ਫ਼ਤਹਿਗੜ੍ਹ ਸਾਹਿਬ, 24 ਜੂਨ (ਮਨਪ੍ਰੀਤ ਸਿੰਘ)-ਜ਼ਿਲ੍ਹਾ ਫ਼ਤਹਿਗੜ੍ਹ ਸਾਹਿਬ ਦੇ ਪਿੰਡ ਲੁਹਾਰੀ ਕਲਾਂ ਦਾ ਜੰਮਪਲ ਰਾਜਦੀਪ ਸਿੰਘ ਰਵਾਲਾ ਦਾ ਛੋਟੇ ਹੁੰਦੇ ਦਾ ਸੁਪਨਾ ਸੀ ਕਿ ਉਹ ਫ਼ੌਜ ਵਿਚ ਭਰਤੀ ਹੋ ਕੇ ਦੇਸ਼ ਦੀ ਸੇਵਾ ਕਰੇਗਾ। ਛੋਟੀ ਉਮਰ ਵਿਚ ਹੀ ਦੇਸ਼ ਭਗਤੀ ਦੀਆਂ ਗੱਲਾਂ ਕਰਨ ਵਾਲੇ ਰਾਜਦੀਪ ਸਿੰਘ ਰਵਾਲਾ ਲੁਹਾਰੀ ਕਲਾਂ ਦੀ ਇਹ ਕੋਸ਼ਿਸ਼ ਇਟਲੀ ਵਿਚ ਰਹਿ ਕੇ ਪੂਰੀ ਹੋ ਸਕੀ ਕਿਉਂਕਿ ਉਸ ਦੇ ਪਿਤਾ 2001 ਤੇ ਮਾਤਾ 2006 ਵਿਚ ਇਟਲੀ ਵਿਚ ਚਲੇ ਗਏ ਸਨ। ਰਾਜਦੀਪ ਦੀ ਸਿਰਤੋੜ ਮਿਹਨਤ ਤੇ ਲਗਨ ਸਦਕਾ ਉਹ ਇਟਲੀ ਦੀ ਫ਼ੌਜ ਦੇ ਸਖ਼ਤ ਟੈੱਸਟ ਪਾਸ ਕਰਕੇ 25 ਅਪ੍ਰੈਲ 2026 ਨੂੰ ਫ਼ੌਜ ਵਿਚ ਭਰਤੀ ਹੋ ਗਿਆ। ਫ਼ੋਨ ਤੇ ਗੱਲਬਾਤ ਕਰਦਿਆਂ ਰਾਜਦੀਪ ਸਿੰਘ ਨੇ ਕਿਹਾ ਕਿ ਜੇਕਰ ਤੁਹਾਡੇ ਵਿਚ ਦੇਸ਼ ਕੌਮ ਪ੍ਰਤੀ ਪਿਆਰ ਤੇ ਜਜ਼ਬਾ ਹੈ ਤਾਂ ਤੁਹਾਡੀ ਮਿਹਨਤ ਵਿਦੇਸ਼ਾਂ ਵਿਚ ਬੈਠੇ ਵੀ ਪੂਰੀ ਹੋ ਜਾਂਦੀ ਹੈ ਬਸ਼ਰਤੇ ਕਿ ਜਿਸ ਦੇਸ਼ ਵਿਚ ਤੁਸੀਂ ਰਹਿੰਦੇ ਹੋ ਉਸ ਦੇਸ਼ ਨਾਲ ਪਿਆਰ ਤੇ ਵਫ਼ਾਦਾਰੀ ਤੁਹਾਡੇ ਜਹਿਨ ਵਿਚ ਹੋਣੀ ਲਾਜ਼ਮੀ ਹੈ।
