ਡੇਅਰੀ ਕਾਰੋਬਾਰ ਗੰਦਗੀ ਅਤੇ ਪ੍ਰਸ਼ਾਸਕੀ ਲਾਪਰਵਾਹੀ ਕਾਰਨ ਬੁਰੀ ਤਰ੍ਹਾਂ ਨਾਲ ਹੋ ਰਿਹਾ ਪ੍ਰਭਾਵਿਤ <br/>
ਅਜੀਤ ਡੈਸਕ
09-05-2026
ਏ 2 ਜ਼ੈਡ ਬਨਾਮ 'ਆਲ ਟੂ ਜ਼ੀਰੋ' ਹੋਣ ਕਰਕੇ ਗੰਦਗੀ ਆਉਣ ਲੱਗੀ ਸੜਕਾਂ 'ਤੇ-ਬੈਨੀਪਾਲ
ਡੇਅਰੀ ਕੰਪਲੈਕਸਾਂ ਦੀ ਮੌਜੂਦਾ ਹਾਲਤ ਸਿਰਫ਼ ਸਫ਼ਾਈ ਦੀ ਸਮੱਸਿਆ ਨਹੀਂ ਹੈ, ਇਹ ਇਕ ਵੱਡੀ ਵਾਤਾਵਰਨਿਕ, ਜਨ ਸਿਹਤ ਅਤੇ ਪ੍ਰਸ਼ਾਸਕੀ ਨਾਕਾਮੀ ਦੱਸਦੇ ਹੋਏ ਵਾਤਾਵਰਨ ਪ੍ਰੇਮੀ ਮਨਿੰਦਰਜੀਤ ਸਿੰਘ ਬੈਨੀਪਾਲ ਨੇ ਕਿਹਾ ਕਿ ਏ 2 ਜ਼ੈਡ ਬਨਾਮ 'ਆਲ ਟੂ ਜ਼ੀਰੋ' ਹੋਣ ਕਰਕੇ ਗੰਦਗੀ ਸੜਕਾਂ 'ਤੇ ਆਉਣ ਲੱਗੀ ਹੈ | ਉਨ੍ਹਾਂ ਕਿਹਾ ਕਿ ਜੇਕਰ ਤੁਰੰਤ ਸੁਧਾਰਾਤਮਕ ਕਦਮ ਨਾ ਚੁੱਕੇ ਗਏ ਤਾਂ ਬੁੱਢਾ ਦਰਿਆ, ਸਤਲੁਜ ਦਰਿਆ, ਭੂਮੀ ਹੇਠਲਾ ਪਾਣੀ, ਸੀਵਰੇਜ ਪ੍ਰਣਾਲੀ ਅਤੇ ਆਲੇ-ਦੁਆਲੇ ਦੇ ਰਿਹਾਇਸ਼ੀ ਖੇਤਰਾਂ 'ਤੇ ਪ੍ਰਦੂਸ਼ਣ ਦਾ ਬੋਝ ਹੋਰ ਵੀ ਖ਼ਤਰਨਾਕ ਢੰਗ ਨਾਲ ਵਧਦਾ ਰਹੇਗਾ | ਉਨ੍ਹਾਂ ਕਿਹਾ ਕਿ ਬੱਲੋਕੇ ਸੀਵਰੇਜ ਟਰੀਟਮੈਂਟ ਪਲਾਂਟ ਦੀ ਪ੍ਰਣਾਲੀ ਪ੍ਰਭਾਵਿਤ ਹੋ ਰਹੀ ਹੈ, ਕਿਉਂਕਿ ਇਹ ਪ੍ਰਣਾਲੀ ਕੱਚੇ ਡੇਅਰੀ ਗਾਰੇ ਅਤੇ ਠੋਸ ਕਚਰੇ ਨੂੰ ਸੰਭਾਲਣ ਲਈ ਬਣਾਈ ਹੀ ਨਹੀਂ ਗਈ ਸੀ | ਸੈਨਟਰੀ ਇੰਸਪੈਕਟਰਾਂ, ਐਸ.ਡੀ.ਓਜ ਅਤੇ ਸੰਬੰਧਿਤ ਅਧਿਕਾਰੀਆਂ ਨੂੰ ਆਪਣੇ ਖੇਤਰ ਦੀਆਂ ਨਾਕਾਮੀਆਂ ਲਈ ਸਿੱਧੇ ਤੌਰ 'ਤੇ ਜਵਾਬਦੇਹ ਬਣਾਇਆ ਜਾਵੇ | ਵਾਤਾਵਰਨ ਅਤੇ ਸੀਵਰੇਜ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਆਦਿ ਦੋਸ਼ੀਆਂ 'ਤੇ ਸਖ਼ਤ ਕਾਨੂੰਨੀ ਅਤੇ ਆਰਥਿਕ ਜੁਰਮਾਨੇ ਲਗਾਏ ਜਾਣ |
