ਚੰਡੀਗੜ੍ਹ, 9 ਅਪ੍ਰੈਲ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਨੇ ਬੀ.ਏ./ਬੀ.ਕਾਮ.ਐਲ.ਐਲ.ਬੀ. (ਆਨਰਜ਼) 5 ਸਾਲਾ ਇੰਟੀਗਰੇਟਡ ਕੋਰਸ ਐਂਟਰੈਂਸ ਟੈਸਟ ਲਈ ਰਜਿਸਟ੍ਰੇਸ਼ਨ ਦੀ ਆਖ਼ਰੀ ਮਿਤੀ ਵਿਚ ਵਾਧਾ ਕਰ ਦਿੱਤਾ ਹੈ | ਯੂਨੀਵਰਸਿਟੀ ਦੇ ਬੁਲਾਰੇ ਨੇ ਦੱਸਿਆ ਕਿ ਵਿਦਿਆਰਥੀ 16 ਅਪ੍ਰੈਲ 2026 ਤੱਕ ਆਨਲਾਈਨ ਮੋਡ ਰਾਹੀਂ ਫੀਸ ਜਮ੍ਹਾਂ ਕਰਵਾ ਸਕਦੇ ਹਨ ਅਤੇ ਵੈੱਬਸਾਈਟ 'ਤੇ ਫੋਟੋ, ਦਸਤਖਤ ਸਮੇਤ ਬਾਕੀ ਜਾਣਕਾਰੀ ਅਪਲੋਡ ਕਰ ਸਕਦੇ ਹਨ | ਦਾਖਲਾ ਪ੍ਰੀਖਿਆ ਦੀ ਮਿਤੀ ਪਹਿਲਾ ਵਾਲੀ 26 ਅਪ੍ਰੈਲ ਹੀ ਰਹੇਗੀ | ਬਾਕੀ ਵਿਸਤਿ੍ਤ ਸਮਾਂ-ਸਾਰਣੀ ਵੈੱਬਸਾਈਟ 'ਤੇ ਉਪਲਬਧ ਹੈ | ਸਾਰੇ ਇੱਛੁਕ ਉਮੀਦਵਾਰ ਹੋਰ ਪੁੱਛਗਿੱਛ ਅਤੇ ਰਜਿਸਟਰੇਸ਼ਨ ਲਈ ਵੈੱਬਸਾਈਟ 'ਤੇ ਜਾ ਸਕਦੇ ਹਨ |
