ਬਸੀ ਪਠਾਣਾਂ, 8 ਮਈ (ਐਚ.ਐਸ. ਗੌਤਮ)-ਕਾਂਗਰਸੀ ਦੇ ਟਕਸਾਲੀ ਆਗੂ ਕਿ੍ਸ਼ਨ ਵਧਵਾ ਨੂੰ ਬਸੀ ਪਠਾਣਾਂ ਕਾਂਗਰਸ ਦਾ ਸ਼ਹਿਰੀ ਪ੍ਰਧਾਨ ਬਣਾਏ ਜਾਣ ਤੇ ਪਾਰਟੀ ਆਗੂਆਂ ਤੇ ਵਰਕਰਾਂ ਵਲੋਂ ਹਲਕਾ ਬਸੀ ਪਠਾਣਾਂ ਦੇ ਸੀਨੀਅਰ ਆਗੂ ਰਣਜੀਤ ਸਿੰਘ ਤਰਖਾਣ ਮਾਜਰਾ ਦੀ ਅਗਵਾਈ ਹੇਠ ਹਾਰ ਪਾ ਕੇ ਸਨਮਾਨਿਤ ਕੀਤਾ ਗਿਆ ਅਤੇ ਨਿੰਮ ਵਾਲਾ ਚੌਂਕ 'ਚ ਲੱਡੂ ਵੰਡ ਕੇ ਖ਼ੁਸ਼ੀ ਦਾ ਪ੍ਰਗਟਾਵਾ ਕੀਤਾ | ਇਸ ਮੌਕੇ ਕਿ੍ਸ਼ਨ ਵਧਵਾ ਨੇ ਸੰਸਦ ਮੈਂਬਰ ਡਾ: ਅਮਰ ਸਿੰਘ, ਕਾਂਗਰਸ ਦੇ ਜ਼ਿਲ੍ਹਾ ਪ੍ਰਧਾਨ ਸੁਰਿੰਦਰ ਸਿੰਘ ਰਾਮਗੜ੍ਹ, ਅਮੀ ਚੰਦ ਭਟੇੜੀ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਆਉਣ ਵਾਲੀਆਂ ਨਗਰ ਕੌਂਸਲ ਚੋਣਾਂ ਵਿਚ ਕਾਂਗਰਸੀ ਉਮੀਦਵਾਰਾਂ ਦੀ ਜਿੱਤ ਨੂੰ ਯਕੀਨੀ ਬਣਾਉਣਗੇ | ਇਸ ਮੌਕੇ 'ਤੇ ਰਣਜੀਤ ਸਿੰਘ ਤਰਖਾਣ ਮਾਜਰਾ, ਹਰਪ੍ਰੀਤ ਸਿੰਘ, ਡਾ. ਅਮਨਦੀਪ ਕੌਰ ਢੋਲੇਵਾਲ, ਪ੍ਰੇਮ ਸਿੰਘ ਖਾਬੜਾ, ਅਸ਼ੋਕ ਗੌਤਮ, ਮਾਸਟਰ ਕੌਰ ਸਿੰਘ, ਅਰਜੁਨ ਸੇਤੀਆ, ਪ੍ਰੇਮ ਵਧਵਾ, ਲਾਲੀ ਵਰਮਾ, ਪ੍ਰੀਤਮ ਰਬੜ, ਰਾਧੇ ਸ਼ਾਮ ਜਾਵਾ ਆਦਿ ਹਾਜ਼ਰ ਸਨ |
