ਗੁਰਦਾਸਪੁਰ, 29 ਮਾਰਚ (ਅਸ਼ੋਕ ਸ਼ਰਮਾ)-ਗੁਪਤ ਵਿਭਾਗ ਦੇ ਪੇਂਡੂ ਤੇ ਸ਼ਹਿਰੀ ਸੇਵਾ ਮੁਕਤ ਮੁਲਾਜ਼ਮਾਂ ਦੀ ਹੰਗਾਮੀ ਮੀਟਿੰਗ ਸੇਵਾ ਮੁਕਤ ਇੰਸਪੈਕਟਰ ਰਾਜ ਕੁਮਾਰ ਦੀ ਪ੍ਰਧਾਨਗੀ ਹੇਠ ਹੋਈ | ਇਸ ਮੌਕੇ ਮੁਲਾਜ਼ਮਾਂ ਨੇ ਸਰਵਸੰਮਤੀ ਨਾਲ ਸੇਵਾ ਮੁਕਤ ਮੁਲਾਜ਼ਮਾਂ ਦੀਆਂ ਮੁਸ਼ਕਿਲਾਂ ਤੇ ਰੁਕੇ ਭੱਤਿਆਂ ਸਬੰਧੀ ਨਵੀਂ ਯੂਨੀਅਨ ਬਣਾਉਣ ਦਾ ਫ਼ੈਸਲਾ ਕੀਤਾ | ਮੁਲਾਜ਼ਮਾਂ ਦੱਸਿਆ ਕਿ 16 ਫ਼ੀਸਦੀ ਡੀ.ਏ, ਪਿਛਲਾ ਬਕਾਇਆ ਤੇ ਮੈਡੀਕਲ ਭੱਤਾ ਵਧਾਉਣ ਦੇ ਨਾਲ ਨਾਲ ਕਈ ਅਹਿਮ ਮੁੱਦਿਆਂ 'ਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ ਹੈ | ਉਨ੍ਹਾਂ ਮੰਗਾਂ ਸਬੰਧੀ ਪੰਜਾਬ ਦੇ ਗੁਪਤ ਵਿਭਾਗ ਦੇ ਅਧਿਕਾਰੀਆਂ ਨਾਲ ਤਾਲਮੇਲ ਕਰਨ ਦਾ ਸੁਝਾਅ ਦਿੱਤਾ | ਜ਼ਿਕਰਯੋਗ ਹੈ ਕਿ ਜਥੇਬੰਦੀ ਦੀ ਚੋਣ 10 ਅਪ੍ਰੈਲ ਨੰੂ ਗੁਰਦਾਸਪੁਰ ਵਿਖੇ ਹੋਵੇਗੀ | ਇਸ ਮੌਕੇ ਸੇਵਾ ਮੁਕਤ ਇੰਸ: ਮਨਮੋਹਨ ਸਿੰਘ ਭੈਣੀ ਪਸਵਾਲ, ਇੰਸ: ਸੁਖਵਿੰਦਰ ਸਿੰਘ, ਇੰਸ: ਬਿਕਰਮਜੀਤ ਸਿੰਘ, ਰਣਜੀਤ ਸਿੰਘ, ਅਸ਼ੋਕ ਕੁਮਾਰ, ਕੁਲਵੰਤ ਸਿੰਘ, ਇੰਸ: ਸਤਨਾਮ ਸਿੰਘ, ਏ.ਐਸ.ਆਈ ਸਤਪਾਲ ਤੋਂ ਇਲਾਵਾ ਹੋਰ ਸੇਵਾ ਮੁਕਤ ਮੁਲਾਜ਼ਮ ਹਾਜ਼ਰ ਸਨ |
