ਬਾਬੂ ਕਬੀਰ ਦਾਸ ਦੀ ਅਗਵਾਈ ’ਚ ਹਲਕਾ ਸ਼ੁਤਰਾਣਾ ’ਚ ਅਕਾਲੀ ਦਲ ਪੂਰੀ ਤਰ੍ਹਾਂ ਮਜਬੂਤ-ਵਿਸ਼ਾਲ ਗੋਇਲ

ਪਾਤੜਾਂ, 5 ਸਤੰਬਰ (ਜਗਦੀਸ਼ ਸਿੰਘ ਕੰਬੋਜ)-ਅਕਾਲੀ ਦਲ ਦੇ ਪਾਤੜਾਂ ਸ਼ਹਿਰੀ ਪ੍ਰਧਾਨ ਵਿਸ਼ਾਲ ਗੋਇਲ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਬਾਬੂ ਕਬੀਰ ਦਾਸ ਦੀ ਅਗਵਾਈ ’ਚ ਅਕਾਲੀ ਦਲ ਦੇ ਸਾਰੇ ਆਗੂਆਂ ਤੇ ਵਰਕਰਾਂ ਵੱਲੋਂ ਪਾਰਟੀ ਲਈ ਕੰਮ ਕੀਤਾ ਜਾ ਰਿਹਾ ਹੈ ਜਿਸ ਦੀ ਬਦੌਲਤ ਹਲਕਾ ਸ਼ੁਤਰਾਣਾ ਵਿਚ ਅਕਾਲੀ ਦਲ ਬਹੁਤ ਮਜਬੂਤ ਹੋ ਚੁੱਕਾ ਹੈ ਅਤੇ ਸਾਰੀਆਂ ਪਾਰਟੀਆਂ ਨੂੰ ਇਸ ਹਲਕੇ ‘ਚ ਪੂਰੀ ਟੱਕਰ ਦਿੱਤੀ ਜਾਵੇਗੀ। ਗੋਇਲ ਨੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਧਿਆਂਨ ਵਿਚ ਲਿਆ ਕੇ ਹਲਕਾ ਸ਼ੁਤਰਾਣਾਂ ਦੇ ਹੜ੍ਹ ਪ੍ਰਭਾਵਿਤ ਖੇਤਰ ਦਾ ਦੌਰਾ ਉਨ੍ਹਾਂ ਦਾ ਕਰਵਾਇਆ ਗਿਆ ਅਤੇ ਇਸ ਦੌਰੇ ਦੌਰਾਨ ਸੁਖਬੀਰ ਸਿੰਘ ਬਾਦਲ ਵੱਲੋਂ ਹਜਾਰਾਂ ਲੀਟਰ ਡੀਜਲ ਤੇਲ ਅਤੇ ਲੱਖਾਂ ਰੁਪਏ ਦੀ ਨਗਦ ਕਿਸਾਨਾਂ ਨੂੰ ਖਸਤਾ ਹਾਲਤ ਘੱਗਰ ਦਰਿਆ ਦੇ ਬੰਨ੍ਹਾ ਨੂੰ ਮਜਬੂਤ ਕਰਨ ਲਈ ਜਿੱਥੇ ਦਿੱਤੇ ਗਏ ਉੱਥੇ ਹੀ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਨੰਆ ਕਣਕ ਦਾ ਬੀਜ ਮੁੱਫਤ ਅਕਾਲੀ ਦਲ ਵੱਲੋਂ ਦਿੱਤਾ ਗਿਆ।