ਡੇਅਰੀਵਾਲ ਤੇ ਮਾਨੇਪੁਰ ਦੇ ਕਿਸਾਨਾਂ ਦੀ ਨੁਕਸਾਨੀ ਫ਼ਸਲ ਦੀ 100 ਫ਼ੀਸਦੀ ਭਰਪਾਈ ਤੇ ਸੱਕੀ ਨਾਲੇ ਦੀ ਤੁਰੰਤ ਸਫ਼ਾਈ ਦੀ ਮੰਗ

ਕਲਾਨੌਰ, 3 ਅਗਸਤ (ਪੁਰੇਵਾਲ)-ਬੀਤੇ ਦਿਨ ਹੋਈਆਂ ਬਰਸਾਤਾਂ ਤੋਂ ਬਾਅਦ ਇਸ ਖੇਤਰ ’ਚੋਂ ਗੁਜਰਦੇ ਕਿਰਨ ਨਾਲਾ ਸੱਕੀ ’ਚ ਆਏ ਹੜ੍ਹ ਰੂਪੀ ਪਾਣੀ ਨਾਲ ਨੇੜਲੇ ਪਿੰਡਾਂ ’ਚ ਕਿਸਾਨਾਂ ਦੀਆਂ ਪ੍ਰਭਾਵਿਤ ਹੋਈਆਂ ਫਸਲਾਂ ਦੀ 100 ਫ਼ੀਸਦੀ ਭਰਪਾਈ ਤੇ ਕਿਰਨ ਨਾਲੇ ਸੱਕੀ ਦੀ ਸਫਾਈ ਨਾ ਹੋਣ ਦੇ ਮਾਮਲੇ ਨੂੰ ਲੈ ਕੇ ਕਿਸਾਨ ਤੇ ਜਵਾਨ ਭਲਾਈ ਯੂਨੀਅਨ ਪੰਜਾਬ ਦੇ ਸੂਬਾ ਪ੍ਰਧਾਨ ਸੁਖਦੇਵ ਸਿੰਘ ਭੋਜਰਾਜ ਦੀ ਅਗਵਾਈ ਹੇਠ ਸਬ ਡਵੀਜ਼ਨ ਮੈਜਿਸਟਰੇਟ ਕਲਾਨੌਰ ਲਛਮਣ ਸਿੰਘ ਰੰਧਾਵਾ ਨੂੰ ਮੰਗ ਪੱਤਰ ਦਿੱਤਾ ਗਿਆ। ਇਸ ਮੌਕੇ ਨਾਇਬ ਤਹਿਸੀਲਦਾਰ ਮਨਮੋਹਨ ਸਿੰਘ ਵੀ ਹਾਜ਼ਰ ਸਨ।