ਸਾਈਂ ਲਾਡੀ ਸ਼ਾਹ ਜੀ ਦੇ ਜਨਮ ਦਿਨ ਮੌਕੇ ਧਾਰਮਿਕ ਸਮਾਗਮ ਸੰਪੰਨ

ਅ

ਅਜੀਤ ਡੈਸਕ 29-09-2026

ਤਾਰਾਗੜ੍ਹ, 28 ਸਤੰਬਰ (ਸੋਹਨ ਲਾਲ)-ਸਾਈਂ ਲਾਡੀ ਸ਼ਾਹ ਜੀ ਦੇ ਜਨਮ ਦਿਹਾੜੇ ’ਤੇ 26 ਸਤੰਬਰ ਦੀ ਰਾਤ ਦਰਬਾਰ ਬਾਬਾ ਮੇਹਰ ਸ਼ਾਹ ਜੀ ਪਿੰਡ ਰਤਨਗੜ੍ਹ ਵਿਖੇ ਧਾਰਮਿਕ ਸਮਾਗਮ ਉਤਸ਼ਾਹ ਨਾਲ ਕਰਵਾਇਆ ਗਿਆ । ਇਸ ਸਮਾਗਮ ਦਾ ਆਯੋਜਨ ਅਨਿਲ ਰਤਨਗੜ੍ਹੀਆ ਅਤੇ ਸ਼ਾਲੂ ਰਤਨਗੜ੍ਹੀਆ ਵਲੋਂ ਕੀਤਾ ਗਿਆ । ਸਮਾਗਮ ’ਚ ਵੱਡੀ ਗਿਣਤੀ ਵਿਚ ਸ਼ਰਧਾਲੂਆਂ ਨੇ ਸ਼ਿਰਕਤ ਕੀਤੀ ਅਤੇ ਭਗਤੀ ਦੇ ਰੰਗ ਵਿਚ ਰੰਗੇ ਨਜ਼ਰ ਆਏ । ਸਮਾਗਮ ਦੌਰਾਨ ਪ੍ਰਸਿੱਧ ਕਲਾਕਾਰਾਂ ਅਤੇ ਕੱਵਾਲਾਂ ਨੇ ਆਪਣੀਆਂ ਸ਼ਾਨਦਾਰ ਪੇਸ਼ਕਾਰੀਆਂ ਰਾਹੀਂ ਸ਼ਰਧਾਲੂਆਂ ਨੂੰ ਮੰਤਰ ਮੁਗਧ ਕਰ ਦਿੱਤਾ । ਮੁਮਤਾਜ ਹੰਸ, ਸਨੀ ਸਿੰਘ, ਸੰਦੀਪ ਕੱਵਾਲ, ਸੰਨੀ ਹਦਰੀ ਕੱਵਾਲ ਅਤੇ ਕਰਮਜੀਤ ਮਾਨ ਨੇ ਆਪਣੀਆਂ ਸ਼ਾਨਦਾਰ ਪੇਸ਼ਕਾਰੀਆਂ ਦਿੱਤੀਆਂ । ਸਮਾਗਮ ਦਾ ਸਫਲ ਸੰਚਾਲਨ ਐਂਕਰ ਰਾਜ ਕੁਮਾਰ ਵਲੋਂ ਕੀਤਾ ਗਿਆ । ਪੂਰੇ ਸਮਾਗਮ ਦੌਰਾਨ ਭਜਨਾਂ ਅਤੇ ਕੱਵਾਲੀਆਂ ਨਾਲ ਮਾਹੌਲ ਭਗਤੀਮਈ ਬਣਿਆ ਰਿਹਾ । ਸ਼ਰਧਾਲੂਆਂ ਨੇ ਕਲਾਕਾਰਾਂ ਦੀਆਂ ਪੇਸ਼ਕਾਰੀਆਂ ਦਾ ਭਰਪੂਰ ਆਨੰਦ ਮਾਣਿਆ ਅਤੇ ਸਾਈਂ ਲਾਡੀ ਸ਼ਾਹ ਜੀ ਦੇ ਚਰਨਾਂ ਵਿਚ ਸ਼ਰਧਾ ਦੇ ਫੁੱਲ ਅਰਪਿਤ ਕੀਤੇ । ਆਯੋਜਕ ਅਨਿਲ ਰਤਨਗੜ੍ਹੀਆ ਅਤੇ ਸ਼ਾਲੂ ਰਤਨਗੜ੍ਹੀਆ ਨੇ ਸਮਾਗਮ ਵਿਚ ਪਹੁੰਚ ਕੇ ਇਸ ਨੂੰ ਸਫਲ ਬਣਾਉਣ ਵਾਲੇ ਸਾਰੇ ਸ਼ਰਧਾਲੂਆਂ, ਕਲਾਕਾਰਾਂ, ਸੇਵਾਦਾਰਾਂ ਅਤੇ ਸਹਿਯੋਗੀਆਂ ਦਾ ਦਿਲੋਂ ਧੰਨਵਾਦ ਕੀਤਾ ।

ਪਿਛਲੀ ਖ਼ਬਰ ਆਰਥਿਕ ਤੰਗੀ ਦਰਮਿਆਨ ਪਲਕ ਦੀ ਪੜ੍ਹਾਈ ਦਾ ਸਹਾਰਾ ਬਣੇ ਸਾਬਕਾ ਵਿਧਾਇਕ ਜੋਗਿੰਦਰ ਪਾਲ ਅਗਲੀ ਖ਼ਬਰ ਐਡਵੋਕੇਟ ਰਣਜੀਤ ਸਿੰਘ ਨੂੰ ਪਾਰਟੀ ਨੇ ਸੌਂਪੀ ਵੱਡੀ ਜ਼ਿੰਮੇਵਾਰੀ