ਅੰਮ੍ਰਿਤਸਰ

ਡੀ. ਓ. ਏ. ਤੇ ਸੀ. ਐੱਨ. ਆਈ, ਨੇ ਪਾਮ ਸੰਡੇ ਮੌਕੇ ਸ਼ਾਂਤੀ ਮਾਰਚ ਕੱਢਿਆ <br/>

ਡੀ. ਓ. ਏ., ਸੀ. ਐਨ. ਆਈ. ਵਲੋਂ ਪਾਮ ਸੰਡੇ ਮੌਕੇ ਕੱਢੇ ਸ਼ਾਂਤੀ ਮਾਰਚ ਦੀ ਅਗਵਾਈ ਕਰਦੇ ਹੋਏ ਬਿਸ਼ਪ ਦ ਰਾਈਟ ਰੈਵਰੇਂਡ ਮਨੋਜ ਚਰਨ ਤੇ ਹੋਰ ਅਤੇ ਮਾਰਚ 'ਚ ਸ਼ਾਮਲ ਈਸਾਈ ਭਾਈਚਾਰੇ ਦੇ ਲੋਕ | ਅਜੀਤ ਤਸਵੀਰਾਂ <br/> 30-03-2026

ਅੰਮਿ੍ਤਸਰ, 29 ਮਾਰਚ (ਰਾਜੇਸ਼ ਕੁਮਾਰ ਸ਼ਰਮਾ)-ਪੱਛਮੀ ਏਸ਼ੀਆ 'ਚ ਚੱਲ ਰਹੇ ਸੰਕਟ ਦੇ ਵਿਚਕਾਰ, ਅੰਮਿ੍ਤਸਰ ਦੇ ਈਸਾਈ ਭਾਈਚਾਰੇ ਨੇ ਡਾਇਓਸਿਸ ਆਫ਼ ਅੰਮਿ੍ਤਸਰ (ਡੀਓਏ), ਚਰਚ ਆਫ਼ ਨੌਰਥ ਇੰਡੀਆ (ਸੀਐੱਨਆਈ) ਦੀ ਸਰਪ੍ਰਸਤੀ ਹੇਠ ਇੱਕਜੁੱਟ ਹੋ ਕੇ ਪਾਮ ਸੰਡੇ ਮੌਕੇ ਸ਼ਾਂਤੀ ਦਿਵਸ ਮਨਾਉਂਦੇ ਹੋਏ ਇਕ ਸ਼ਾਂਤੀ ਮਾਰਚ ਕੱਢਿਆ | ਇਸ ਮਾਰਚ ਦਾ ਉਦੇਸ਼ ਵੱਖ-ਵੱਖ ਪਿਛੋਕੜਾਂ ਦੇ ਲੋਕਾਂ ਨੂੰ ਮੁਸੀਬਤਾਂ ਦੇ ਵੇਲੇ ਸਦਭਾਵਨਾ ਅਤੇ ਸਮਝ ਨੂੰ ਉਤਸ਼ਾਹਿਤ ਕਰਨ ਦੀ ਸਾਂਝੀ ਵਚਨਬੱਧਤਾ ਦੇ ਤਹਿਤ ਇਕੱਠੇ ਕਰਕੇ ਸ਼ਾਂਤੀ ਅਤੇ ਉਮੀਦ ਦਾ ਸੰਦੇਸ਼ ਫ਼ੈਲਾਉਣਾ ਸੀ | ਇਹ ਮਾਰਚ ਕੋਰਟ ਰੋਡ ਸਥਿਤ ਸੇਂਟ ਪੌਲ ਚਰਚ ਤੋਂ ਸ਼ੁਰੂ ਹੋਇਆ ਅਤੇ ਕ੍ਰਾਈਸਟ ਚਰਚ ਕੈਥੇਡਰਲ ਤੋਂ ਹੋ ਕੇ ਵਾਪਸ ਸੇਂਟ ਪੌਲ ਚਰਚ ਆ ਕੇ ਸਮਾਪਤ ਹੋਇਆ | ਡਾਇਓਸਿਸ ਦੇ ਵੱਖ-ਵੱਖ ਗਿਰਜਾਘਰਾਂ 'ਚ ਵਿਸ਼ੇਸ਼ ਪ੍ਰਾਰਥਨਾ ਸਭਾਵਾਂ ਵੀ ਆਯੋਜਿਤ ਕੀਤੀਆਂ ਗਈਆਂ | ਇਸ ਮੌਕੇ ਦ ਰਾਈਟ ਰੈਵਰੇਂਡ ਮਨੋਜ ਚਰਨ, ਬਿਸ਼ਪ ਡੀ. ਓ. ਏ., ਸੀ. ਐੱਨ. ਆਈ. ਨੇ ਵਿਸ਼ਵ ਸ਼ਾਂਤੀ ਦੀ ਜ਼ਰੂਰਤ 'ਤੇ ਜ਼ੋਰ ਦਿੰਦੇ ਹੋਏ ਕਿਹਾ ਕਿ ਇਸ ਸੰਸਾਰ 'ਚ ਜੋ ਟਕਰਾਵਾਂ ਅਤੇ ਅਨਿਸ਼ਚਿਤਤਾਵਾਂ ਨਾਲ ਭਰਿਆ ਹੋਇਆ ਹੈ, ਸਾਨੂੰ ਸ਼ਾਂਤੀ ਲਈ ਯਤਨ ਕਰਨੇ ਚਾਹੀਦੇ ਹਨ, ਜਿਵੇਂ ਕਿ ਯਿਸੂ ਮਸੀਹ ਨੇ ਸਾਨੂੰ ਸਿਖਾਇਆ ਹੈ | ਸ਼ਾਂਤੀ ਦੇ ਦੂਤ ਹੋਣ ਦੇ ਨਾਤੇ, ਸਾਨੂੰ ਪਰਮ ਪਿਤਾ ਦੇ ਬੱਚੇ ਹੋਣ ਲਈ ਬੁਲਾਇਆ ਗਿਆ ਹੈ, ਤਾਂ ਜੋ ਭਰਾਤਰੀ, ਪ੍ਰੇਮ, ਸਦਭਾਵਨਾ ਅਤੇ ਆਪਸੀ ਸਮਝ ਫੈਲਾਈ ਜਾ ਸਕੇ | ਅੰਮਿ੍ਤਸਰ ਡਾਇਓਸਿਸਨ ਟਰੱਸਟ ਐਸੋਸੀਏਸ਼ਨ ਦੇ ਸਕੱਤਰ ਡੈਨੀਅਲ ਬੀ. ਦਾਸ ਨੇ ਡਾਇਓਸਿਸ ਦੇ ਸ਼ਾਂਤੀ ਨੂੰ ਉਤਸ਼ਾਹਿਤ ਕਰਨ ਦੇ ਯਤਨਾਂ 'ਤੇ ਚਾਨਣਾ ਪਾਉਂਦੇ ਹੋਏ ਕਿਹਾ ਕਿ ਡਾਇਓਸਿਸ ਦੀਆਂ ਭਲਾਈ ਪਹਿਲਕਦਮੀਆਂ, ਜਿਨ੍ਹਾਂ 'ਚ ਸਮਾਜਿਕ-ਆਰਥਿਕ ਵਿਕਾਸ ਪ੍ਰੋਗਰਾਮ ਅਤੇ ਹੋਰ ਪ੍ਰੋਜੈਕਟ ਸ਼ਾਮਲ ਹਨ, ਲੋਕਾਂ ਦੀ ਭਲਾਈ ਲਈ ਸਮਰਪਿਤ ਹਨ | ਇਸ ਪਾਮ ਸੰਡੇ ਸ਼ਾਂਤੀ ਮਾਰਚ 'ਚ ਪਾਦਰੀ ਸਾਹਿਬਾਨ ਤੋਂ ਇਲਾਵਾ ਡਾਇਓਸਿਸਨ ਦਫ਼ਤਰ ਦੇ ਅਧਿਕਾਰੀ, ਡਾਇਓਸਿਸਨ ਕਾਰਜਕਾਰੀ ਕਮੇਟੀ ਦੇ ਮੈਂਬਰ ਅਤੇ ਹਿਮਾਚਲ ਪ੍ਰਦੇਸ਼ ਤੇ ਜੰਮੂ-ਕਸ਼ਮੀਰ ਦੇ ਪ੍ਰਤੀਨਿਧੀਆਂ ਨੇ ਵੀ ਹਿੱਸਾ ਲਿਆ |

ਪਿਛਲੀ ਖ਼ਬਰ ਡੀ. ਓ. ਏ. ਤੇ ਸੀ. ਐੱਨ. ਆਈ, ਨੇ ਪਾਮ ਸੰਡੇ ਮੌਕੇ ਸ਼ਾਂਤੀ ਮਾਰਚ ਕੱਢਿਆ <br/> ਅਗਲੀ ਖ਼ਬਰ ਸ਼ਹੀਦ ਬਾਬਾ ਪ੍ਰਤਾਪ ਸਿੰਘ ਮੈਮੋਰੀਅਲ ਸੀ. ਸੈ. ਸਕੂਲ ਵਿਖੇ ਵਿਦਿਆਰਥੀਆਂ ਨੂੰ ਕੀਤਾ ਸਨਮਾਨਿਤ <br/>