ਬਹਿਰਾਮਪੁਰ, 17 ਜੁਲਾਈ (ਪ੍ਰੋ: ਬਲਬੀਰ ਸਿੰਘ ਕੋਲਾ)-ਗ੍ਰਾਮ ਸੁਧਾਰ ਸਭਾ ਬਹਿਰਾਮਪੁਰ ਦੇ ਵਫ਼ਦ ਵਲੋਂ ਪ੍ਰਧਾਨ ਵਿਜੇ ਸਿੰਘ ਸਲਾਰੀਆ ਦੀ ਅਗਵਾਈ ’ਚ ਕਸਬਾ ਬਹਿਰਾਮਪੁਰ ਦੀਆਂ ਸਮੱਸਿਆਵਾਂ ਦੇ ਸਬੰਧ ’ਚ ਹਲਕਾ ਇੰਚਾਰਜ ਸ਼ਮਸ਼ੇਰ ਸਿੰਘ ਨੂੰ ਮੰਗ ਪੱਤਰ ਦਿੱਤਾ ਗਿਆ। ਜਾਣਕਾਰੀ ਦਿੰਦਿਆਂ ਪ੍ਰਧਾਨ ਵਿਜੇ ਸਿੰਘ ਸਲਾਰੀਆ ਨੇ ਦੱਸਿਆ ਕਿ ਬਾਬਾ ਲੁੱਡਣ ਸ਼ਾਹ ਤੋਂ ਗਾਹਲੜੀ ਰੋਡ ਤੱਕ ਸੰਪਰਕ ਸੜਾ ਦੀ ਖਸਤਾ ਹਾਲ, ਰਾਮਪੁਰ ਰੋਡ ਤੇ ਖਸਤਾ ਹਾਲਤ ਪੁਲ, ਬੱਸ ਸਟੈਂਡ ਦਾ ਨਿਰਮਾਣ, ਕੂੜਾ ਡੰਪ ਦੀ ਸਮੱਸਿਆ, ਪ੍ਰਾਇਮਰੀ ਹੈਲਥ ਸੈਂਟਰ ਕਮਿਊਨਿਟੀ ਹੈਲਥ ਸੈਂਟਰ ’ਚ ਤਬਦੀਲ ਕਰਨ, ਬਾਥਰੂਮ ਦੀ ਘਾਟ, ਗੁਰਦਾਸਪੁਰ ਰੋਡ ਦੇ ਦੋਵੇਂ ਪਾਸੇ ਪੱਕਾ ਨਾਲੇ ਬਣਾਉਣ, ਵਿਦਿਆਰਥੀਆਂ ਲਈ ਲਾਇਬ੍ਰੇਰੀ, ਪਿਛਲੇ ਸਾਲ ਹੜ੍ਹਾਂ ਕਾਰਨ ਹੋਏ ਨੁਕਸਾਨ ਦੇ ਮੁਆਵਜ਼ੇ ਦਾ ਨਾ ਮਿਲਣਾ ਆਦਿ ਸਮੱਸਿਆਵਾਂ ਦੇ ਹੱਲ ਲਈ ਹਲਕਾ ਇੰਚਾਰਜ ਸ਼ਮਸ਼ੇਰ ਸਿੰਘ ਨੂੰ ਉਨ੍ਹਾਂ ਦੇ ਦਫਤਰ ਪਹੁੰਚ ਕੇ ਮੰਗ ਪੱਤਰ ਦਿੱਤਾ ਗਿਆ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਵੀ ਇਨ੍ਹਾਂ ਸਮੱਸਿਆਵਾਂ ਦੇ ਹੱਲ ਲਈ ਬੜੇ ਯਤਨ ਕੀਤੇ ਗਏ ਹਨ। ਪਰ ਇਨ੍ਹਾਂ ਸਮੱਸਿਆਵਾਂ ਦਾ ਅਜੇ ਤੱਕ ਕੋਈ ਹੱਲ ਨਹੀਂ ਹੋਇਆ। ਇਸ ਮੌਕੇ ਸਮਾਜ ਸੇਵੀ ਰਜਿੰਦਰ ਸਿੰਘ ਪੱਪੀ, ਸਮਾਜ ਸੇਵਕ ਅਸ਼ੋਕ ਮਹਾਜਨ, ਠਾਕੁਰ ਪ੍ਰਭਾਤ ਸਿੰਘ, ਸੇਵਾ ਮੁਕਤ ਲੈਕਚਰਾਰ ਸਰਵਨ ਸਿੰਘ, ਅਮਰਜੀਤ ਸਿੰਘ, ਸੁਨੀਲ ਵਰਮਾ, ਵਿਜੇ ਵਰਮਾ, ਬਲਵੰਤ ਰਾਏ, ਚੰਦਰ ਸ਼ੇਖਰ, ਗੁਰਨਾਮ ਸਿੰਘ, ਸੱਤਪਾਲ ਸਿੰਘ ਸਾਬਕਾ ਮੈਂਬਰ ਪੰਚਾਇਤ, ਚਰਨਜੀਤ ਹੀਰਾ ਅਤੇ ਹੋਰ ਹਾਜ਼ਰ ਸਨ।
