆਂ ਘਰਾਂ ਦੇ ਨੇੜੇ ਖੜ੍ਹੀਆਂ ਕੀਤੀਆਂ ਗਈਆਂ ਸਨ ਅਤੇ ਜਦੋਂ ਸਵੇਰੇ ਗੱਡੀਆਂ ਚਾਲੂ ਨਾ ਹੋਣ ’ ਤੇ ਬੋਨਟ ਖੋਲ੍ਹ ਕੇ ਦੇਖਿਆ ਗਿਆ ਤਾਂ ਗੱਡੀਆਂ ’ ਚੋਂ ਬੈਟਰੀਆਂ ਗਾਇਬ ਸਨ । ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਅਣਪਛਾਤੇ ਵਿਅਕਤੀਆਂ ਨੇ ਰਾਤ ਦੇ ਸਮੇਂ ਗੱਡੀਆਂ ਦੇ ਬੋਨਟ ਖੋਲ੍ਹ ਕੇ ਬੈਟਰੀਆਂ ਕੱਢ ਲਈਆਂ ਸਨ । ਵਾਹਨ ਮਾਲਕਾਂ ਅਨੁਸਾਰ ਵਾਰਦਾਤ ਨੂੰ ਕਾਫ਼ੀ ਸਾਵਧਾਨੀ ਨਾਲ ਅੰਜਾਮ ਦਿੱਤਾ ਗਿਆ ਹੈ । ਉਨ੍ਹਾਂ ਨੂੰ ਸ਼ੱਕ ਹੈ ਕਿ ਚੋਰਾਂ ਨੇ ਪਹਿਲਾਂ ਇਲਾਕੇ ਦੀ ਨਿਗਰਾਨੀ ਕੀਤੀ ਹੋ ਸਕਦੀ ਹੈ , ਜਿਸ ਤੋਂ ਬਾਅਦ ਗੱਡੀਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ । ਇਕੋ ਰਾਤ ਚਾਰ ਵਾਹਨਾਂ ਦੀਆਂ ਬੈਟਰੀਆਂ ਚੋਰੀ ਹੋਣ ਨਾਲ ਇਲਾਕੇ ਦੇ ਲੋਕ ਆਪਣੇ ਵਾਹਨਾਂ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹਨ । ਇਲਾਕਾ ਵਾਸੀਆਂ ਨੇ ਕਿਹਾ ਕਿ ਡੇਰਾਬੱਸੀ ਅਤੇ ਨੇੜਲੇ ਇਲਾਕਿਆਂ ’ ਚ ਪਹਿਲਾਂ ਵੀ ਵਾਹਨਾਂ ਨਾਲ ਸੰਬੰਧਿਤ ਚੋਰੀ ਦੀਆਂ ਘਟਨਾਵਾਂ ਸਾਹਮਣੇ ਆ ਚੁੱਕੀਆਂ ਹਨ । ਉਨ੍ਹਾਂ ਪੁਲਿਸ ਪ੍ਰਸ਼ਾਸਨ ਤੋਂ ਰਾਤ ਸਮੇਂ ਪੁਲਿਸ ਗਸ਼ਤ ਵਧਾਉਣ ਅਤੇ ਸੰਵੇਦਨਸ਼ੀਲ ਇਲਾਕਿਆਂ ’ ਚ ਨਿਗਰਾਨੀ ਸਖ਼ਤ ਕਰਨ ਦੀ ਮੰਗ ਕੀਤੀ ਹੈ । ਵਾਹਨ ਮਾਲਕਾਂ ਹੈਪੀ , ਸੋਨੂੰ ਅਤੇ ਰੋਹਿਤ ਨੇ ਪੁਲਿਸ ਤੋਂ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰਕੇ ਚੋਰਾਂ ਦਾ ਪਤਾ ਲਗਾਉਣ ਅਤੇ ਚੋਰੀ ਕੀਤੀਆਂ ਬੈਟਰੀਆਂ ਬਰਾਮਦ ਕਰਵਾਉਣ ਦੀ ਮੰਗ ਕੀਤੀ ਹੈ ।

ਪਿਛਲੀ ਖ਼ਬਰ ਡੇਰਾਬੱਸੀ ਪੁਲਿਸ ਥਾਣੇ ਦੀ ਕੰਧ ਨਾਲ ਨੁਕਸਾਨਿਆ ਮੇਨਹੋਲ ਦੇ ਰਿਹਾ ਹਾਦਸਿਆਂ ਨੂੰ ਸੱਦਾ ਅਗਲੀ ਖ਼ਬਰ ਘਰਾਂ ’ਚ ਗੰਦੇ ਪਾਣੀ ਦੀ ਸਪਲਾਈ ਹੋਣ ਕਾਰਨ ਸਿਟੀ ਇਨਕਲੇਵ ਦੇ ਵਸਨੀਕ ਪ੍ਰੇਸ਼ਾਨ