ਲੁਧਿਆਣਾ

ਪੀ . ਏ . ਯੂ . ’ ਚ ਵਸਤਰ ਡਿਜ਼ਾਇਨਿੰਗ ਬਾਰੇ ਵਿਸ਼ੇਸ਼ ਭਾਸ਼ਨ ਕਰਾਇਆ

ਲੁਧਿਆਣਾ, 5 ਅਕਤੂਬਰ (ਜਸਵਿੰਦਰ ਸਿੰਘ)-ਪੀ. ਏ.

ਅ

ਅਜੀਤ ਡੈਸਕ 06-10-2026

ਲੁਧਿਆਣਾ, 5 ਅਕਤੂਬਰ (ਜਸਵਿੰਦਰ ਸਿੰਘ)-ਪੀ. ਏ. ਯੂ. ਦੇ ਐਪਰਲ ਤੇ ਟੈਕਸਟਾਈਲ ਵਿਗਿਆਨ ਵਿਭਾਗ ਨੇ ਬੀਤੇ ਦਿਨੀਂ ਡਿਜ਼ਾਈਨਿੰਗ ਵਿਚ ਫੋਟੋਸ਼ਾਪ ਸੰਭਾਵਨਾਵਾਂ ਵਿਸ਼ੇ ‘ਤੇ ਜਾਣਕਾਰੀ ਭਰਪੂਰ ਭਾਸ਼ਨ ਕਰਵਾਇਆ। ਇਹ ਭਾਸ਼ਨ ਫੈਸ਼ਨ ਡਿਜ਼ਾਈਨਿੰਗ ਦੇ ਵਿਦਿਆਰਥੀਆਂ ਨੂੰ ਕੰਪਿਊਟਰ ਦੀ ਸਹਾਇਤਾ ਨਾਲ ਡਿਜ਼ਾਈਨ ਹੁਨਰਾਂ ਨੂੰ ਮਜ਼ਬੂਤ ਕਰਨ ਅਤੇ ਉਨ੍ਹਾਂ ਨੂੰ ਸਮਕਾਲੀ ਐਪਰਲ ਅਤੇ ਟੈਕਸਟਾਈਲ ਡਿਜ਼ਾਈਨ ਵਿਚ ਫੋਟੋਸ਼ਾਪ ਦੀ ਵਰਤੋਂ ਤੋਂ ਜਾਣੂ ਕਰਵਾਉਣ ਦੇ ਮੰਤਵ ਨਾਲ ਕਰਵਾਇਆ ਗਿਆ ਸੀ। ਉੱਘੇ ਫੈਸ਼ਨ ਡਿਜ਼ਾਈਨਰ ਦਰਪਨ ਪਾਹਵਾ ਇਸ ਭਾਸ਼ਨ ਦੇ ਵਕਤਾ ਵਜੋਂ ਮੌਜੂਦ ਰਹੇ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਫੋਟੋਸ਼ਾਪ ਦੀ ਵਰਤੋਂ ਕਰਦੇ ਹੋਏ ਟੈਕਸਟਾਈਲ ਬਣਤਰਾਂ, ਪੈਟਰਨਾਂ, ਰੰਗਾਂ ਤੇ ਹੋਰ ਡਿਜ਼ਾਈਨ ਹੁਨਰਾਂ ਨੂੰ ਵਿਕਸਤ ਕਰਨ ਲਈ ਕਈ ਤਰ੍ਹਾਂ ਦੀਆਂ ਸੰਭਾਵਨਾਵਾਂ ਅਤੇ ਵਿਹਾਰਕ ਤਕਨੀਕਾਂ ਤੋਂ ਜਾਣੂ ਕਰਵਾਇਆ। ਸੈਸ਼ਨ ਦੌਰਾਨ ਇਹ ਵੀ ਪ੍ਰਗਟਾਇਆ ਗਿਆ ਕਿ ਡਿਜੀਟਲ ਟੂਲ ਡਿਜ਼ਾਈਨਰਾਂ ਨੂੰ ਵਿਚਾਰਾਂ ਨੂੰ ਕਲਪਨਾ ਕਰਨ, ਕਈ ਨਵੇਂ ਪ੍ਰਯੋਗ ਕਰਨ ਅਤੇ ਫੈਸ਼ਨ ਅਤੇ ਟੈਕਸਟਾਈਲ ਖੇਤਰ ਵਿਚ ਪੇਸ਼ੇਵਰ ਸਾਮਾਨ ਤਿਆਰ ਕਰਨ ਵਿਚ ਮਦਦਗਾਰ ਹੋ ਸਕਦੇ ਹਨ। ਦਰਪਨ ਪਾਹਵਾ ਨੇ ਗ੍ਰਾਫਿਕ ਡਿਜ਼ਾਈਨ ਅਤੇ ਫੈਸ਼ਨ ਉਦਯੋਗਾਂ ਵਿਚ ਸਫਲਤਾ ਲਈ ਡਿਜ਼ਾਈਨ ਸਾਫਟਵੇਅਰ ਵਿਚ ਮੁਹਾਰਤ ਹਾਸਿਲ ਕਰਨ ਦੀ ਮਹੱਤਤਾ ‘ਤੇ ਵੀ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੇ ਯੁੱਗ ਵਿਚ ਵਿਦਿਆਰਥੀਆਂ ਨੂੰ ਲਗਾਤਾਰ ਆਪਣੇ ਡਿਜੀਟਲ ਹੁਨਰਾਂ ਨੂੰ ਅਪਗ੍ਰੇਡ ਕਰਨਾ ਚਾਹੀਦਾ ਹੈ ਅਤੇ ਤਕਨਾਲੋਜੀ ਦੀ ਵਰਤੋਂ ਨੂੰ ਜ਼ਿੰਮੇਵਾਰੀ ਨਾਲ ਕਰਨਾ ਸਿੱਖਣਾ ਚਾਹੀਦਾ ਹੈ। ਸੈਸ਼ਨ ਦਾ ਸੰਚਾਲਨ ਡਾ. ਰਾਜਿੰਦਰ ਕੌਰ ਦੁਆਰਾ ਕੀਤਾ ਗਿਆ ਸੀ।

ਪਿਛਲੀ ਖ਼ਬਰ ਐਨ . ਸੀ . ਸੀ . ਕੈਡਿਟਾਂ ਵਲੋਂ ‘ ਇਕ ਦਿਨ , ਇਕ ਘੰਟਾ , ਇਕ ਸਾਥ ’ ਸ਼੍ਰਮਦਾਨ ਮੁਹਿੰਮ ਤਹਿਤ ਪਿੰਡ ਦੇ ਆਲੇ - ਦੁਆਲੇ ਦੀ... ਅਗਲੀ ਖ਼ਬਰ ਘਰ ਬਣੇ ਟਿਊਸ਼ਨ ਸੈਂਟਰ, ਗਲੀਆਂ ਬਣੀਆਂ ਪਾਰਕਿੰਗ ਲੁਧਿਆਣਾ ’ਚ ਰਿਹਾਇਸ਼ੀ ਇਲਾਕਿਆਂ ਦਾ ਵਪਾਰੀਕਰਨ ਬੇਲਗਾਮ, ਸੜਕਾਂ ’ਤੇ ਦੋ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਪੀ . ਏ . ਯੂ . ’ ਚ ਵਸਤਰ ਡਿਜ਼ਾਇਨਿੰਗ ਬਾਰੇ ਵਿਸ਼ੇਸ਼ ਭਾਸ਼ਨ ਕਰਾਇਆ

Subscribers Only Story

ਸੰਬੰਧਿਤ ਖ਼ਬਰਾਂ