ਇਨਰਵੀਲ ਕਲੱਬ ਤਰਨ ਤਾਰਨ ਦੇ ਕਾਰਜਕਾਰਨੀ ਮੈਂਬਰਾਂ ਦੀ ਚੋਣ

 ਤਰਨ ਤਾਰਨ, 13 ਜੁਲਾਈ (ਇਕਬਾਲ ਸਿੰਘ ਸੋਢੀ)– ਇਨਰਵੀਲ ਕਲੱਬ ਤਰਨ ਤਾਰਨ ਦੀ ਜਨਰਲ ਬਾਡੀ ਮੀਟਿੰਗ ਸਾਲ 26-27 ਲਈ ਕਾਰਜਕਾਰਨੀ ਮੈਂਬਰਾਂ ਦੀ ਚੋਣ ਕੀਤੀ ਗਈ । ਕਲੱਬ ਦੇ ਸਾਬਕਾ ਪ੍ਰਧਾਨ ਡਾ. ਸੁਖਬੀਰ ਕੌਰ ਨੇ ਕਲੱਬ ਦੇ ਸਮੂਹ ਮੈਂਬਰਾਂ ਦਾ ਉਨ੍ਹਾਂ ਨੂੰ ਸੌਂਪੇ ਗਏ ਕਾਰਜ ਨੂੰ ਨੇਪਰੇ ਚਾੜ੍ਹਨ ਲਈ ਦਿੱਤੇ ਸਹਿਯੋਗ ਲਈ ਧੰਨਵਾਦ ਕੀਤਾ ਅਤੇ ਉਨ੍ਹਾਂ ਨੂੰ ਪਿਆਰ ਅਤੇ ਸ਼ੁਭਕਾਮਨਾਵਾਂ ਭੇਟ ਕੀਤੀਆਂ । ਨਵੀਂ ਟੀਮ ਦੀ ਸਥਾਪਨਾ ਡਾ. ਰਮਨ ਦੁਆ ਨੂੰ ਨਵੇਂ ਪ੍ਰਧਾਨ, ਡੀ.ਕੇ. ਮਾਹੀਆ ਨੂੰ ਸਕੱਤਰ, ਡਾ. ਮੋਨਿਕਾ ਗੁਪਤਾ ਨੂੰ ਆਈ.ਐਸ.ਓ., ਪੁਸ਼ਪਿੰਦਰ ਸਡਾਨਾ ਨੂੰ ਖਜ਼ਾਨਚੀ ਅਤੇ ਪੁਸ਼ਪਿੰਦਰ ਲਹਿਰੀ ਸੰਪਾਦਕ ਚੁਣੇ ਗਏ । ਇਸ ਮੌਕੇ ਬੋਲਦਿਆਂ ਨਵ ਨਿਯੁਕਤ ਪ੍ਰਧਾਨ ਡਾ. ਰਮਨ ਦੁਆ ਨੇ ਆਪਣੇ ਵਿਚਾਰ ਪ੍ਰਗਟ ਕੀਤੇ ਅਤੇ ਆਪਣੀ ਨਵੀਂ ਟੀਮ ਅਤੇ ਕਲੱਬ ਦੇ ਮੈਂਬਰਾਂ ਦੇ ਨਾਲ ਕਮਿਊਨਿਟੀ ਆਊਟਰੀਚ ਪ੍ਰੋਗਰਾਮਾਂ ’ਤੇ ਧਿਆਨ ਕੇਂਦ੍ਰਤ ਕਰਦੇ ਹੋਏ ਇਕ ਬਿਹਤਰ ਸੰਸਾਰ ਲਈ ਕੰਮ ਕਰਨ ਦਾ ਵਾਅਦਾ ਕੀਤਾ । ਇਸ ਮੌਕੇ ਡਾ. ਬਲਜੀਤ ਕੌਰ, ਸੰਧਿਆ ਸੂਦ, ਹਰਜੀਤ ਚਾਵਲਾ, ਡਾ. ਹਰਸਿਮਰਨ, ਡਾ. ਮਾਨਵ, ਨਰਿੰਦਰ ਕੌਰ, ਗੁਰਮੀਤ ਕੌਰ, ਸ਼੍ਰੀਮਤੀ ਪੰਨੂੰ, ਮੈਡਮ ਅਤੇ ਕਲੱਬ ਦੇ ਹੋਰ ਮੈਂਬਰ ਵੀ ਹਾਜ਼ਰ ਸਨ ।