19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 03-02-2026

ਪੰਜਾਬ ਯੂਨੀਵਰਸਿਟੀ ਦੇ ਫ਼ਿਲਮ 'ਬਾਰਡਰ-2' ਦੇ ਅਦਾਕਾਰ ਤੇ ਪਹਿਲੇ ਦਸਤਾਰਧਾਰੀ ਸਿੱਖ ਮਾਡਲ ਨੂੰ ਕੀਤਾ ਸਨਮਾਨਿਤ

ਅਜੀਤ ਡੈਸਕ 03-02-2026
ਚੰਡੀਗੜ੍ਹ, 2 ਫਰਵਰੀ (ਮਾਰਕੰਡਾ)-ਯੂਨੀਵਰਸਿਟੀ ਇੰਸਟੀਚਿਊਟ ਆਫ਼ ਅਪਲਾਈਡ ਮੈਨੇਜਮੈਂਟ ਸਾਇੰਸਿਜ਼ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਨੇ ਆਪਣੇ ਸਾਬਕਾ ਵਿਦਿਆਰਥੀ ਤੇਜੇਸ਼ਵਰ ਸਿੰਘ (ਐੱਮ.ਬੀ.ਏ. ਬੈਂਕਿੰਗ ਅਤੇ ਬੀਮਾ 2011-13 ਬੈਚ) ਨੂੰ ਉਨ੍ਹਾਂ ਦੀਆਂ ਮਹੱਤਵਪੂਰਨ ਪ੍ਰਾਪਤੀਆਂ, ਭਾਰਤੀ ਫੈਸ਼ਨ ਉਦਯੋਗ ਵਿਚੋਂ ਪਹਿਲੇ ਸਿੱਖ ਮਾਡਲ ਅਤੇ 'ਬਾਰਡਰ-2' ਦੇ ਅਦਾਕਾਰ ਨੂੰ ਉਪ-ਕੁਲਪਤੀ ਪ੍ਰੋ.ਰੇਣੂ ਵਿਗ ਨੇ ਸਨਮਾਨਿਤ ਕੀਤਾ ਗਿਆ | ਦੱਸਣਯੋਗ ਹੈ ਕਿ ਇਸ ਸਾਬਕਾ ਵਿਦਿਆਰਥੀ ਨੂੰ ਰਸਮੀ ਤੌਰ 'ਤੇ ਪੰਜਾਬ ਯੂਨੀਵਰਸਿਟੀ ਦੀ ਉਪ ਕੁਲਪਤੀ ਪ੍ਰੋ. ਰੇਣੂ ਵਿਗ, ਡੀਨ ਆਫ਼ ਐਲੂਮਨੀ ਰਿਲੇਸ਼ਨਜ਼ ਪ੍ਰੋ. ਲਤਿਕਾ ਸ਼ਰਮਾ ਅਤੇ ਡਾਇਰੈਕਟਰ ਯੂ.ਆਈ.ਏ.ਐੱਮ.ਐੱਸ. ਪ੍ਰੋ. ਅਨੁਪ੍ਰੀਤ ਕੌਰ ਮਾਵੀ ਨੇ ਪੰਜਾਬ ਯੂਨੀਵਰਸਿਟੀ ਦੀ ਉਪ ਕੁਲਪਤੀ ਕਮੇਟੀ ਰੂਮ ਵਿਖੇ ਸਨਮਾਨਿਤ ਕੀਤਾ | ਇਸ ਮੌਕੇ ਪੰਜਾਬ ਯੂਨੀਵਰਸਿਟੀ ਕੈਂਪਸ ਸਟੂਡੈਂਟਸ ਕੌਂਸਲ ਦੇ ਪ੍ਰਧਾਨ ਗੌਰਵਵੀਰ ਸਿੰਘ ਸੋਹਲ ਵੀ ਸ਼ਾਮਲ ਹੋਏ | ਪ੍ਰੋ. ਅਨੁਪ੍ਰੀਤ ਕੌਰ ਮਾਵੀ ਨੇ ਸੰਖੇਪ ਸਵਾਗਤ ਭਾਸ਼ਣ ਵਿਚ ਸੰਸਥਾ ਦੇ ਰਾਜਦੂਤ ਵਜੋਂ ਸਾਬਕਾ ਵਿਦਿਆਰਥੀਆਂ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ ਅਤੇ ਤੇਜੇਸ਼ਵਰ ਸਿੰਘ ਦੀਆਂ ਪ੍ਰਾਪਤੀਆਂ 'ਤੇ ਮਾਣ ਪ੍ਰਗਟ ਕੀਤਾ | ਯੂ. ਆਈ. ਏ. ਐੱਮ. ਐੱਸ. ਤੋਂ ਐੱਮ. ਬੀ. ਏ. ਗ੍ਰੈਜੂਏਟ ਤੇਜੇਸ਼ਵਰ ਸਿੰਘ ਨੇ ਆਪਣੇ ਆਪ ਨੂੰ ਇਕ ਅਦਾਕਾਰ, ਮਾਡਲ ਤੇ ਕਲਾਕਾਰ ਵਜੋਂ ਸਥਾਪਿਤ ਕੀਤਾ | ਉਹ ਹਿੰਦੀ ਫ਼ਿਲਮ 'ਬਾਰਡਰ-2' ਵਿਚ ਨਜ਼ਰ ਆਏ ਹਨ | ਵਿਦਿਆਰਥੀਆਂ ਨਾਲ ਗੱਲਬਾਤ ਦੌਰਾਨ ਉਨ੍ਹਾਂ ਨੇ ਆਪਣੀ ਯਾਤਰਾ, ਚੁਣੌਤੀਆਂ ਅਤੇ ਲਗਨ ਬਾਰੇ ਜਾਣਕਾਰੀ ਸਾਂਝੀ ਕੀਤੀ | ਇਸ ਸਮਾਗਮ ਦਾ ਤਾਲਮੇਲ ਡਾ. ਅਮਨਦੀਪ ਸਿੰਘ ਮਰਵਾਹਾ ਤੇ ਡਾ. ਰਚਿਤਾ ਸੰਬਿਆਲ ਨੇ ਕੀਤਾ |
ਪਿਛਲੀ ਖ਼ਬਰ ਗੁਰੂ ਰਵਿਦਾਸ ਜੀ ਨੇ ਅਧਿਆਤਮਿਕ ਕ੍ਰਾਂਤੀ ਰਾਹੀਂ ਰੂੜ੍ਹੀਵਾਦ ਤੇ ਸਮਾਜਿਕ ਬੁਰਾਈਆਂ ਦਾ ਡਟ ਕੇ ਵਿਰੋਧ ਕੀਤਾ– ਸਾਧਵੀ ਸੰਯ... ਅਗਲੀ ਖ਼ਬਰ ਪੀ. ਜੀ. ਆਈ. ਦੇ ਨਵੀਨੀਕਰਨ ਕੀਤੇ ਡਾਕਘਰ ਦਾ ਡਾਇਰੈਕਟਰ ਪ੍ਰੋ. (ਡਾ.) ਵਿਵੇਕ ਲਾਲ ਨੇ ਕੀਤਾ ਉਦਘਾਟਨ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।