ਦੇਰੀ ਨਾਲ ਪਏ ਮੀਂਹ ਕਾਰਨ ਕਣਕ ਦੀ ਗੁਣਵੱਤਾ 'ਚ ਵੱਡਾ ਨੁਕਸਾਨ- ਸਿਮਰਨਜੀਤ ਸਿੰਘ ਮਾਨ
ਅਜੀਤ ਡੈਸਕ
17-04-2026
ਉਨ੍ਹਾਂ ਕਿਹਾ ਕਿ ਇਹ ਵੀ ਜਾਂਚ ਕੀਤੀ ਜਾਵੇ ਕਿ ਐਨ.ਸੀ.ਆਰ ਦੇ ਅਸੰਤੁਲਿਤ ਸ਼ਹਿਰੀ ਤੇ ਉਦਯੋਗਿਕ ਵਿਕਾਸ ਦਾ ਖੇਤਰੀ ਮੌਸਮ 'ਤੇ ਕੀ ਅਸਰ ਹੈ, ਕਲਾਉਡ ਸੀਡਿੰਗ ਅਤੇ ਹੋਰ ਮੌਸਮੀ ਗੜਬੜੀ ਦਾ ਵਾਤਾਵਰਨ ਅਤੇ ਮੌਸਮ 'ਤੇ ਕੀ ਪ੍ਰਭਾਵ ਹੈ, ਕੀ ਇਹ ਤੱਤ ਕਣਕ ਦੀ ਗੁਣਵੱਤਾ ਵਿਚ ਆਈ ਕਮੀ ਨਾਲ ਜੁੜੇ ਹੋ ਸਕਦੇ ਹਨ? ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਕਿਸਾਨਾਂ 'ਤੇ ਉਨ੍ਹਾਂ ਕਾਰਨਾਂ ਦਾ ਬੋਝ ਨਹੀਂ ਪਾਇਆ ਜਾ ਸਕਦਾ, ਜੋ ਪੰਜਾਬ ਤੋਂ ਬਾਹਰ ਪੈਦਾ ਹੋ ਰਹੇ ਹਨ | ਉਨ੍ਹਾਂ ਮੰਗ ਕੀਤੀ ਕਿ ਸਾਰੀਆਂ ਮੰਡੀਆਂ ਵਿਚ ਤੇਜ਼ ਖ਼ਰੀਦ ਸ਼ੁਰੂ ਕੀਤੀ ਜਾਵੇ, ਇਸ ਸੀਜ਼ਨ ਲਈ 639 ਦੇ ਗੁਣਵੱਤਾ ਨਿਯਮਾਂ ਵਿਚ ਪੂਰੀ ਢਿੱਲ ਦਿੱਤੀ ਜਾਵੇ, ਮੌਸਮੀ ਨੁਕਸਾਨ ਕਾਰਨ ਪ੍ਰਭਾਵਿਤ ਕਿਸਾਨਾਂ ਨੂੰ ਮੁਆਵਜ਼ਾ ਦਿੱਤਾ ਜਾਵੇ, ਕਲਾਉਡ ਸੀਡਿੰਗ ਸਮੇਤ ਖੇਤਰੀ ਮੌਸਮੀ ਤਬਦੀਲੀਆਂ ਦੀ ਸਮੇਂਬੱਧ ਅਤੇ ਪਾਰਦਰਸ਼ੀ ਜਾਂਚ ਕਰਵਾਈ ਜਾਵੇ |
